اوزوريس :

كلبيزو انا الهدايا اخدت مني رقات اولا احنا بنجيب للأهل فقط وبعض الاصدقاء ومع مرور الوقت الدايرة كبرت شوية مع زيادة عدد الاسرة كنا بنشتري من السيتي سنتر في دبي هدايانا مع العلم ان العدد كبير ماشاء الله اولاد اخوات زوجي 10واخوانه واخواته وازوجهم 10 برضه وكانت الهدية عبارة عن طقمين لكل فرد يعني بنطلونين وتي شيرتين مع بوت رياضي (( كوتشي )) للاولاد والحريم يموتوا بالقماش برضه كل واحدة قطعتين ده غير اهلي بابا وماما واخويا واختي وهما دلوقت متزوجين زهنتكلم عليهم بعدين طبعا انت بتشتري وتدفعي دم قلبك ومن افخم المحلات وفي الاخر صحيح عارفين قيمة الحاجة بس ماحدش بيخاف عليها ولا يعطيها قيمة لانه مش دافع فيها مليم احمر ... من كام سنة كانوا في الجمارك قالوا ان كل حاجة هتتجمرك واخو زوجي قاله ماتشتريش حاجة وكانت الفرصة الذهبية انه يعطي كل واحد مبلغ بقيمة الهدايا ....ومشى الموضوع كده لحد دلوقت وارتاحنا من اللف والحيرة ومكالمات التليفون اللى مع كل نازلة نشتري فيها نعمل مكالمتين تلاتة دلوقت بنشتري لكل واحدة من اخواته هدية للبيت (( قطعة كهربائية_ مروحة _ حاجة للمطبخ_ كاسيت )) مع المبلغ وخلاص وكان الاول مع الهدايا (( توابل ومكسرات وصابون ومعجون اسنان وشاي وشامبو ووصلت لمرحلة اننا كنا بنشتري ادوات مدرسية للعيال )) اما عن اهلي ما خف وزنه وغلى ثمنه ماما وبابا طقم ساعات كابيلز نوعهم جوفيال مرة تانية نظارتين ريبان شيك يعني كل مرة بنفكر في حاجة صغيرة وقيمة ومايمنعش اخد لهم طقمين ملابس والسنة دي ناويه اجيب لهم موبايلات اما اخي مرة موبايل مرة نظارة ريبان ودلوقت مراته وعنده بنوته ومراته خلفت من يومين محمد الله يحرصهم له وطبعا دول علشان جداد علينا احلى لبس من مذركير _اوش كوش_ البيبي شوب ولعب طبعا وما يمنعش ان مرة امشيها ملابس برضه اما اختي هي الوحيدة اللى مريحاني قبل ما انزل أسألها عاوزة ايه ؟؟ وهي بتطلب من غير احراج ...طلبت مفرش للسفرة ومرة ميكروويف ومرة براد كهرباء وطبعا جوزها له نصيب وبرضه بسألها وبيرح نفسي وبريح زوجي فأصبحت العملية أخف بكتير من الاول لان طبيعي احنا لبسنا بياخد وقت ومجهود بما بالك كنا بنشتري للعدد الكبير ده ملابس وطبعا تعملي احصائية للمبلغ اللى ادفع ..............خربوا بيتنا هههههههههههه

كلبيزو انا الهدايا اخدت مني رقات اولا احنا بنجيب للأهل فقط وبعض الاصدقاء ومع مرور الوقت...

كتكوتة كتكوتة :

السلام عليكم ورحمة الله وبركاته ازيكم يا بنات واحشتونى معلشى انا مش كنت باعرف ادخل كتيير علشان تعب جوزى اصله تعب من ساعة وصولنا دبى بس ان شاء الله هانتظم فى الدخول خلاص انا باشكر اللى سالوا عنى وبرضه انا مع موضوع الهدايا ده يعنى عاوزة اقتراحات بس عاوزة اخد رايكم الاول احنا جايين تبع شغل جوزى 3 شهور وراجعيين ان شاء الله يعنى طبعا الميزانية مش هتسمح بهدايا ثمينة اوى بس برضه لازم حاجة من ريحة دبى ولا انتم ايه رايكم يا حلويين؟؟؟ وعموما اللى عندها خبرة بـ دبى ياريت تفيدنى ايه الاماكن اللى ممكن نشترى منها وخصوصا الفترة دى فترة مهرجان بس مش عارفة استفيد منه ازاى انا خايبة شويتيين فى موضوع الشرا ده همتكم عايا بقى الله يكرمكم وهاطمع فى حاجة كمان انا عاوزة اسم وعنوان دكتورة نساء هنا فى دبى اتابع معاها تبويض "متابعة تبويض" وطبعا مش هاوصيكم انها تكون شاطرة ومش غالية احسن هنا الدكاترة والعلاج طلعوا نااااااااااارررر وطبعا دعواتكم لنا ان ربنا يرزقنا بالذرية الصالحة والسليمة

السلام عليكم ورحمة الله وبركاته ازيكم يا بنات واحشتونى معلشى انا مش كنت باعرف ادخل كتيير علشان...