بنات موشي يقهر؟؟؟؟؟؟؟

سلام ياحلى عالم


بنات كيفكم وشخبارك اولا انا متزوجه وحالة زوجي الماديه متوسطه يعني عنده ديون وماعندنا بيت باقي يبني وعايشين عند اهله لي حوالي سته شهور من تزوجت المهم حبيت اعطيكم نبذه عشان تعطوني آرائكم الله يسلمكم زوجي فيه شوية هياط يعني اذا احد قال له عطني كذا حتى لو ماعنده لازم يدبرله واهله بيني وبينكم احوالهم الماديه ممتازه بسسسسسسسسس عينهم على ذا الولد :( لانه الوحيد:eek: من قرادة حظي انه الوحيد فطلباتهم ماتخلص يعني نص تموين البيت عليه وكثير اخواته المتزوجات يدقون عليه ويطلبون منه يجيب لعيالهم بامبرز وانتو بالكرامه وحليب ووووو
انا بصراحه انقهر ليش مايطلبون من ازواجهم او ابوهم مع العلم ان ابوهم احواله تمام ومايصرف غير على بنت وحده هي اللي باقي ماتزوجت يتعذرون ان ازواجهم بالشغل وهم ماعندهم فلوس عشان يطلبون من البقاله طيب ليش ماتطلبون من ابوانهم قبل مايطلعون يجيبون لهم او يعطونكم على الاقل فلووس؟؟؟؟؟
هذولا المتزوجات اما امه واخته اللي ماتزوجت فحدث ولاحرج اخته تدق عليه وتقول جيب وانت جاي كذا وكذا وامه جيب معاك عشى عاد ماشاء الله العشاء مايقل عن ميتين ثلاث وانا استحي اقول قل لهم ماعندي فلوس ووراي بناء وابي اطلع سياره كويسه
اخر مره اخته المتزوجه دقت عليه وقالت له جيب لي قاتوه من المحل الفلاني نفسي فيه زوجي جاي من الشغل وتعبان :09: طيب عادي خليه لين يروح التعب وبيجيب لك قال لها كم تبين قال حبه بس تكون كبيره بالله يعني بيطق مشوار للمحل وبياخذ حبه اقل شي بياخذ كرتونتين يعني ميتين بالقليل
بالعربي زوجي مبذر على غير سنع شبه يومي يجيب لهم اكل من المطعم لانهم نادر يطبخون ونادر جدا يجيبون جاهز اذا احنا جبنا ولا مافيه اكل بنات احسهم يغارون مني واي شي عندي يحبونه لمى اجيب اي شي طبعا اجيب لهم ولمى احط الباقي بالثلاجه ارجع القى ماعاد فيه شي يعني كل يوم بالسوبرماركت:( كلمت زوجي وقلت لاتلعب بالفلوس كذا وخل ازواج اخواتك يجيبون اغراض عيالهم قال لالالالالا حدك لاتتدخلين بيني وبين اهلي :22: وانا احيانا يكون نفسي باشياء ومااخذها اقول خليه يسدد ديونه ويبني لنا بيت لانه محتاجه استقل تعبت مره مره تعبت خاصه ان امه وخواته ماعندهم ذوق احيانا اكون نايمه انا وزوجي او نكون بجو المفروض مااحد يضايقنا فيه يقومو يدقون الباب بطريقه تخوف او انهم يشتغلون اتصالات على جوالاتنا ولمى نطلع يقولون الاكل او الصلاه او فيه برنامج حلو بالتلفزيون ووووو مره امه تدق علينا الساعه 9صباح ولمى صحينا قالت انتو صليتوا؟؟:( ولمى اقول لزوجي اني اتضايق من ذي الحركات يقول انهم يبون يصحونا للصلاه بس احس انهم بس يبون يسوون ازعاج طريقتهم تقول كذا ويحاولون يقنعون زوجي انه مايبني ملحق نستقل فيه يعني تعبت وانا اقنعه يسوي لنا ملحق على الاقل افتك من الازعاج وصياح بزارينهم لانهم 24 ساعه هم وعيالهم عند اهلهم يروحون وقت النوم بس ابي استقل صح ان حوشنا واحد يعني باني شقتي بيفتح على حوشهم بس شي اهون من شي بس يالله عسى نفتك من اسئلة امه وين رايحن ومن وين جايين اوف في سجن احنا بنات لاتخلوني اللي عندها رد ترد واللي ماعندها تدعي لي بالخلاص وان الله يسخر لي زوجي ويسعدنا حتى لو شفوي بدون ماتكتب
وآسفه على الأطاله