لوشا انتي بتختفي كتير ليه؟ وربنا يصبر الاخت اللي توفى زوجها وربنا يغمره برحمته وفعلا صعبه جداااااالان اخويا حصل معاه كده مراته ماتت الله يرحمها وهم في الغربه ربنا يصبرها بجد

مدام علي نورتي الملف على فكره انا متابعه الاكلات الليبيه اللي دايما بتنزليها في قسم الاطباق وربنا يسعدك ان شاء الله

على فكره المصريين عمرهم كويسين مش وحشين واكتر دليل ان في دوله من الدول لما ظهر عندها البترول ما قدروش يجيبوا حفارات اللي جاب لهم الحفارات محمد الفايد ومش هاقول اكتر من كده

كلبيزو

انا الهدايا اخدت مني رقات

اولا احنا بنجيب للأهل فقط وبعض الاصدقاء ومع مرور الوقت الدايرة كبرت شوية مع زيادة عدد الاسرة

كنا بنشتري من السيتي سنتر في دبي هدايانا مع العلم ان العدد كبير ماشاء الله اولاد اخوات زوجي 10واخوانه واخواته وازوجهم 10 برضه

وكانت الهدية عبارة عن طقمين لكل فرد يعني بنطلونين وتي شيرتين مع بوت رياضي (( كوتشي )) للاولاد

والحريم يموتوا بالقماش برضه كل واحدة قطعتين

ده غير اهلي بابا وماما واخويا واختي وهما دلوقت متزوجين زهنتكلم عليهم بعدين

طبعا انت بتشتري وتدفعي دم قلبك ومن افخم المحلات وفي الاخر صحيح عارفين قيمة الحاجة بس ماحدش بيخاف عليها ولا يعطيها قيمة لانه مش دافع فيها مليم احمر ...

من كام سنة كانوا في الجمارك قالوا ان كل حاجة هتتجمرك واخو زوجي قاله ماتشتريش حاجة وكانت الفرصة الذهبية انه يعطي كل واحد مبلغ بقيمة الهدايا ....ومشى الموضوع كده لحد دلوقت

وارتاحنا من اللف والحيرة ومكالمات التليفون اللى مع كل نازلة نشتري فيها نعمل مكالمتين تلاتة

دلوقت بنشتري لكل واحدة من اخواته هدية للبيت (( قطعة كهربائية_ مروحة _ حاجة للمطبخ_ كاسيت )) مع المبلغ وخلاص

وكان الاول مع الهدايا (( توابل ومكسرات وصابون ومعجون اسنان وشاي وشامبو ووصلت لمرحلة اننا كنا بنشتري ادوات مدرسية للعيال ))

اما عن اهلي

ما خف وزنه وغلى ثمنه

ماما وبابا طقم ساعات كابيلز نوعهم جوفيال مرة تانية نظارتين ريبان شيك يعني كل مرة بنفكر في حاجة صغيرة وقيمة ومايمنعش اخد لهم طقمين ملابس والسنة دي ناويه اجيب لهم موبايلات

اما اخي مرة موبايل مرة نظارة ريبان ودلوقت مراته وعنده بنوته ومراته خلفت من يومين محمد الله يحرصهم له وطبعا دول علشان جداد علينا احلى لبس من مذركير _اوش كوش_ البيبي شوب ولعب طبعا
وما يمنعش ان مرة امشيها ملابس برضه

اما اختي هي الوحيدة اللى مريحاني

قبل ما انزل أسألها عاوزة ايه ؟؟ وهي بتطلب من غير احراج ...طلبت مفرش للسفرة ومرة ميكروويف ومرة براد كهرباء وطبعا جوزها له نصيب وبرضه بسألها وبيرح نفسي وبريح زوجي

فأصبحت العملية أخف بكتير من الاول لان طبيعي احنا لبسنا بياخد وقت ومجهود بما بالك كنا بنشتري للعدد الكبير ده ملابس

وطبعا تعملي احصائية للمبلغ اللى ادفع ..............خربوا بيتنا هههههههههههه

السلام عليكم يابنات

كيف حالكم جميعا
يارب تكونوا فاكرينى انا عوزه اقول حاجه بس بجد انا اتخنقت اوى من تكرار المواضيع الغبيه دى
انا بقالى فىالمنتدى خمس سنين وكل يوم اشوف موضوع غبى كده
مش عارفه هما فاكرين نفسهم يقدروا يستغنوا عننا أًصلا مكنتش الحكومه سابتنا فى بلادهم
وبعدين فين الامتيازات اللى بتتوفر لغير المواطنين زى دول اوربا
تعليم صحه علاج خدمات
عشان يقولوا اننا بنشاركهم كل شئ مفيش اى حقوق الواحد يقدر يخدها فى دول الخليج مقارنة باوربا
واظن كلكم عارفين مش لازم اقول المعامله بقت شكلها ايه فى بلد كده كلنا اكيد عارفينها
وادى لينك موضوع من ضمن المواضيع من يوم ماكتبت الرد مفيش ولا وحده علقت بصراحه انا كتبته وانا بغلى نار من كتر الذكاء اللى عندهم خلاص دماغهم متبرمجه على كدا ومكنتش عارفه انا بكتب ايه
http://forum.hawaaworld.com/showthread.php?t=686673&page=6

بس انا خلاص بقيت اكبر دماغى وكتير بهجر المنتدى بس عشان صحبتى الحلوه اللى فيه مش بقدر اغيب كتير