سندريلا يا عيوني أنا سألت سؤال عن الجزم بس بشكل لطيف حبتين بس

حبة كريز اهلا بيكي معانا

بس قوليلي، هو انتي بلوند دوف؟؟؟ يا ريت تكوني هي، بس لو مش هي برضه اهلا بيكي معانا بس فكرينا انتي مين

احلام الحمد لله انك فهمتيني صح، و لو فعلا شجعنا بعض على حفظ جزء معين او عدد معين من الايات يوميا يبقى الثواب و الفائدة اعظم و اكبر و ممكن كل يوم نعرف بعض احنا وصلنا لفين في القراءة او الحفظ، كده اكثر فائدة، و نشكر اختنا الحبيبة رهومة انها نبهتنا للي غفلنا عنه طول الفترة اللي فاتت دي، و اهي الفرصة لسه موجودة الحمد لله

سندريلا يا جميلة منورانا يا قمر، و عاوزينك ترجعي تلعلعي تاني لحد ما توأمك اليانورا تشرفنا :)

حبايبى الغاليين بشكركم كلكم على ردودكم وتجاوبكم للموضوع جزاكم الله خيرا
أبلة دندونة الجميلة شكرا ليكى على اهتمامك
أحلام عصفور تسلميلى يا قمر على الدعاء الجميل بارك الله فيكى
نودى الحبوبة رأيك أنا بحترمه جدا وأنا عرضت الفكرة وشوفوا هتنظموها ازاى ونبدأ فيها فورا عايزين باذن الله نختم القرآن أكتر من مرة مش مرة واحدة
أهلا بيكى حبة كريز منورة الصفحة ويارب ديما معانا
عايزة منكم خدمة ممكن ......
عايزة انزل مصر الاسبوع الجاى ده اشترى لبس خروج للمحجبات ولبس مدارس وأحذية وشنط يا ريت تفيدونى بالأماكن الحلوة وتوصفولى العنوان بالظبط وعايزة حاجات تكون جديدة ومش تقليدية .... اوعوا تطنشونى

رهومتي الجميلة جيتي في وقتك، انا شفت النهاردة مع ام ابيها اللي هي فاطمة محل حلو اوي في شارع المنيل. بصي هو له فرعين في نفس الشارع بعد ماكدونالدز، واحد على الناحية ادام ماكدونالدز بعده بشوية و التاني على نفس صف ماكدونالدز بس بعده اكتر، و المحل اسمه دندش، فيه اذواق حلوة اوي لبلوزات و جيبات جميلة و الوانه حلوة و اسعاره كمان جميلة اوي اوي. محلات الجزم و الشنط انا قلت على كام محل في كلامي من شوية بصي كده عليهم يمكن اي واحد فيهم يناسبك. لبس المدارس اعتقد ممكن تلاقي في محلات وسط البلد في محمد فريد و طلعت حرب و قصر النيل، و شنط المدارس كمان تلاقيها هناك. اممممم، لو افتكرت حاجة تاني حارجع لك يا جميل، و برضه لبس المحجبات على فكرة حتلاقي طلعت حرب و قصر النيل مليانين محلات فيها حاجات كتير جميلة و اسعارها معقولة