صباح الخير عليكم جميعا ..
احنا انهارده آخر يوم لينا فى الشغل وبعد كده ان شاء الله حسافر .. حبيت اعيد عليكم .. كل سنه وانتوا طيبين ودايما قلوبنا صافيين وعلى الحب والخير متجمعين وبدون خناقات حلويين :) ايه رايكم بأه فى السجع ده :) عيد سعيد عليكم .

بوسه كبيرةةةةةةةةةةةة للكل .

حبيباتي ام جوجو و شيري

و انتم طيبين يا احلى البنات و ان شاء الله دايما متجمعين سوا عالخير و في الخير و تروحوا و ترجعوا بالف سلامة

انا بقى معسكرة يوم او اتنين الاسبوع الجاي و حادخل ان شاء الله على يوم الاحد كده اطمن اذا كان فيه حد غيري موجود و الا لا

بس للضمان من دلوقت

كل سنة و انتم كلكم طيبين و يا رب يكون عليد سعيد على الجميع و السنة الجاية اللي متخطبتش تتخطب و اللي متجوزتش تتجوز و اللي مخلفتش تخلف و اللي خلفت تفرح بولادها

فيه حاجة كمان؟؟؟

سلام يا احلى اخوات

السلام عليكم يا أحبائى
ازيكم كولكم,يارب تكونو بخير وبصحه وسعاده

نودى
حبيبة قلبى والله انت كمان واحشانى اوى يا فمر
والف حمد الله على سلامتك

دندون
ازيك يا جميل,عامله ايه
وانت طيبه يا حبيبة قلبى,وكلنا يارب متجمعين دايمآ ان شاء الله

ام باسل
ازيك يا قمر وازى الولاد
وازى مريومه عاملين ايه كلكم
ربنا يعلم انت واحشانى اد ايه يا حبيبتى

lolookasha
معلش يا حبى انا كمان كان بيحصلى كده
ومهما كان لازم ادوق اللبن حتى لو حاساه بايدى دافى
ههههه

رواء الاسلام
ازيك يا جميل عامله ايه وازى عمورة واحمد
بوسيهملى بوسه كبيييييييرةاوى

ميرو
والله مش انت لوحدك اللى حاسه انك معزة
هههههههههه
انت عامله وازى شدونه

ام ابيها
اولآ حمد الله على سلامتك ولو انها متأخرة اوىىىىى
وازى ياسمين ,ربنا يبارك لك فيها يارب
وعقبال ما تشوفيها عروسه ياارب

سبانيش
ازيك يا رانيا وازى جومانجى وندى
يارب تكونو كلكو بخير

وباقى البنات كل سنه وانتم كلكم طيبين
اعاده الله علينا جميعآ باليمن والبركات
وان شاء الله متجمعين فى الفردوس الاعلى يااااارب
اللهم آمين
ادعولى ان ربنا يرزقنا الحج ياااارب

السلام عليكم
كل عام وانتم بخير
كلكم اتمنى تكونوا كلكم بخير وصحه وسعاده يا رب
نووودى
الحمد لله شكلك بقيتى احسن دلوقتى
الف حمدالله على سلامتك يا جميله
ام ذياد
حبيبتى وحشانى انتى اكتر والله
ايه يا بنتى فينك
العيال خدوكى مننا
الله يعينك عليهم ويجعلهم ذريه صالحه امين
لولو عكاشه--ام جوجو
اولا بخصوص الرؤيا بتاعه بنتك
والله اعلم البنت محسوده
وباين انتم كمان كده
عليكى بالرقيه الشرعيه
هاتى طبق وفيه شويه ماء طاهر من الحنفيه واقرى عليهم الرقيه
حاولى تنزليهها من الموقع موجوده هتلاقيها
وان شاء الله مع اول اذان للجمعه تسمى باسم الله و تشربى منها وبنتك كمان وزوجك وتبللى كفك وتمسحى على اجسامهم وجسمك انتى كمان
وداومى عليها لمده شهر كامل
باذن الله وبفضل الله يجعلها سبب فى شفاء من العين ليكم
وهدى الجو انتى ومعلش هاتيها عليكى
وكل سنه وانتى طيبه يا جميله
رواء الاسلام
انتى وحشانى جدااا
اخبارك ايه واخبار عمور واحمد ربنا يجعلهم من الصالحين يا رب
طمنينى عليكى اول باول
ابله دون انتى زعلانه ولا ايه مبتتكلميش ليه
كل سنه وانتى طيبه وولادك وكل اللى تحبيهم بخير يا رب
اينا
ادعيلك فى الايام المباركه دى ولكل الاخوات ولنفسى
ان ربنا ييسر لينا الخير حيث كان
ويردنا اليه وهو راض عنا
ويثبتنا على طاعته ويجعللينا من كل هم فرج باذن الله هو ارحم الراحمين

كل البنات
اسال الله ليكم انه ييسر ليكم الزواج ويقر اعينكم بازواجا صالحين يتقون الله فيكم حق تقاته
ام حبيبه 2000
وحشتينى يا غاليه انتى فين
سبانش
ازيك وازى البنات ربنا يجعلهم قره عين ليكى ويرزقك برهم امين يا رب
احلام عصفور
هتفضلى زعلانه منى كده كتير
مين تانى يا جماعه بالله عليكم اذا نسيت حد ما يزعل منى
محدش يعرف اخبار عن سمسمه ام احمد
ولغايه ما اكتب ليكم مره تانيه
اترككم فى حفظ الله وامنه
والسلام عليكم
اختكم ام باسل