انا اسفه لم استطيع الدخول على الياهو
ويا ريت حد يقول لنا انتو توصلتوا الى ايه
وربنا يوفق الجميع

السلام عليكم
سناء بك معلش حبيبتي احنا اتقابلنا على الياهو ماسنجر ودخلنا كلنا غرفة ودي ما فيهاش قلق خالص ومفيش فيروسات ان شاء الله المرة القادمة تكوني معانا.
ام عبد الرحمن كان نفسي تكوني معانا والله وتسنيم ورشا وكل البنات لكن معلش لعل المانع خير
الحمد لله اتقابلنا مروة ودهب وهوشو وجنى وامل عفيفي وام وليد وسن دانس والمرة القادمة نكون اكثر واكثر
المهم ندخل في الشغل:
المحل موجود وبيعرض اشغال يدوية مقابل نسبه
المنتجات اللي مطلوبة فيه هي : لكلوك للأطفال والكبار _ طقم كوفيه وطاقية _ ملابس اطفال وحريمي كروشية وتريكو _ مفارش مميزة
واي مشغولات اخرى ممكن نعرضها بس بكميات صغيرة علشان نشوف درجة الاقبال عليها
عموما احنا ناويين نعرض في كذا مكان ربنا ييسر لنا امرنا محل الرحاب ده بدايه وشدو حيلكم عاوزين نتميز بالاتقان والالوان المتداخلة الجميلة وجودة الخيوط علشان ان شاء الله نقدر ننافس في اي مكان
ان شاء الله هنتقابل بعد اسبوعين ونجمع الشغل اللي هتشترك معانا هتكتبلنا هتشارك بمنتج ايه؟
وهنتواصل على رسائل الخاص
تسنيم هتبعت شغلها بالبريد
بالنسبة للاسكندرية لسة المكان لم يتحدد حاولو تشوفو معرض وتختارو ترابيزه منه تعروضه عليها او محل مقابل نسبة ولا ما فيش حاجة خالص ممكن ارسال الشغل بالبريد بس المهم تحاولو تدورو
ميما انتي رحتي فين؟؟؟؟؟؟؟؟؟ ورشا وهوشو وام خشوع كلكم من اسكندرية
مستنيه تعليقاتكم وآرائكم واقتراحاتكم

صباح الخير يامروه انا كمان نفسى اشترك معاكوا انا من الجيزه منطقة الهرم عندى اشغال كتيره ممكن اعرضها ياريت ترسلى لى على الخاص لان ماليش اميل على الياهو وبالنسبه للياهو ماسنجر ما عنديش فكره عنه معلش معلوماتى فى الكمبيوتر صفر
وشكرا جزيلا يا مروه على هذا الموضوع ويارب يكون فاتحة خير على الجميع

انا آسفه يا جماعه كان نفسى اتقابل معاكم بس كان عندى ضيوف ان شاء الله يا مروه اقولك اخبار المنتج اللى معايا وربنا ييسر واخلصه وابعيه قبل الاسبوعين