بنتي الصغيره فشلتني الله يهديها بالله قولولي وش اسوي معها

السلام عليكم عندي بنت عمرها خمس مشكلتي معها اللي يشوفها حيويه ودايم لازقه فيني مومثل اختها الكبيره تحب تلعب وتروح وتجي مع الصغار بس بنتي هذي اذ صاحت تبي شي مستحيل تسكت تصيح وتزعج بطريقه هستيريه كنت اخذها مع اختها لاسواق تاخذ شوي هاديه بعدين تبداا تزن وتصيح الى ماكرهتني بالروحه معها حتى ابوها يطفش ويرجعني البيت بدري ثم تركتها عند اختي واخذ الكبيره معي سنه كامله وانا اتسوق وانا مرتاحه ثم قبل ست شهور امي تقول حرام عليك تخلينها عوديها تاخذينها معك مع اختها وخواتي حاولو فيني واخذتها وقلت انتم تنتبهو لها عشان تشوفوها صح اول مادخلنا المول هاديه ماشاءالله ثم قالت ابي لعبه كانت غاليه شوي بس شسوي شريتها عشان ماتفشلني لكن بعد ربع ساعه رمت اللعبه اللي معها قالت ابي وحده من المحل هذا قلت لا فلوسي ماتكفي راحت تصيح وتشد شعرها وتنسدح عالارض اختي شافتها كذا انهبلت وحاولت فيها بس تسد اذانيها وتصيح تركتها ومشيت وتركض وراي وتشد عبايتي ونقابي وتصارخ الناس بس وقفو يطالعون فيها حتى الشحاده اللي كانت وراي صارت تقول حرام عليك عطيها اللي تبي اختي من الفشله قالت اشتري لها وفكينا من صياحها الله يديها رجعت وانا ماتسوقت زين واختي تعلم امي منهبله تقول مالوم اختي يوم تخلي بنتها عندي تمنيت الارض تنشق وتبلعني من الفشله المهم انا كل شوي ازعل عليها واقول الناس يضحكون عليك عيب تبكين مايصلح تقتنع وتقول خوذيني معك وماابكي اخذها احيانا تمسك نفسها شوي بعدين تبدا موال الصياح اليوم كان فيه مهرجان وقال زوجي بنزلك انتي وبناتك لانه مشغول وكنت شايله هم بنتي الصغيره دخلت المهرجان وتمشيت فيه الا اشوفها متضايقه مره تهاوش مع اختها مره تقول امسكيني زين اخاف اضيع وانا اسايرها اخاف تبكي وتفشلني وشريت لي اكلات وشريت لها ولاختها سندوتشات وقبل اطلع شافت الالعاب وقعدت تصيح عندها هي واختها وكان مامعي الا عشره قلت خذي لعبه وحده واختك وحده لان مامعي فلوس تكفي اخذت لعبتين قالت ابيها كلها حاولت فيها بس تصيح رجعت لعبة اختها وشريت لها ثنتين وحاولت افهم الكبيره واستوعبت واسكتت ياحياتي بس انا مشكلتي مع الصغيره وصياحها على انها حيويه بس اذ صاحت ماتسكت وتنقلب وحده ثانيه ماعليها من احد حتى الروضه خايفه منها بس متمسكه بعبايتي ومو راضيه تدخل الا وانا معها ابي طريقه تخليها اجتماعيه مع الصغار وكيف افكها من الصياح اذ طلعنا مكان .....طولت عليكم بس عشان تلقون لي حل لاني تعبت معها