ياعمري احيان تصك في راس زوجي ويأكل من اكل سلفاتي ويوم اطبخ انا مايمد يدة مثل الكنافة لاطبختها مايياكلها

ويوم سلفتي تسويها يخلص الصحن رغم امة عجبتها كنافتي


بس كذا هم نفسية

نصيحتي لك لاتطبخين لو سألك قولي مين زين أكلي عشان اطبخ جيب من المطعم ههههههههههههه

تبين نصيحتي أطبخي له الي يسد جوعه بمعنى
فطور نواشف
الغداء كبسه وسلطه واذا بتحطين حلى كريمه فقط
عشاء نواشف
القهوه معها تمر والشاهي مكسرات وإذا تكلم قولي ليش اتعب نفسي وطبخي مايعجبك!!!
ابد اذا رحت عند اخوانك فكل مالذا وطاب ولاتتحمسين مرررررره طنشيييييييه

الشيء الثاني الي لفت أنتباهي ليش يدري عن أمورك الخاصه مع الحريم وأنك داخله قروب المفروض مايدري عن شيء ابد

الله يصلح حالكم يارب

الله يوفق الجميع ويسعدكم ويحقق لكم ماتمنون ماقصرتوا بردودكم معاي وتفاعلكم رفعتوا معنويتي ...

اختي حلوة الباديه زوجي من وقت لوقت لازم يشوف جوالي وماعندي مشكله مافيه شي مخبيته بس الصراحه قال راح يفشل مادام انتي مسويته وانتي مو راعية طبخ بس الحمدلله ماصار له اسبوع ونجح والكل يشكرني عليه وانا اضفت عشر بنات بس صاروا عشرين كل يوم وحده تجيب اخته او صديقته وحتى لا ارسلت شي يعجبهم وصرنا نستفيد من بعض ليه احرم نفسي كيفه واذا دري....

اهم شي مايدري اني معكم لاني افضفض لكم والقى من يسمعن تسلمون كلكم

والله انا كل رمضان طبخ ونفخ  حتى طفلي جبته باول يوم من شهري خدامه لاهله يبي يجيب شغاله ع قوله وانا رفضتها اشوف انه مفلس واخرتها يقولي وش سويتي ماسويتي شئ حتى بنهار رمضان يذبحني العطش من وقفة الجلي للمواعين ع السحور البارح وهكذا من اول رمضان ماراحوا اهله غير يوم ولدت ارتحت 
واخرتها يقول تبيني اعبدك انك اشتغلتي ريييييحي نفسك وطنشي اطبخي وكوووولي 

احيان زوجي يسويها وزودها بس مو يقارن اذا زعل جلس يذم بااكلي صرت مااطبخ له واذا اتصل علي من العمل سويتي كذا اقول لا ليش لان طبخي مو طعم فحرام النعمه تنكب وجلست فتره على هذا الموال تقريباً اسبوع او ١٠ ايام الين رمضان ورجعت اطبخ الفطور والسحور وقبل نهاية الشهر رجع لنفس الاسطوانه وقلت له اوكي حرام النعمه تنكب فمراح اطبخ فطور مع اني اذا سويت ياكل ماشاءالله واخوانه لازم يعزمون نفسهم عندنا اذا ماعزمناهم يحبون المكرونه بالباشميل اللي اسويها عشق عندهم والحلويات والمعجنات احب ابدع فيها الايدامات والمحاشي باانواعها اعرفها بس سبحان الله مايحب يمدح شي اسويه وذحين مايمدح بس ماصار يذم ورجعت اطبخ عادي واذا جات فتره اتكلم بوقف اسبوعين تعبت من الكرف


طولت عارفه بس حبيت اقولك ايش صار معاي ممكن يفيدك وانت اعلم بزوجك مني هل هذا الشي بينفع او لا وكمان شي ثاني لاتتفانين بالعطاء على حساب صحتك ابداً ابداً ابداً خلي نفسك اولاً وبعدين الناس يعني بالسابع وشغاله بمطبخين واصناف ومو عارفه ايش ومافي خدامه تساعدك بعد العزومه ايش صار فيك بعد كذا قوليله انا اسوي الاصناف الاساسيه الجانبيه زي الايدامات والمحاشي والمكرونه بس الاساسيه من كبسه لا جيبها من برا والجانبيه حلويات وعصيرات من برا خاصه اذا كنت حامل لاترهقين نفسك