شوفي عزيزتي بعطيج طريقة وجربيها نفعت نفعت.. ما نفعت ما تضر

لما وحده من خواته تتصل فيه تطلب شي!! مثلاً كيك قوليله خذني معاك بالمره
اسلم على اختك من زمان ما شفتها! أو والله زين نفسي في كيك بروح معاك باخذلي
قطعه.. أي سبب المهم روحي معاه. (لأنه اخته للحين معتبرته براسه ويروح لها
ويقعد معاها، لكن لما بتطلعين انتي في الصورة في كل مره يمكن تبدا تنحرج شوي)
بتقولين لا عادي عندهم صدقيني مره مرتين بس بعدين بتبدا تستثقلها انه لما اييب
شي تكونين معاه!! بتحس كأنه تطلب هالشي منكم انتوا الاثنين..

احذري ثم احذري ثم احذري .. تبينين ولو بشي بسيط لزوجج انه هالشي مضايقج
حتى لو كان في حدود الا معقول!! لأنه الظاهر انهم متعودين على هالشي بينهم
البين لدرجة انه لاهو ولااهله يشوفون هالشي غلط!! طبيعتهم جذيه صعب تدشين
انتي الوحيدة غير!!

ممكن مره بأسلوب ذكي تيبين شي وتقولين لزوجج اخوي يابلي واخوي سوالي
خليه يشوف الموضوع من منظار مختلف!! يمكن ينتبه شوي .. ويحسها مب حلوه!!

لكن أمه!! إذا ما شجعتيه انه يسويلها أكثر من جذيه لا تبينين العكس
هذي أم وانتي قبل غيرج لازم تدورين له الأجر من وراها!! خلي الفلوس على صوب
والتوفير على صوب دام امه راضيه كل شي طيب..

أنا زوجي ماخذ امه مادري وين كان موديها ومرت تسلم علي ومن بين كلامها
تقول عاد تعبنا زوجج يودينا واييبنا!! كان مثل اسلوب اعتذار .. قلتلها خليه ياخذ
اجر لاتحرمينه اياه!! يعني وضحت لها خذي راحتج هذا ولدج ومن حقج..

وحاولي ما تضغطين نفسج وتحللين كل تصرفاتهم انه مضايقات بيبين على
اسلوبج بدون ما تحسين وبتطلعين انتي بالصورة الشينه..

وياعزيزتي انتي هذا بيتج اللحين يعني لا تاخذين كل شي وتكتمينه وتسكتين!!
انا اذكر كنت قبل كنت عروس وعيال خواته يحذفون على دريشتي (شباكي)
وقمة الازعاج عندي وانا نايمه وامهاتهم في البيت الثاني مريحين من ازعاج
العيال .. إلا هم يقولون لهم روحو هناك عشان لا يزعجونهم..

وكنت عروس نفسج .. عادي طلعت العصر قلتلهم انتو ما تبون عيالكم؟
ترا بحط بازوكه عندي!! باسلوب ضحك ومنها يمسكون عيالهم ..

يعني خلي نفسج حلوه ترا البيوت مافيها راحه تامه.. واذا حسبتي
كل شي غلط بتشوفينه غلط.. واللي في خاطرج طلعيه ترا حتى هم
محتاجين يتعرفون على اطباعج ووشو يضايقج بس خليه باسلوب
طيب!!

يعني مثلاً تتصل اخته وانتي وقت راحتكم عشان تقولكم البرنامج الفلاني!
قوليلها لا يختي ما نتابع احنا .. بتحس بعدين انه مب ميولكم
وبتبطل.. يعني يمكن هم مسيكينين يحبون المشاركة!! خذيها بقلب طيب
وخلي صدرج وسيييييييع خصوصاً انج مطولة معاهم ولا تتعبين نفسج..

الله يعينك ويصلح احوالك***

يا عمري :26:
خذي الي نفسك فيه ومن وقت لوقت كلميه :arb: عن بيتكم و انه يبغاله تحويش
و اذا على اهله زي ما قال لا تتدخلين لانه امكن سامع قصص كثيرة عن حرمة الولد و يبغى يتحاشها :09:


الكلام على الي كل ما قالت حرمته شئ قال لا و الا بعدين :(
و يناطط عند اهله و حريم اخوانه ما يقصر عليهم و يقول مساكين:30:
بس الشكوى لله

شوفي حبيبتي حالتك تقريبا نفس حالتي

في البداية حاولت اعترض لكن لا حياة لمن تنادي وكماااان حرام هذولا هله حرااام احرمهم منه وكنت احرم نفسي عشان ديونه اما اللحين اللي ابيه يجي يعني الاقتصاد ما يجي الا علي

واللي يطلبونه يجي لي مثله صح ارهقت ميزانيته لكن حطيت نفسي في الصورة لان في البداية كنت احس نفسي مركونه على الرف

اختي مالنا الا الدعاء والاستغفار

اللهم سخر لها زوجها وسخرها لزوجها واصلح لها زوجها ولحها لزوجها وسخرني لزوجي وسخر لي زوجي واصلح لي زوجي واصلحني لزوجي