بنتي بتضيع والسبب؟؟؟؟؟؟؟؟؟انا امها

خلاص مادام انك ماتنامين الا قريب الصبح اغصبي نفسك على الجلوس الين مايجي موعد المدرسة اولما تحسين نفسك انك بديتي تنعسي الهي نفسك باي شي يعني نظفي البيت او صحي بنتك تجلس معك او اي شي المهم انك ماتنامين

السباقة
طبعا حرام مستقبل البنت
اذا كان عندك مشاكل في النوم
ممكن تستشيري الدكتوره داليا بعياده النفسيه علي الموقع

ممكن تستخدمي اكثر من منبه
كذلك لازم تنامي بدري باي شكل
وان شاء الله الدكتوره داليا تدلك تعملي ايه؟

شوفي عزيزتي هي مسألة تعود، يعني مثل ما قالت احد الأخوات مانمتي
للصبح، ظلي لحد ماتروح المدرسه بعدين نامي، إذا انتي تعودتي كل يوم
تتحملين هالمسؤوليه بعدين تلقائي بتقومين لها.

ما ادري هل عندج خدامه؟ .. انا إذا ما قمت للعيال الصبح الخدامه تكسر
علي الباب من الدق الصبح وطبعاً أنا أوصيها،

وبعدين إذا قمتي الساعه تسع!! وش فيها لبسيها وخليها تروح المدرسه
حتى لو متأخره!! أنا بنتي من يومين تعبانه شوي وما أخليها تقوم من بدري
اخليها تنام شوي تريح بعدين تروح متأخره ساعه.. تتأخر أفضل ما تغيب بالمره

الشي الثاني حاولي تتواصلين مع المدرسه!! لأنهم أكييد بيحرجونج بسبب غياب البنت
وهالشي بيخليج تحاتين الأمر وتحسبين له حساب.

تدرين انا بنتي عندها مشاكل وفي الصف الأول ساعات اوصلها المدرسه تستفرغ
علي في السيارة واحنا نكون واصلين اضطر ارجعها البيت واغيبها لأنها تكون
خلاص كارهه المدرسه، بس من ألتزمت في النص الثاني بروحها ما تحب تغيب
وصارت نفسيتها احسن.. لكن يوم رحت المدرسه عطوني وابل من النغزات
وحسسوني اني انا مهملة وكيف اغيب البنت هالشي خلاني ألتزم أكثر وأحسب
للمدرسه حساب تقولين أنا اللي بداوم .. لأنه فعلاً هناك ياخذون فكره عن الأم
إذا البنت مستواها تأخر أو غابت أو كذا..

واجهي المشكله كل ماتعمقتي فيها أكثر بتنحل.

وإذا هذي أول بنت لج تروح مدرسه أحيان يكون عادي لأني أشوف
بعض الأمهات أول طفل مايحسون بذيك المسؤوليه تجاه دراسته
أو إلتزامه لأنه يظل في نظرهم صغير..

مع العلم أنه أول عيالي كان متميز وكان تركيزي عليه أكبر وهالشي
قاعده أشوف ثماره اللحين لأنه لحد الآن متميز وأفضل مستواً من أخوانه
لأنه تأسس صح..

وحالياً مركزه على بنتي لأنها كانت في بداية الدراسه كله تغييب وماتحل الواجبات
وتتعبني لين ترضى تذاكر.. غيرت اسلوبي في تدريسها وصارت كل طلباتها للمدرسه
مطاعه.. ولو تبغي لبن العصفور للمدرسه أييبه عشان تحس بارتباط وماتنحرج في يوم
انها مقصره في المدرسه.

شكرا عزيزتي ميمونة دكتورة نجلاء روحي لك
على ردودكم فعلا انا محتاجة استشارة نفسية بس مني عارفة الطريق يعني هنا احس الي يروح لطبيب نفسي يعطونه حبوب وخلاص بس انا محتاجة فضفضة طويلة عريضة لان حياتي مو بس مليانة مشاكل الا غاصة
اختي روحي لك فعلا احراج غياب الطالبة المستمر لها ولي مثل ما قلتي كل يوم والثاني معلمتها تكتب في دفتر الواجبات نرجو عدم تكرار الغياب لانة يوثر على مستوى الطالبة غير ان البنت تتعبني في مداكرتها خاصة الحفظ على العموم مشكورة كل من ردت علي

الله يعينكم ..مشكله انج متعوده على النوم متأخر ..

بس يلا اتغيرين العاده لمصلحه عيالج ..