انا شوفت ردك هنا بعد ما رديت عليكى يا mmm ميرسى جدا
بس الهرم بعيد على قوى انا فى مصر الجديده

حبيبتي ام ابيها

تسلم ايديكم انتوا على المعلومات الجميلة دي كلها، كنتم مخبيينها فين ال7 او 8 اجزاء اللي فاتوا يا اروبات؟؟!!! انا كمان حاقولكم ان احلى تورتة ميل في تلاقوها في لابوار برضه. انا ادمنتها خلااااااااص

بالنسبة لموضوع الاطفال يا فطوم انا معاكي في انه يتعلم انه ميقولش كل حاجة، بس مش عشان يداري على اخوه لان اخوه ممكن فعلا يكون بيعمل حاجة مؤذية، بس ازاي نوصل الفرق ده و همه لسه صغيرين؟؟ هل فعلا بيقدروا يفرقوا و الا لأ. انا مثلا عندي رقية و عبد الرحمن اولاد اخويا الكبير الفرق بينهم سنة و شوية، و على طول عمتو الحقي رقية عملت، عمتو الحقي بودي (عبد الرحمن يعني) سوا!!! انا باتجنن بجد، و اقعد افهم في النميمة و الحرام و الصح و الغلط و ان مش لازم لو حط ايده في جيبه اروح اقول، بس لو حط ايده في النار انبه و اعرف الناس عشان نلحقه، بس طبعا بما انهم مش تحت عيني على طول و امهم مكبرة دماغها خالص في موضوع التربية ده، لدرجة انها حاطة نقرها من نقر بنتها!!! يعني الواحد ساعات بيشوف ادامه مواقف بيبقى مش عارف يتصرف ازاي و ايه حيتفهم و ايه لا. و العيال لمضين و بيسألوا اشمعنى ده اه و ده لأ، يعني الواحد و هي بيربي لازم ياخد باله ان كلامه ميكونش متناقض

انا سعيدة اوي بالنقاش ده و منتظرة البقية يقولولنا اراءهم و خبرتهم كمان و شكرا يا فطوم على المشاركة الفعالة

و شكرا يا دندونة على نورك الساطع في الصفحة

يا لاروز بما انك فى مصر الجديدة فية نعمت ممتازة ومحلها فى ارض الجولف معروفة قوى

نودى جربى الميل فى بتاعة البارون دة تخصص تورتة ميل فى وبيعمل واحدة مقسومة اتنين نوعين مختلفين ...وكحك لابوار فعلا رائع

كهرمانتي الحبيبة، ايوة 6 اطقم كفاية اوي جنب البلوزات و الجيبات و انتي فعلا حتشتري تاني بعدين. و لاسو انا اسمع انها حلوة بس مجبتش منها اندويرات لكن بيشكروا فيها. موضوع البيريود مش عارفاه يا قمر

دندون طبعا رايك يهمنا و فهمتك يا قمر بس فهميني ازاي تخليهم يفرقوا و نعلمهم صح. و لو رحت جنب البارون اكيد حاجيب تورتة الميل في لاني مدمناها فعلا