بنات مصر وحبوب اورلي

لا والله اول مره اسمع عنهم
كنت حابه افيدك بس مش عارفهم

ولو عاوزه حبوب كويسه وبتسد النفس اوى اوى والدكتور هو الى قالى عليها بردوا
هى حبوب سيبوتريم10

ويارب اكون افادتك

حبيبتي ماجي
مشكووووووووووره والله وياريت تفاصيل اكتر
يعني تاخديهم كام مره والاثار الجانبيه .....الخ


ومعلش واوعي تزعلي علي الزمالك هي فتره وتعدي كلها 20 سنه هانت
وياريت تكوني اهلاويه معانا ان شاء الله حتتبسطي اووووووووووووووووووووووي
هههههههههههههههههههههههه

هههههههههههههههههههههههه

مقدرش اسيب الزمالك انا بحبه مهما حصل انا بحبه
وان شاء الله فتره وتعدى

بالنسبه للحبوب
حبه بعد الفطار بساعه
العلبه ب 45 جنيه
خالى بالك سيبوتريم10 لان فيه سيبوتريم15
لو انتى جسمك مش طخين اوى يكون سيبوتريم 10

الاثار الجانبيه
نشفان فى الريق
مش بعرف انام
ارق فى النوم
عصبيه شويه

هو الدكتور كان مدينى شريط واحد بس اول 10 ايام
لحد لما معدتى صغرت وبعد كده خلاص
الشريط ب 15 جنيه


بس حلو اوى بيسد النفس بطريقه جامده اوى اوى

وحده صحبتي كانت بتستخدمها حبه واحده قبل الغداء بنصف ساعه وهيا عامله زي الزنيكال بتمتص 30% من دهون الوجبه وخسيت عليها 7 كيلو في شهرين مع تخفيف الاكل وترك العشاء ارجو اكون افدتك

أنا باستخدم أورلى وأقراص شاى أخضر من حوالى 10 أيام مع تخفيف الأكل وليس رجيم قاسى ونقص وزنى 2 كيلو طريقتى فى الاستخدام: 2 قرص شاى أخضر بعد الفطار اللى هو كوب شاى أخضر برده وباكو بسكوت
وبعدين كبسولة أورلى قبل الغدا اللى ممكن آكل فيه شويه وبعدين كبسولة تانية قبل العشا اللى هو كوباية نسكافيه وفاكهة
فيه حاجة تانية هاقولكم عليها
النهارده اشتريت نجرسكو باللحمة للولاد من مطعم وبعدين اللى زاد منهم اطفست عليه لاحظت بعد حوالى ساعة عند دخول الحمام خروج حاجة زى الزيت واتخضيت على نفسى ولما كلمت الدكتور قاللى إن ده طبيعى لو كانت الوجبة دهونها كتيرة لأن وظيفة أورلى إنه يتخلص من 30% من دهون الوجبة
والظاهر والله أعلم إن النجرسكو دى كانت تقيلة
على العموم أنا استفدت منه حتى الآن
ولكن أحب أحذر من سيبوترم لأنه بيعمل على المراكز العصبية فى المخ والأدوية اللى من النوع ده غير مستحبة لأنها تسبب أرق وصداع وعصبية وارتفاع ضغط الدم
أتمنى أكون أفدتكم