om mena
والله افتكرتك الفجر...كنت ناشره غسيل ونشف ولقيت الدنيا شمس طمعت وقلت خليه شويه
ونسيته،ما افتكرتهوش الا الفجر صحيت على صوت الرعد
كنت عايزه انط من السرير المه ابو اكرم قالي اصله بيحترمني جدا
عايزه يجيلك نزله ولا التهاب رئوي؟؟ عانه ما اتلم اتخمدي
بس اتخمدت وافتكرت السجاد بتاعك هو نشف ولا لسه شوفي القلوب عند بعضها ازاي؟؟؟
ما قلتيش نازله مصر امتى؟؟

شطورة
سلامتك...ايه حكاية القرحه دي؟؟؟؟؟عمرك ما اشتكيتي منها
سلامتك

سنسن
باين عليكي واقعه من سابع دور كسكسي وممبار على راي الفيلم
لألأ ماينفعش الا اننا نشوفك في الاسكندريه وانا واوزه حنظبطك تمام

سنسن واوزه
بجد الولد معصبني قوي...ما اعرفش طوله كام؟؟بس اهو زي الحيطه
ف الاول باباه كان بيقولي سبيه طبيعي ف السن ده ان شهيته تبقى ذايده...وبعدين لقيت ابوه بيبحلق
فيه بااستغراب وبيقولي الولد عامل زي المكنسه الكهربائيه بيقش اللي في سكته بدون تميز
يعني فراخ لحمه سمك ماشي وراهم بيض لبن مايضرش معاهم كوكا عصير بيبسي وماله
قبلهم شاي بلبن سحلب ما يخصرش...مش بيتذوق بيزلط
مره كنت صايمه حطيت له ياكل وسالته الملح مظبوط ؟؟قالي ان عارف؟؟؟
وهو ده اللي غايظني وبيتسلى بالاكل دايما فاتح التلاجه وواقف قدمها

سونا
اهلا اهلا عمار يا اسكندريه
معاكي خالتك ام اكرم جارتك يا اختي من زنانيري
ربنا يحميكي ويفرحكم ببعض