تك تتك تك تك
الى كل البنات .....بنات مصر فى الغربه ( الطيور المهاجره ) على راى ام عصمت
تك تتك تك تك
بمناسبه شهر رمضان الكريم
تك تتك تك تك
الى رايح يقول للجاى
تك تتك تك تك
و الى جاى يقول للى رايح

ام عصمت
الف سلامه على سلمى
معلش حاولى تشربيها سوائل كتير علشان العلاج
الف سلامه


المشتاقه للامومه


كل سنه وانت طيبه ويارب يااااااااااااااااارب السنه الجايه نقولك يا ماما انت وكل البنوتات هنا


سنسن
اى خدمه يا حبيبتى
على فكره ممكن السنه الجايه تسالوا في السفاره السعوديه لو عندهم برامج عمره للاجانب
وتشتركوا فيها
او تاخدو تاشيره عمره من هناك بس نصيحه لو عايزه تستمتعى بالعمره والكعبه والروضه انصحك تيجي في وقت مش موسم يعنى رجب وشعبان ورمضان الى الحج بتلاقيهم زحمه جدا باقى الشهور روعه الحرم بيكون فاضى وتستمتعى جدا


باقى البنوتات مليون سلااااااااام

اه صحيح هو انتم خطتكم اول يوم رمضان ايه يعنى حتطبخوا ايه لانى شكلى كده حنقضيها موائد الرحمن

صباح الخيرات يا حريم يا مصريات
سهلوله
حمد الله على سلامتك وعمره مقبوله ان شاء الله.....ملف المغربيات موجود بس مش في الصفحه الاولى....والله بنات حلال جدا وماشفتش منهم الا كل خير
دارين
اوعي تقبلي وضع انتي مش مرتاحه له.....ماحدش بياخد الروح الا اللي خالقها وماحدش حاينفعك لما تخسري اعصابك.....ماتسمعيش كلام سهلوله لما تطنشي مش حاتنتعشي لا ضغطك حايعلى ويمكن السكر كمان
انوسه
حلوه اوي صورة جامي....تعرفي انها بتجيب شبهك اكتر واكتر من حسونه
كلبيزو
معلومات الجنزبيل مفيده....انا بااسمعهم في الافلام يقولوا واحد جنزبيل ...جربت اعمله بالحليب
عشان يكسر لسعته شويه ماعرفتش....ياريت نعرف له طريقه يتعمل بيها بشرط يكون طعمه مقبول
الورده الحالمه
مالك يا وردايه دبلانه ليه..... دا انتي في ربيعك ياله رعرعي كده وخلي ريحتك الحلوه تملا الملف
ندا.....ساره...المشتاقه.....لوليتا....ميليسيا ....كتكوته
يارب فرحكم في رمضان......وياتي العيد وانتم (ماما المستقبل)
هالة القمر
ومن سمعك والله لو لقيت مائده للرحمن مش حاامانع خصوصا وانا مضروبه تسعين دزمه وماليش نفس للطبخ
ام عصمت
الف سلامه على سلمى......لا اراكي الله بأس في اولادك يارب....بس لما تمرض دلوقتي آمال في الشتا حاتعمل فيكي ايه....مافيش غير انك تبعديها عن كل مصدر للبرد والحساسيه
سنسن
ده احلى وقت تروحي اسكندريه فيه لو حاتقعدي فتره هناك حااقولك ازاي تاخدي مفتاح شقتي لانه مايصحش يبقى لك اخت كبيره هناك وتنزلي في اوتيل....وانا مش بااعزم وخلاص....انا والله اعني مااقول.....ان شاء الله تتبسطي هناك

انا طالبه منكم طلب يا بنات
بالله عليكم...وانتوا بتفطروا اول يوم ادعوا لي ان ربنا يفك كربي.....واللي ربنا يقدرها وتختم المصحف تدعي ربنا بحق كلماته التامه اللي بتقراها انه يزيح الغمه دي عني.....ارجوكم ماتنسونيش في دعاكم

ام اكرم ممكن تعملى الجنزبيل مع النعناع الاخضر يعنى تغلى ميه و تحطى فيها ملعقه جنزبيل و تخليهم يغلو شويه و تصبيها فى كوب فيه ملعقه عسل و كام ورقه نعناع اخضر و تقلبيهم و بالهنا و الشفا
على فكره انا مجربتوش يعنى معرفش طعمه ايه بس هو مفيد جدا