لا اله الا الله معلشى يا لوليتا ربنا يعينكم وطبعا متسبيهوش لوحده وخصوصا انكم فى الغربة لوحدكم ربنا يخلف عليكم بالحلال وييسر لكم الامور ويبعد عنكم اولاد الحرام وطبعا الحمد لله على كل اللى يقدره لانه هو الخير

يا سيتي الي يجي في الريش بقشيش مش كدة بردة

المهم انتي تبقي بصحة وسلامة قربتي تعودي تاني ولا لسة واخبار الاهل اية والفرح والعروسة

شوفتي كنت حنسي اسلم علي سارة مصرية رقيقة بتيفورة وبسكوتة حمد الله علي سلامتك يا سارة ومعلشي هي فترة كدة وبتعدي وترجعي تتاقلمي علي الوضع المهم متسبيش فرصة للاكتئاب يسيطر عليكي خليكي جامدة يا بنوتة

فين بقيت البنات انا معاكم لغاية ما الاوفندي بتاعي يجي من برة انا خلصت وعملت الغدا وقلت قعد اشوف اخباركم اية وحشني الرغي والمواضيع الحلوة


علي فكرة يا انيقات بالنسبة لموضوع الشعر والمكواة السيراميك
انا من سنتين تلاتة اشتيرت الي اسورة حطت صورتها الي هي wet 2 straight
وبتنفع كتير وقت الزنقة وهي بتستخدم والشعر مبلول تفرديبيها الشعر غير اي مكوة تانية لاوم يكون الشعر ناشف
وان شاء الله لو في وقت احكيلكم علي كام طريقة انا بعملها علشان متخليش طرف الشعر واقف

اهم حاجة لازم يكون عندك سيروم مخصوص يتحط علي الشعر قبل المكواة علشان يعمل تغليف للشعر وميضرش الشعر غالبا اسمة بيكون heat protectore او hair polisher في منة للشعر الي حيتعمل ليس او كيرلي وطبعا ممكن تستخدمية قبل السيشوار كمان وبيدي غالبا لمعة انا بستخدم نوع ممكن يكون مش معروف قوي ماركة اسمها fantasia واكيد في مركات تانية معروفة




لو المكواة بتاعتك مسطحة ممكن وانتي بتشتغلي بيها تحاولي انك تلفلفي شعرك عليها خصوصا الاطراف كانك بتستخدمي المكواة الاسطوانية العادية الي عند الكوافير ودة حيخلي نهاية اطراف الشعر مش واقفة متصلبة لا حتكون مرنة نوعا ودتدي شكل فورمة كانك عملا شعرك بالمكواة الاسطوانية يارب تكون وضحت الفكرة

ممكن علي السريع علشان تخلي شعرك كيرلي حبتين ودي بعملها في كام خصلة فقط
اني اخد خصلة شعر وابرمها واستخدم المكواة عليها وهي مبرومة حتديكي بردة سكل الكيرلي المكسر شوية
لو افتكرت حاجة تانية حقولها اكيد

وحشتونيييييييييييييييييي يا بنات
وعلي فكرة انا اتصلت بالاوفندي بتاعي وقلي ان جاي خلاص هو قريب من البيت وساعتها حضطر اسفة اني اقولكم

صحيح الست بمية راجل بس ان جية الراجل................................ الست
لمؤاخذة يا جماعة هاهاهاهاهاا
بحبكم كلكم ومستنية اقابلكم نفر نفر