سهلوله
ماتحرمش منك ولا من سؤالك عليا ياغاليه
انا ساكنه ف سيدي بشر بصراحه الموقع جميل بس طلعت عماير كتيييير قوي وبقت الشقه مجروحه
انا السنه دي قلت لجوزي شوفلك حل انا حاسه اني ساكنه ف الشارع العماير اللي حواليا كشفاني قوي
بصراحه انا نفسي اسكن في كليوباترا....فيها كل الامتيازات.....قريبه من السوق والبحر والترام والقطار....وشفت شقه السنه اللي فاتت مساحتها 175 متر صافي والى حد ما مش مجروحه اد كده
صاحبها عايز 165 الف يعني سعر المتر اقل من الف جنيه...وكمان حصه تمليك في الارض...بس
جوزي مزمزق لانها جنب ماما قوي وخايف من المشاكل....ياريت تكون لسه ماتباعتش تشوفيها
هوانا اطول ابقى جارة ام سحلول.....قصدي سهلول

الورده الحالمه
بقينا وردتين ف الملف انتي والورده الفريده....ربنا يردها بالسلامه...اتاري الملف ريحته حلوه...والوانه
زاهيه....شوفي يا اوختي انا جوزي من ابو حمص جنب دمنهور خبط لزق...لو عندك اي سؤال احنا ف الخدمه....على فكره وسام من دمنهور بس هيه ف مصر حاليا

سما سحاب
اكرم بيشكر عمه بابا يامن جداجداجدا...لانه انقذه من علقه سخنه...وعايزه اقولك انه بات طول اليل يدعي له...ربنا يعطيكي ما تتمني يارب...ويهدي لك الحال...على فكره شقة اسكندريه دي فكره حلوه
اصل يابنتي البعيد حبيب

كتاكيتو بني
باين عليكي شاطره ف المطبخ....اللهم لاحسد...طب سمعتي عن اكله اسمه كشك بسر الراء بسمع عليها ف الافلام القديمه ويبدو انها كانت اكله فخمه بس جار عليها الزمن....لو عندك فكره عنها اكتبيها
ينوبك ثواب

رنونه
على فكره ابنك طبيعي ومافيهوش حاجه بس انتي شيلي عينك من عليه...وياريت لو توديه حضانه يبقى
افضل...لان شيرين بتعاني من ادهم مع اخوه ....اول امبارح كان بيفرقع له صوابع ايده...وقبلها كان
بيقلعه هدوموه عشان يلعب معاه...وياعيني شيرين بتشد شعرها منه ومن طلباته اللي ما بتخلصش
عشان كده بقولك وديه حضانه يطاع طاقته فيها ويريحك.....الا اخبار سنسن ايه حتى الماسنجر مابقتش
تفتحه....من كام يوم كان فاتح داستن جوزها وطمني على ايزابيلا بس قالي سنسن نايمه....ربنا يطمني عليكم جميعا