مالك يا جمانة خير يا حبيبتي
ربنا يا رب يبعد هنك اللي بيؤذيك آمين يا رب العالمين

السلام عليكم
ازيكم يا جماعه عاملين ايه
وحشتوووووووووووووووووووووووووونى مووووت كلكم
ووحشتنى اللمه الحلوة بتاعة زمان
يارب يجمعنا دايمآ فى الدنيا
وفى الفردوس الاعلى ان شاء الله

انا قلت اسلم عليكم بسرعة كده قبل ما انام

السلام عليكم و رحمة الله و بركاته

صباح الفل عليكم كلكم

كيوت جمانة، الف سلامة عليكي يا حبيبتي، و ربنا يفرج كربك و همك و يبعد عنك اي اذى و ييسر لك امورك يا حبيبتي

ام ابيها حبيبتي، الحمد لله ان كلامنا طمنك يا غالية و ربنا ييسر لك امورك و يوفقك لكل اللي فيه خير ليكي و لبيتك و بنتك

ام زياد حبيبة قلبي وحشتيني اوي، ازيك و ازاي الاولاد؟؟ يارب يكونوا بخير

رواء، فينك؟؟ انتي زعلانة مني و الا ايه؟؟ وحشتيني اوي، ازيك و ازاي حبايبي الصغيرين؟؟

رانيا يا جميلة، انا سايباكي للاخر عشان ارد عليكي براحتي و بالتفصيل الممل. اولا يا ستي شكرا على كلامك الجميل، و الله انتي اللي انسانة طيبة و كلك ذوق و تتحبي على طول، ربنا يحبب فيكي خلقه كمان و كمان.

شوفي يا ستي، انتي ممكن تستغني عن الاساس طالما مش حتحطي ميك اب كامل، يعني مش حتحطي بودرة مثلا. بس هو البلاشر مش بيبقى شكله حلو و هو لوحده من غير اساس، لكن ممكن تحطي بلاشر على طول بس لازم تكوني حاطة كريم مرطب قبلها بحوالي عشر دقايق و الا حاجة عشان يبقى شكله حلو على وشك. لكن طبعا الاساس من اساسيات الميك اب لان هو اللي بيوحد لون البشرة و بيثبت الحاجات اللي بتتحط بعده، فهمتيني؟؟ طبعا بتختاري الاساس على اساس لون بشرتك و نوعها يعني لو بشرتك دهنية يبقى تجيبي اساس مات عشان تتفادي انه يسيح او يعجن مع البودرة بعد شوية، و لو وشك جاف يبقى تستخدمي اساس يرطب وشك و ميقشرش على بشرتك بعد كده. و اختاري درجة افتح من لونك بدرجة واحدة. و حتلاقي عندك كل الانواع اللي اتكلمنا عنها بوبا و كلارينز و جيفنتشي و ديور و شيسيدو حتلاقي كل ده عندك اكيد و شيسيدو ده ياباني اصلا فأكيد حيكون متوفر عندك كتير

اما ماكياج العنين و سوري اني نسيته، انتي لو عندك هالات حواليها عاوزة تخفيها او اي مناطق تانية غامقة في وشك زي جانبي الانف او اسفل الفم او جانبي الجبهة او اي بقعة تانية في وشك، استخدمي الكونسيلر و الخطوة دي قبل الاساس. لو مش عاوزة خلاص يبقى الاساس على طول و بعدين حطي الايشادو بالطريقة اللي تعجبك يعني ممكن تحطيه على كامل الجفن المتحرك بدرجة واحدة سواء فاتحة او غامقة و ممكن تدمجي لونين و ممكن تحطي درجة فاتحة الاول عالجفن بالكامل و بعدين لون غامق عالمتحرك، يعني دي حاجة ترجعلك انتي و الدرجات اللي بتحبيها و شكل العين اللي انتي عاوزاه. و لو بتحبي كحل او ايلاينر ارسمي خط على طول الرموش من فوق و خط زيه من تحت لو تحبي ترسمي العين كاملة و بعدين حددي العين من جوه بالكحل. و عشان الكحل ميعملش هالات تحت العين و يسيح و يبوظ الدنيا، هاتي فرشاة الشادو و حطيها في شادو اسود او رصاصي غامق و امشي على رسمة الكحل من تحت، بيثبتلك الكحل و بيدمج اللون و بيطلعه شكله احلى كتير. و بعدين حطي الماسكارا عادي بانك بتحركي فرشاة الماسكارا من تحت لفوق و للاجناب كأنك بتسرحي رموشك و نفس الشئ في الرموش السفلية. و بس خلاص. اه نسيت اقولك انك لو حترسمي شادو عالجفن كله، تعالي تحت عظمة الحاجب و ارسمي بالشادو الابيض عشان بيدي ضي حلو بس متكتريش. يا رب اكون عرفت اوصفلك و فهمتيني كويس. و لو عندك اي سؤال تاني اتفضلي يا قمر

زوجي = الحياة (هبة) انتي فين يا بنتي؟؟ قلقتيني عليكي. انتي تعبانة و الا مسافرة و الا ايه؟؟ طمنينا عليكي بليز يابوبا

ام جوجو و مووووون و داليدا و شيري و كارمن و بقية الناس ازيكم عاملين ايه؟

اينا، انتي فين؟؟؟ طمنيني المباراة عملت ايه؟؟ و انتي اخبارك ايه؟؟

ميرو صباح الفل عليكي

ام ابيها
انا دخلت لبن صناعي لشادن مع الرضاعة لان لبني كان قليل ( حاسه اني معزة) المهم الموضوع ده ريحني شوية لانة كان بيسند مع المرتين اللي بروحلها فيهم ده غير انه ماصرش علي الرضاعة الطبيعية كان مكمل ليها بس ده غير اني دخلتلها الاكل كمان مع الشهر الرابع في الحضانة يعني كنت ببعت معاها الحاجات البسيطة اللي في الاول دي عصاير واعشاب وبسكويت ماري دايب في عصير البرتقال مثلا والمية بتاعتها طبعا

ازيكم يابنات انا كنت ناويه الصيام النهاردة وبعدين كالعادة وانا بدي لبنتي الحليب لازم ادوقه واتأكد انه مش سخن نسيت وشربت وراح عليا الصيام:( الحمد لله على كل شئ
المهم النهاردة الخميس وهنبتدي اجازة العيد وهشوف جوزي اخيرا انا مبسوطة قوي بس ادعولنا مانتخانقش اصل احنا عندنا تقليد ان لازم كل عيد نعمل خناقة عشان نبقى عييدنا اتمنى السنة دي يكون في تغيير...
Enna عامله ايه اخبار الماتش ايه النتيجة طمنينا..
Noody30
miro
moon30
Om basel
spanishflower
roseario
cute_jumana
زوجي=الحياة
كارمين
شيري44
بوسه ليكم كلكم وكل سنة وانتم طيبين