بنات مين حماتها مثلي تجي تصبرني وتعطيني الحل معهاومع زوجي"""

بنات وش الحل مع زوجي ؟؟؟بحاول اشرح باختصار انازوجي يحب امه ويحترمهاويسمع كلامها لابعد الحدود ويخاف على زعلها حتى لوكانت غلطانة وهذا زين بس هي تتدخل في حياتي بشكل غير مباشر يعني عن طريقه تتحكم فيني موهذي المشكلة:( المشكلة صارت من فترة تناقشنا اناوياها في موضوع ولاعجبها كلامي وراحت قالت لزوجي وهي تبكي اني تكلمت عليها وسبيتها وقام زوجي يخاصمني ويتكلم علي وانا احلف له ان هالكلام ماصار بس ماصدقني وقلت انا ماراح ارد باي كلمه حتى تجي اختك وتحلف عالمصحف ان هالكلام صاروهانني قدامها وهي تبكي قمت زهمت اخته من الغرفة وجت وهي خايفة وقالت وش صاير وهي ماشاء الله عاقلة عكسسسس امها وسألتها وقالت والله ياخوي انا كنت قاعدة وزوجتك ماقالت هالكلام وبسرعة امها سحبت نفسها وطلعت من الغرفة وزوجي كأن من صب عليه مويه باردة سكت وقام يلم الموضوع وحصل خير تصوروا بكل بساطة حصل خير :( عاد انا ثرت وطلعت كل اللي بقلبي وخذت عباتي ونزلت وسحبني زوجي الا ننهي المشكلة وانا سكت لكن عشانه مع انه ظلمني المهم رحت بيتي وقعدت ابكي وهوتعذر بس قلت ودني لاهلي لان هذي مو اول مرة تسويها فيني(اخرمرة قايلة اني ووحده من الحريم نقول كلام وسخ وقالت احلفك ماتقول لها بس هو وقت زعل قال لي انك وانك واحنا كنا نتكلم في امور الحمل والولادة وصدقها بدون مايعرف وش هو هالكلام الوسخ وصارت مشكلة ) المهم مارضى بس قلت راح اغير جو ومابقول لاهلي عاللي صار(لان ابوي يقول مالها شغل الا بولدها انتي مالها شغل فيك ) قال خلاص بس بطلبك طلب تروحين تسلمين على امي قبل السفرقلت طيب المهم قعدت شهر عند اهلي وجاياخذنا ورجعنا لبتنا والحمدلله حسيت انه تغيرللافضل المشكلة الحين انهارجعت تزن مثل قبل وبدأت تتكلم على حريم اخوانه وهو يصدقها واقول حرام تظلم بنات الناس تاكد بالاول ويقول امي ماتكذب الحين وش رايكم كيف اخليه مايصدقها بكل شى بدون مايتاكد ؟؟؟كيف اخليه يبعد عن امور الحريم وزوري فلانة عشان امه تحبها ولاتزوري علانة عشان امه ماتحبها؟؟؟وتروني ان جيناللعناد وللحق مايقدر يغصبني على شى خاصة اذا زعلت طقيتها بوجه وقلت مالها شغل فيني بس انا ماودي بالمشاكل والله تعبت ودي زوجي يكون مثل اخوانه مايغصبون حريمهم على شي مايبونه """" ويعرف اني مااطلب غير حق من حقوقي بعيدا عن سيطرة امه الله يهديها """""وعلى فكرة زوجي طيب مرة بس الصدق الزايد هو الي يقهرني فيه """"