مرحبا حبيبتي nightlight

كيف حالك ثانكيو على الموضوع :26:

اما من وجهه نظري والله انا اعتبرها شي اساسي انها تطلع معها ويتكلمون حتى يتعرفون على بعض اكثر

وانا صديقتي الروح بالروح .اهو الي اصر انها تكلمه وتطلع معا عشان يقدرون يتفاهمان :24:

:26: ماءالقمر :26:

هلا خوتي واشكركم جميعا على الردود والله لايحرمني منكم ولا من مشاركاتكم
اخواتي العزيزات انا ما اعنيه في موضوعي هو التعارف قبل الملكه وليس بعد الملكه لانه اذا قدر الله اختلاف بعد الملكه الفتاه ستحمل لقب مطلقه فلذلك انا افضل التعارف قبل الملكه عشان يايكون اتفاق من البدايه ياكل واحد يروح لحاله
وانا بصراحه ماؤيد الاكثار من المكالمات بعد الملكه لان الوضع يكون فيه خطر وانتو عارفين عناد اولادنا وحبهم للسيطره
هذي وجهه نظري واتمني ان ما حد يزعل :23:

مرحبا
انا بقول رأيي بصراحه وادري ماراح يعجب بعضكم
انا اؤيد التعارف قبل الملكه يعني فترة الخطوبه عشان يفهمون بعض اكثر قبل لايطيح الفاس بالراس وبعدين زي ماقلتي اسم البنت تصير مطلقه
وعلى فكره اقصد بالتعارف المكالمات بحدود المعقول ماقصد انها تقابله لان حنا مجتمع سعودي ونجدي :27:
مشكوره عزيزتي نايت لايت واسفه على ردي المتأخر :)

أنا أؤيد التعارف بين الخاطبين بس فقط بالتليفون و أيضا بوجود الأهل
لأنه صراحة يقعدون وجه لوجه و يتكلمون صعبة وايد لأن البنت بتكون تستحي مووت
فالتليفون بيكون أريح ،
بعد لازم يكون أهل البنت ، مب أبوها ولا أخوها طبعا لأنها ما بتتكلم أبد وبتستحي قدامهم
لكن ممكن أمها أو اخواتها الكبار يكونون موجودين
و يكون هدف الحديث التعرف على طباع الشخص ، يسؤلون بعض شو تحب ، ما تحب؟؟
تسأله شو طموحك ، شو أكثر شي ما تحب ان زوجتك تسويه أو تحب انها تسويه؟؟
كيف طريقته لحل أي مشكلة ممكن تواجههم؟؟
و مثل هالأشياء ..
و هذا رأيي مع أننا هنيه في الإمارات ، أو على الأقل في عوايلنا ما عندنا هالشي
بس يا ريت يصير
و على فكرة نعرف واحد طلق حرمته بعد ما ملك عليها و قبل العرس
لانه عرف انها ما تريد تسكن معاه في بيت أهله ، يعني كان ممكن
يعرفون وجهات بعض و يعرف رأيها قبل الملكة و أثناء الخطبة
بس أمها تقول كلام و البنت عندها رأي ثاني لكن رأيها ما يوصل للزوج
و عشان جيه الحين هيه مطلقة ..
و السموحه

شكرا للاخت نايت لايت لطرحك هذا الموضوع المهم - بصراحة انا اؤيد التعارف وقت الخطبة لاني مررت بتجربة التعارف وقت الملكة ولم ارتاح لذلك الشخص وقررت ان اتركه لاني لم اتخيل ان اعيش مع هذا الشخص وخفت من الطلاق بعد الزوج:06:لكن هذا الشخص واهله جننوني لحد ما رضوا يطلقوني:30:ولا تنسوا لقب مطلقة حتى قبل الزواج وسؤال الناس عن سبب الطلاق:34: بس ثاني مرة لما خطبت حكيت لاهلي ما بدي املك لحد ما نتعرف على بعض وفعلا ما مر شهر الا صرنا بدنا نملك:32: وخلص بعدين تزوجنا والحمدلله