ياكثر الاحلام
الله يجيب الخير
اختي مره حلمت ان عمي اعطاها 30 ألف وكنا ابدا ابدا ابدا ابدا مو متوقعين عيال عمي يفكرو مجرد تفكير فينا وجلسنا سنوات وتحقق الحلم خطبها ولد عمي وعطاها المهر 30
ومره حلمت ان عمتي جايبه معها كوفيره وكانو بغرفة أمي ومنظر الغرفه مره جميل مجهزينها
وأنا دخلت بغسل شعري من الحمام حق الغرفه ثم ترددت وطلعت ماغسلت شعري
وبنفس اليوم يوم قمت لقيت عمتي جايبه لي عريس بس رفضته


ومره حلمت ان بنت خالي حامل وكم يوم وسمعنا انها انخطبت
ومره بنت عمتي تحلم ان خالها اهدى لها سياره وتحقق الحلم تزوجت ولد خالها

سبع سنوات عادي انتظرت وربي يسر لي زوج زي ماأبي وزي ماكنت ادعي الحمدلله
كثروا من الاستغفار وصلاة الوتر والرقيه انا كنت احلم احلام ان بي حسد والله ماصدقت وماكنت اصدق
ومره فسرتلي مفسره ان تفسير الرؤيا انك محسوده وعليك بسورة تبارك اقريها قبل النوم وارقي فيها نفسك
وبعدها انتظمت ع الرقيه وسورة البقرة يابنات والحمدلله يارب كنت انخطب يابنات وتتفركش
اخواتي اللي اصغر مني تزوجوا الحمدلله صدق يجيني غبنه بس اقول الله يوفقهم وييسرلهم اتعب من نظرات الشفقه من الحريم ليش بنتك ماتزوجت وليش ماتتزوجين واسكت وابتسم واسوي نفسي استحي عشان لايكثرون علي بالكلام ....مافيه شي عزيز على الله
لمن خطبني زوجي تمت النظره زي العاده و١٠ ايام مااعطونا جواب
كنت ابكي كثير اخاف على نفسي اني انفتن اقول يارب انا استخرتك وانا راضيه بس يارب اعصمني من الخطاء يارب احمني واسترني بحلالك عن حرامك ١٠ ايام في كل سجود وكل ركوع وفي الوتر ادعي وفي فراغي استغفر واردد دعاء الهم سبع مرات
والحمدلله بعد ١٠ ايام ردوا من اهلي وحصل عندهم حالة وفاه لولد عمهم توفى في حادث رحمة الله عليه فنشغلوا بالعزا والدفن والولد اللي مات كان صاحب زوجي وزوجي تأثر مره
وبعد عشر ايام جاني الفرج وتمت خطبتي
ياحبيباتي
انا مره فسرت حلم لي ....نصر لك على من ظلمك وقد تكتشفين ذلك بالصدفه
اكتشفت ان حرمة عمي تنشر عني ان عندي سرطان عند اي احد يخطبني
وهذا اكتشفته بعد زواجي لاني رفضت ولدها يوم كنت ثالث متوسط
انا اصبت بمرض خفيف بس مو سرطان والحمدلله راح بالعلاج والرقيه
ماعلينا ياحلوات خطبتي وكتب كتابي كانت بالسر حفلة الملكه غير بس هذي بس اهلي واهله استعينوا على قضاء حوائجكم بالكتمان وكان من صالحي حرمة عمي لو عرفت فركشت الموضوع واتصلت باأهل زوجي
الحمدلله متزوجه من سته شهور وحياتي الحمدلله ماشيه لازم هفوات وتنازلات بس انا مو مصدقه اني صرت ربة بيت يارب لك الحمد
وربي من علي بالحمل ماشاء الله لاقوة إلا بالله من فضله وكرمه وجوده اسأل الله ان يثبته ويكتب لي ساعه طيبه ويجعل مافي بطني بار او باره بي وبوالدها

صح ياقمراتي وربي ان من كثر ماأحلم اخواتي صاروا يضحكون علي ويقلون تفكرين بالزواج
هم متزوجات وربي ساترهم ويضحكون على احلامي حتى الحلم الله يهديهم مايخلون الواحد يفرح فيه
الله يرزق كل من تتمنى زوج الزوج الصالح التقي النقي وكل من تتمنى الذريه الذريه الصالحه
قولوا امين

صح حبايبي انا كنت فاضيه وابكي واوسوس بس ربك فتح علي واشتركت في تحفيظ نسيت ٧٠ ٪ موضوع الزواج حاولوا تشغلون نفسكم عشان ترتاحون
ادري كلكم تبغون تعرفون كم عمري
عمري ٢٨ سنه و٢٩ بدخلها خلال الكم يوم هذي عشان بدخل السنه الجديده في هذا الشهر
يعلم الله ماكتبت الا عشان ابث فيكم الامل لاتيأسوا اجتهدوا في الدعاء والاستغفار والرقيه

قصتك جمييييلة جدا يا صدى .. بعثتي فينا الأمل .. والله يهدي مرت عمك ويصلحهاا..
حتى انا .. من كثر ما الاحلام تجيني صرت اخاف اعلمهم .. كأني اعطيهم فكرة اني مشفووحة عالزواج .. خخخخخخخ .. خليها بيني وبين نفسي

ياعمري ياسازو وربي هي بإذن الله بشائر سبحان الله
والله اخواتي يضحكون علي وامي لمن اقولها تفرح وتقول والله اني ادعي لك دايم حبيبه قلبي
استمري ياقلبي في الدعاء والله كنت دايم ادعي
اللهم ارزقني زوج تقي نقي مرفوع الذكر الذكر في الارض والسماء هين لين اللهم رض اهلي به ورض اهله بي واجعلني قرة عين له واجعله قرة عين لي وارزقني منه ذرية صالحه
واي دعوه تتمنيينها ادعي ربي ربي كريم قريب مجيب
الله يفرحني فيكم كلكم قريب واي وحده تتمنى الزواج الله يرزقها من واسع فضله زي ماتتمنى

صدى انا اشوف احلام خطوبات واتفاجء ان الاهل يطردون بدون الرجوع لي!! الاسباب تافه ويندمون لما يخطبوا من معارف ويشوفوا كيف سعاده البنات!! وامي معنده ماراح تزوجني قبل اخواني وكانوا مطلقين لكن حسبي الله وكفى وفوق هذا كله تجيني نصايح ترى الستر زين واكتشف ان امي بين الناس تمشي ان كثير خطابها لكن ماترغب بالزواج!! هالكلام قالت الصيفيه الماضيه!! الان بلغت 31سنه! شماتته خطابي واهلهم انا تدفع ثمنها وانا لاعلم بخطوباتهم الا بعد مايجي الخاطب طفل! انا محبوسه بالبيت حتى الناس تنساني من القصد ان اهلي غير اجتماعين! انا امي معطيه صلاحيه مفتوحه لزوجات الاخوان يقررون عني رغم منهم اصغر مني سن!! والخافي اعظم!! ماتعرض له اضطهاد وظلم/مفسرين باخرالرؤى ينصح اققضي حاجتك بالكتمان! اصلا انا ماخبر احد اصلا ماعرف عن موضوعي كيف الكتمان وامي واخواني هم الحساد وهم مصدر الاخبار علي فقط ام امورهم يسكتوا عنها!/وحتى الرؤى الصالحه تحسدي عليه الم يرد بسوره يوسف لاتتقصص رؤياك فيكيدوا لك كيد/ س/هل الرموز تنعني خطوبه فقط والا اتمام زواج! حسبي الله وكفى ع من وكل امر وظلم