بنات وش رايكم اللي تحط صورة يدها بالجوال

السلام عليكم ورحمة الله وبركاته. بنات قبل شوى صار موقف بيني وبين زوجى كنا طالعين مشوار انا وخواتى وزوجى للمهرجان واحنا جالسين وحدة من خواتى شرت ورد احمر طبيعى المهم قمت انا على نيتى صورت يدي وانا ماسكة الوردة وطلعت الصورة بالحيل ملفتة المهم انا معاي بالبي بي كلهم خواتى وصديقاتى والحمدلله مافي احد غريب الا بنت وحدة تعرفت عليها بالمستوصف بصاله الانتظار وهالبنت متزوجة المهم انا لانى متاكدة الحمدلله من اللي معاي بالبى بي رحت حطيت الصورة عرض بالبروفايل حقي وكتبت تحت احلى وناسه وطلعه /المهم شوى الا والبنت اللى تعرفت عليها حاطة صورة يدها بالروفايل حقها /بعدها بشوى شاف زوجى البنت كيف حاطة صورة يدى وكنت توى حاطة له العشاء لما شاف الصورة عصب وزعل /انا ماتكلمت قلت تراها صورة يد مو واضح شي عصب وسكت /دخلت على البنت خاص وباسلوب جدا طيب قلت لها من سمح لك تاخذين الصورة والله وردت علي البنت بكل طيب انه على حسن نيه وانها متزوجة ولا عندها اضافات الا خواتها وانها حاسه بي قلت لها سببتى لي مشكله مع زوجى الله يهديك واعتذرت منى ولا قالت شي واستحت منى !!!!!!انا قمت من عند زوجى قلت البنت اعتذرت ولا عندها الا خواتها ومسحت الصورة !!!!!وجلست دقيقتين صمت وقمت دخلت غرفتى وسكرت الباب بقوة وقفلت لحالي وتركت صينية العشاء قدامه ولا شلتها ///////وش رايكم بالله يابنات والله انى محتارة باللي حصل