حرام صغيرة على شغل البيت ممكن مالازم كل يوم.
الجامعة تخلص النفسية يصير الواحد ماله خلق شيء وش حال بعد شغل بيت.
اي عطر تصير ترند خلاص مافي غير ميني اذا متوفرة والا مالازم كل طلب تنفيذ اذا مافي فلوس تسوي توفير من مصروفها ولا الملكة تبغى اي عطر ترند ترى.

لحظه كأني فهمت غلط
الحين تاخذون مكافئتها و تعطونها منها ٢٥٠ ؟
كثير مره الصراحه ليه كذا مبذرين !!

مدري انتوا صاحين وطبيعين ولا كيف
مكافئتها عند ابوها وش تسوي ؟ بدل مايزيدها فوقها ياخذها ويعطيها ٢٥٠ منها ؟

الاب ملزوم يوديها ويرجعها ماقدر يجيب سواق ع حسابه والمكافئه كلها لها
و تعطونها مصروف مايقل عن ٥٠٠ اذا بغت تشتري لبس او شي لها 

طبيعي اللي تسويه مو شي غريب عمرها ٢٠
يعني حركاتها ع سنها صح فيه بنات مو هذي الأشياء اهتماماتهم
بس فيه بنات كثير مثلها وخليها تاخذ اللي تبيه من مصروفها

دام الأشياء اللي تشتريها تفاهات خلاص اعطوها مكافئتها كامله وفوقها مصروف شهري من ابوها تشتري اللي تبيه فيه
كذا بتعرف تحافظ ع فلوسها

اما انكم تعطونها ٢٥٠ بالشهر ومن مكافئتها بعد اكيد انها بتطلب غيرها لان حتى أكلها وشربها ماتكفيها اسبوع

شغل البيت قسميه عليهم الثلاث وسوي لهم جدول كل يوم ع وحده مثلا يوم ع وحده المطبخ والثانيه البيت والثالثه الغسيل والكوي واليوم اللي بعده غير او كل أسبوع بدل اليوم
واذا هم بالدوامات انتي اشتغلي او جيبي عامله ترا الجامعه كرف وتعب يادوب تذاكر

وأهم شي لا تقارنين بينها وبين خواتها كل وحده ولها تفكير واهتمامات
والصلاة امريها فيها وكل شوي ذكريها وخليك صاحبتها سولفي معاها و قولي لها قصص
هالسن يحتاجون الكلام الحلو والطيبه
إذا قسيتوا عليها بتسوي كل شي من وراكم

ذكريه انه البنت سنه و يمكن أقل و تصير ٢١ سنه يمكن تطلع من البيت بسبب تعامله معاها وقتها مايقدر يرجعها لا بالشرع ولا القانون ولا احد راح يوقف معاها لانه حقها
يمكن تشتكي لصديقاتها ويقولون لها اطلعي بيت وحدك وافتكي منه
لا تربون بناتكم مثل ماربوكم اهاليكم
اللي قبل ٤٠ و ٥٠ سنه ماينفع الحين
عطوا البنت مكافئتها كامله وفوقها مصروف شهري لها و لخواتها بالتساوي و لا تفرقون بينهم

انا اقول اعطوها مكافئتها بيدها وخلي ابوها يدفع للسواق من عنده دامها ٣٠٠ بس
وخلوها هي تتصرف بفلوسها وفهموها انه اذا خلصت مالكم شغل فيها
لكن انكم تاخذون المكافأه وتتصرفون فيها انتم حتى لو عليها حرام لانها مو صغيره كبيره خلوها هي تتصرف فيها

بنتك مافيها بلا
البلا فيكم انتم
حاكرينها ومضيقين عليها
زمنها غييييير زمنكم
البنت في الجامعه
عارفه وش يعني جامعه!؟
يعني بنات من كل جنس ولون
لبس وشنط وجزم وساعات..
لاتحملون نفسكم عشانها شي ما تقدرون عليه
لكن ع الأقل لاتآخذون حقها مسكينه
مكافأه لهاااااا هي.. ليش تآخذونها!؟؟؟

وجبة الفطور أو الغدا منحالها بكم بتآخذها مسكينه!؟؟

حرام عليكم

طفسه شي ما يذكر. وش بيفيدكم فيه الكم ميه الي تآخذونها منها؟
تعمرون قصور؟؟؟؟؟؟