ازيك يا كتكوتتنا عاملة اية الف سلامة عليكي وربنا يتم شفاكي علي خير ويرزقك انا وانتي وباقي البناويت بالزرية الصالحة ان شاء الله
وحشتيني اخبار مصر اية والحر في ولا لاء دة احنا هما عندنا موجة حر فظيعة
وبرافوا عليكي التوكل علي الله هو اسلم حل بس بردة" اعقلها وتوكل" وربنا يكرمك ان شاء الله يا عسولة

ازيكم كلكم يا بنات يا حلوين وحشتوني والله العظيم كلكم كلكم ومش عاوزة اكتب اسامي علشان الزاكرة متخونيش علي الرغم اني مش ناسية حد خالص وفكراكم كلكم كلكم
سهولة كنزي كلبيزو هالة القمر انوش دارييين ام منة اهلا بيكي اول مرة نتقابل ومدام شيرين ومليسا واسير العشق اجازة سعيدة سما رنونة والوردة الحالمة مبروك النجاح وعقبال عباس والف مبروك لفرح اختك ربنا يهنيها
رانيا اسبانيش ازيك وسنسن فين هية مش شيفاها في اخر مرة كانت متضايقة شوية يارب تكون بخير
يا ناس والله الزهايمر وقلة الكلام مع البشر سببت لي نسيان مؤقت اسفة لو كانت ايدي خانتني ومكتبتش باقي اخواتي وحبايبي بس العيب اكيد في ال كيبورد





ام اكرم حبيبتنا قلبي معاكي واكيد ربنا مش ناسيكي ممكن يكون اختبار من ربنا والمؤمن دايما مصاب
ربنا يشفيكي انتي وابو اكرم يارب العالمين ويوفق اكرم ومريم
ودايما حطي في بالك انة اية حاجة بتحصل بتكون ليها حكمة عند ربنا ممكن الواحد ميعرفهاش في وقتها بس اكيد حتكون خير وممكن تكون لاول وهلة شيء صعب بس بتكون بعد كدة نكتشف انها ممكن تكون درئت عننا شر مكناش عرفينة
وعسي ان تكرهوا شيء وهو خير لكم
اهم شيء اننا نطمن عليكي وعلي الاسرة ونطمن علي شفاكي انتي وابو اكرم قريب ان شاء الله

يادى النور ازيك يا لوليتا واحشانى ووحشانى واصلة السهرانين بتاعتك انتى وداريين
الله يسلمك يا قمر وربنا يكرمك الجو فى مصر غريب بتيجى موجة حارة اوى ورطوبة جامدة وايام تلاقى الجو جميل خالص سبحان الله وربنا يرحمنا

يا حبوبة تسلميلي يا حبوبة و الله يا كتاكيتو ظروفي ملخبطة حبتين من ساعة ما جينا من مصر والي شفتة في مصر وكملت بحادثة العربية وبعدين الدوخة ما بين محامي وشركة تامين ودكاترة واشعة لجوزي ختاما بالشغل والبحث عن شغل جديد او فتح مشروع جديد وربنا يسلمها وعملية نصب في شرا عربية اخدت ثلات ايام سفر لجوزي لحد ما رجعنا فلوسنا تاني وحالة جوزي النفسية بحاول بقدر الامكان اني اكون جانبة دايما ارفع من روحة المعنوية ودة بيخليني مدخلشي علي الكمبيوتر كتير ودايما اقعد معاه نتكلم نحكي نواسي بعض

ودايما نقول الحمد لله الحمد لله
وانا واثقة ان شاء الله ان ربنا حيفرجها بأزن الله مه لازم كدة وخصوصا في الغربة لازم تيجي فترة ازمة وتعدي اكيد والحمد لله علي الستر الحمد لله لازم كدة يوم مر ويوم حلو الحمد لله والحلو جي اكيد