بصراحة انتوا الي غلطانين من ناحية مكافأتها. كيف تاخذونها وتعطونها منها كانكم متفضلين عليها. اصلا تعتبر بارة بكم جداً دامها تجي وتعطيكم فلوسها تراها لها مو لابوها. وهو ملزوم بالانفاق عليها وخدمتها والله اني رحمتها وحسيتها متأثره داخليا من اساليبكم وعشان كذا تعاندكم. وترا مصاريف الجامعيين مساكين يالله تكفيهم. اقنعي ابوها يرجع بطاقتها معها ويدفع لها السواق. وهي ودها تشتري العطر ولا كوب ولا حلاوه ولا الي خاطرها فيه من حقها مسكينه ولاتجمع لها مبلغ تشتري ذهب. ولا تقصد في جوال. ترا يمديها مع تابي وتمارا تشري كل الي نفسها فيه.

حرام تاخذون مصروفها خلوها تعتمد ع نفسها وتدير حياتها بالانفاق وتعرف الي لها والي عليها. خفو ع البنت خلوها تعيش سنها وجيلها اذا حبيتو تنصخوها باللين والهداوه احسها فاقده شي وبتعوضه بالفلوس والمظاهر في شي جواتها ناقص. واحسه وجودكم ودعمكم لها 🥺

اما تاخذون مكافاتها
المفروض المكافاه لها وتعطونها حق مصروف اكلها بالجامعه!
وسواقها انتم تدفعونه ونت جوالها تدفعونه الاساسيات عليكم

تبغيها ماتلعب بالفلوس وتهتم
قوليلها المكافاه لك كلها لكن غير المكافاه مالك شي ثاني بتشتري عطور بتشتري اكواب بتدخل جمعيه
بتسوي فيها اللي تسوي ماراح نسالك بس
كذا بتعرف تمسك فلوسها وتحسبها مزبوط

اما سالفة ماتساعدك بالبيت زي ماقالوا البنات قسمي الشغل ومالتزمت معاك احرميها طلعه او اي شي هيا تحبه

لا تكوني أنت بالصوره خلي خواتها هن إلي إيوجهوها بطريقه غير مباشره ينتقذوا أشياء عاجبينها يبينولها السلبيات يقترحوا عليها أشياء من غير أوامر لا تسووي ولا تفعلي راح تعند أكثر آراء بين بنات وبس
هن من جيلها راح تسمع منهن .

بنتك نسخة لكثير بنات ماهي غير عنهم ولاشي
السطحية اخترقتهم

لكن بخصوص المكافاءة يختي هذا حقها اعطوها وهي حرة تتصرف بها زي ماتبي

وثانيا اذا تبي تكسبي بنتك سايريها
حتى لو بعض افكارها سطحية

لكن هذا مايعني انها تمشيك على كيفها
خلي لك لفتات توعينها بطريقة غير مباشرة
وماشفت مثل جلسة الاهل لما يجلسوا ويطرحوا مواضيع عامة للنقاش
وتتبادلون وجهات النظر
هنا يتبين لكل فرد من العايلة شوي من عيوبه ويبدأ يتغير

نصيحة اشبعوا بعض الجوانب عندها من باب احترام شخصيتها وصدقيني راح تتغير للافضل
وادعي لها ولاتقارنيها بأخواتها