السلام عليكم ورحمة الله وبركاته
صباح المغفره والرحمه والعتق من النار
صباح القشطه ياعسل
صباح الرياضه والنشاط والحركه
إزيك ياحبيبة قلبي يا نايس؟
أنا إمبارح عند كلمتي شربت العصير وقبل النوم مشيت 30 دقيقه وحاسه إني عملت إنجاز الحمدلله
بديت أرجع تاني للنشاط وراميه الكسل على جنب
وصحيت اليوم على 9 ومشيت30 دقيقه
وطلعت الدرج 10 دقايق
وارتحت حبتين وفطرت شريحة توست + جبنه سايله قطعت معاها خس وخلطتها وحطتها على التوست
حتسأليني ليه ماأكلتش الخس لوحده؟
حاجاوبك لأن ولادي مش بيحبوه فقلت أحايلهم وأقطعه صغييييير وأضيفه مع الجبنه تبع التوست اللي بياكلوه
وأهي فايده ليهم وليا كمان
وهشرب كوب كبيييييييييير يانسون + ملعقه صغننه سكر
إلا بقولك يانايس سكر الرجيم دا فين ألاقيه؟
لأني أشتقت أدوقوه من كتر ما بقرا البنات بيستعملوه

نبوض كيفك صباح الفل يا قمر

يومياتك ممتازة ماشاء الله عليكي بحس بنشاط معاكي

بالنسبه لسكر الريجيم موجود في كل الهايبرات مثل بنده وكارفور بتلاقيه في قسم الدايت

بس هوا عموما عندي علطول لكن مش بستخدمه الا نادرا للزنقات لانه غلط عالصحه العامه
المشروبات زي اليانسون وكده تشرب من غير سكر وطعمها ممتاز وممكن تحليها نقطه عسل نحل

بصراحه بستخدم سكر الريجيم بس في النسكافيه والاكاكاو باللبن

يومياتي

صحيت متاخر ولسه مش عارفه هاكل ايه طبعا شبعانه من عك امبارح
انا اتعودت عالاكل الخفيف واي زياده بحس بمغص ومعدتي توجعني

ربنا يسهل ان شاء الله

انصحك تجيبي سويت اند لوو لان جربت كاندريل فيه مراره

تسلمي عالنصيحه ياناوسه
وحقولك مثل مشهور
أفطر فطور الملوك واتغدا غدا الأمراء واتعشى عشى الفقراء
يعني بطلي عك بالليل ونامي على خفيييييييف
خلي العك في الفطار لأنك هتعملي حركه
مش زي العشى هتنامي بعديه
والله إنتي زي الكبار عندنا بياكلوا ويناموا ويقولوا أنا ليه بطني منفوخ؟
والله العظيم مش بضحك عليكي دا اللي حاصل
وزوجي زي كدا يجي من الشغل تعبان ياعيني عليه ودايماً أقله روح نام بعدين الغدا
بيقول لا أنا جوعان أتغدا الأول وبعديها أخخخخخخخخخخ
لما الله يحميه صارت بطنه منفووووخه
وكنت أتحداه وأنا حامل وأقله نبقى نشوف مين فينا هيولد الأول
ههههههههههههه
وأنا ولدت طبغاً وهوا تيتي تيتي زي مارحتي جيتي
خخخخخخخخخخخخ

هههههههههههههههه حلوة دي انا برضه جوزي عنده كرش جامد بقولو البيه حامل في التاسع علطول هتولد امتي ؟

المهم
انا فعلا بحاول اني مكترش بالليل بس هيا جت كده بقي

اليوم افطرت نص صامولي بجبن ابيض وزيتونه وشاي باللبن
بس
وحاسه نفسي دايخه ومعرفش ليه
بقولك يا نبوض انت غسالتك نوعها ايه لحسن غسالتي ال جي الي بتتعبي من فوق دي ومش فاهمالها حاجه