بنات هلموا شوي بكلمه راس

بليز مين الي بتنقذني من السمنه بسرعه قبل لا تخطفني بعدين لا فات الفوت ما نفع الصوت 🤐

ههههه حلو اسلوبج
كم وزنج وكم طولج ؟
عموما ماانصح بالرجيم كلي من كل شي لقمة خفايف بس
وابتعدي نهائيا عن الغازيات والعيش والخبز
وامشي ساعه يوميا
والله انا هاي طريقتي لو كثرت اكل مايزيد وزني لان المشي وكثرة الماي تفيد
الحرمان عمره مافاد حد بالعكس بتحرمين نفسج وعقب ترجعين تاكلبن دبل 😄
سوي طريقتي وفالج الناموس هههه قصدي الوزن المثالي 😅😂

الحال من بعضه ربي ينحفنا بصحه وعافيه

ياقلبي عليك انتبهي من الادوية ما تضمنين وش اعراضها الجانبية، المهم يا جميلة ابدئي عدلي أكلك حبه حبه عشان ما تنصدمين و تبطلين دايت
قللي السكر في مشروباتك،اشربي مويه مع الاكل بدل العصاير و البيبسي ، دخلي السلطه على اكلك، الحلويات اذا كنتي تاكليها يومياً خليها يوم ورا يوم لين تصير مره بالاسبوع ، امشي كثير و ارقصي زومبا
نامي كويس و اشربي كفايتك من الموية و اذا عندك خلل بالهرمونات عالجيه عشان ينقص وزنك
فرغي ادراج المطبخ من الحلويات و الاكل الغير صحي
و يارب تنحفين بدون شر يارب💕

المشي والصوم والرياضة تمارين فالبيت
وخففي من الاكل بس