بنتى 00 ان شاء الله تموتين

خواتى شوفولى صرفت يا بنتى بس جننتنى
وانا جالسه اكتب تناقز على ريولى وصارخ بطيح بطيح0 كذابة

هى عمرها سنتين و10 سنين 000000 وانا ما حملت بعد ما ازوجت على طووووول بعد فترة
صمت وفطرة على بصله:29:
هى تلعب ويا عمتها اكبر منها بسنة
وكل ما قولها حبيبتى اجلسي
تقولى ان شاء الله تموتين
تقولها في اليوم اكثر من عشرين مرة
وتقولى يعلج البلم ( تقصد بلماء 00 لا تستطيعين النطق )
وتصيح تبغى تسمع اغنية البرتقالة ( وانا الحمد الله ما اسمع اغانى )
وتغنى انا والشوق
وترقص
واصيح الا تبا تسمع اغانى

حاولت انى
ما ابعثها بيت جدها بس ما عندها احد يلعب وياها في البيت
كنت العب وياها
بس اصيح تبغى عمتها
وما شاء الله على عمتها طبعا تكون يا الحريم الكبار وتروح تجمعات الحريم ويا امها وجدتها
وكلامها مثل العجايز

اسويلها سندويش تتقلب اخترب وصيح
اعطيها حليب اصيح خربان
ومخلصه ماي الشرب الى في البيت كله اتكبه000 بيتنا استوا حوض سباحة
وكل ما تمشين رجولج تلصق في اللبان
شوووووووووو اسوي والله ايدي عورتنى من الضرب
وبعد ما اضربها تخمضنى

بس الصراحة هى بنت ما تطاق:29::06:
جدام الناس محد احس منها
وفي الناس ما في اشين منها
وتعالوا شوفوا في الليل تقول سبال تناقز على السرير وعلى ابوها وتصيح
ما تخليه يرقد فقير لين الساعة 2 طبعا وراه دواااااام الساعة 6
حاولت وياها حتى لو اصحيها الصبح وطول النهار ما ترقد تسهر وتنام عادي 3 بليل والله الحين تدعى على0 جنيهة
ولما تصحى قبلى تضربنى على ظهري ما شي مكان بطيح لزي عنى ( سويلى مساحة )
وطبعا كذابه انا الى بطيح وتكفخنى
ولما اسحيها اصيح خربنتى شعري
ولما نطلع طول الطريق الصيح
والله كرهتنى في العيال
قبل كنت مرتاحة محد يقصص على000000 استغفر الله

وديتها عند شيخين قروا عليها ما شي فايدة
اقرا عليها ما شي فايدة

وسموووووووحة هذا جزء من معاناتى:06::06: