أنا مع البنات إذا كانت( مساحة المطبخ كبيرة) اقسميه جزئين جزء مكشوف على الصالة للخفايف وعمل الشاي والقهوة وجزء مغلق أو خارجي ويكون فيه الطبخ الرئيسي ..كثير مسوين هالطريقة ومرتاحين ...وممكن يفصل بين المطبخين مخزن صغير عشان يعزلك الريحة أكثر ..

والله خوفتوني يا بنات .؟..

انا مسويه مطبخي في البيت الجديد مفتوح.....>>> الله يوفقنا في بنيانه ..

لاني ما ادخل المطبخ خير شر .. خخخخخخخخ ولا اطبخ .. لاني موظفة وما عندي وقت للطبخ والنفخ ..

عشان سذي خليت مطبخي في البيت اليدي يكون مفتوح على غرفة الطعام ومن غرفة الطعام يفتح على ممر والمممر مفتوح على الصالات ..

يعني مب مفتوح مبااااشرة على الصالات مخشوش ولا يبين ..

وترى اللي تبي اتسوي لها مطبخ مفتوح الاحلى يكون على غرفة الطعام .. فقط .. يعني انا اشوف مب حلو يكون على صالات الضيوف .. الا اذا تبينه مفتوح على صالة المعيشة بيطلع لج حلو شكله مع غرفة طعام وبوفيه ..

بس انا بعد سويت لي ديرتي كشن .. عشان القلي .. واذا في المستقبل صرت طباااخه افكر اني اسده مع ان تصميمه وااااايد روووووعه طالع .. وستايل حلوووووووو..,,,

غلا الروح راح تكون غلطه حياتك هالمطبخ المفتوح
قرقعه الجدور و غسيل الصحون و ريحه القمامه بالبيت؟ و ريحة الحمسات و السمك و الربيان و الطبخ كل هذا بغرفة الطعام؟

غلطططططططططططططططططططط

كل المطابخ اللي تشوفونهم بالصور و مفتوحين عالصالات يكون بالبيت مطبخ ثاني و اسمه ديرتي كيتشن

و الله هذي نصيحه لوجه الله .. لا اعرفج ولا تعرفيني .. و انتي حره

انا في بيتي الجديد مطبخين .... واحد رئيسي خارجي بالدور الارضي
و عندي صالة للاكل للضيوف بالدور الارضي

والمطبخ الثاني صغير لكن كامل و مجهز و مفتوح عالصاله و طاوله الاكل العائليه اللي بالدور الاول ( دور المعيشه ) و هذا بيكون بس للشاي والقهوه و سندويشات و سناكس يعني خفايف

انصحك اذا بسيط بوفيه لعمل الاشياء البسيطه فقط اما الطبخ يحتاج مطبخ اخر

أنا مع المطابخ المغلقة خاصة في البيوت الكبيرة والمفتوحة على بعضها

ومطبخي مفتوح على الصالات ويحرجني إذا كان عندي ضيوف سواء في إعداد الطعام أمامهم أو من الروائح وقررت أني أغلقة فما رأيكم لو أغلقته بالطوب الزجاجي ينفع ولا لا

لأن الجهة المفتوحة جاية على شكل جدار قصير يعني زي الطاولة بحط فوقه هذا الطوب الزجاجي فما رأيكم

أتمنى الإفادة لأني تبهذلت من هذا المطبخ

وشكراً