بنات موضوعي غريب اعيش رعب 😭

السلام عليكم

بنات والله اني ماغمضت عيني البارح الا الساعه ٢ وعليها الليل و قمت على الساعه ٧ الصباح وماعاد يدخل عيوني النوم

انا ساكنة بمنطقة شعبيه و قبل ماكنت متعودة على كذا
مااعترض نصيبي جا هنا والحمدلله
لكن عشان تكونو بالصورة حابه اوضحلكم

كنت عند اهلي في جدة في التحلية بالتحديد وساكنين في بيت كبير و خدم و البيت دايم في اصوات وناس بالرغم من اني كنت اصغر وحدة واخر وحده باقيه عند امي اخواتي واخواني تزوجو
لكن كان في حس بالبيت والمنطقه راقيه جدا

وجا نصيبي وتزوجت وجاني تعيين في القرية اللي زوجي فيها سبحان الله و اخذني زوجي ع المنطقة اللي انا فيها الان

ممكن نوعا ما تشوفو مشكلتي بسيطة بس مارح تحس فيها الا اللي مرت بنفس الوضع

اختلف عليا الوضع تماما و لي سنة ونص متزوجه وماتأقلمت
و كل فتره نسمع عن جريمة قتل في المنطقة ويزيد الرعب والله اني اسمع دقات قلبي من قوتها وانا في بيتي لحالي وبيتي شعبي و زوجي دوامه طويل وحتى السبت عنده دوام احس اني اعيش رعب مجرد مايطلع يدي على قلبي لين يرجع
و يوميا لمن يطلع باب بيتي يندق بشكل شبه يومي يابنات و من الخوف والله اجلس قدام الباب بس استنى اللي يدق لين يروح :(
يدقو عليا تشاديين او صوماليين مادري من فين يجو يقولو محتاجين يبغو فلوس بس مااااارد ابدا وافضل ساكته بس اطالع ع الباب استناهم يطفشو ويروحو
المشكلة مايجو الا لمن يطلع زوجي كأنهم عارفين 😭
وربي خلاص تعبت وأثرت حالتي التفسيه على اخلاقي مع زوجي سرت دايما متضايقه واشتكي من المكان و هوا طفش و يحقله يعني انا كنت عارفه من اول ووافقت ماحد جبرني
عشان كذا ألوم نفسي


* اضافة للتوضيح
ماخبيت على زرجي والله هوا يعرف قلتله على اللي يدقو وهوا يحاول يحسسني بأمانه حط الحديد على الشبابيك كلها والباب حديد و يقفل الباب اللي برا واللي جوا لمن يطلع بس لاني لحالي واللي اسمعه يزيدني خوف
والبيت ملك حاولت معاه نطلع لكن رفض بحجة انو نجمع ونطلع على بيت ملك اكبر بس مانستأجر ابدا رافض
وابوي عرض عليه شقة في عمارته بس رفض برضو بحجة انو هو مسؤول يوفرلي سكن

بنات بس ابغاكم تفتكروني بدعوة انو ربنا يحفظني بحفظه واتأقلم على المكان بسرعة لين ربنا يفرجها عليا

والله خايفه تعبت من الخوف