انا ولدي ٧ سنوات ونفس الشي يعاندني ويصرخ ويتنمر ع الصغير لا ويضربني ويمد يده عليا ... ولا يسمع كلامي ولا اوامري ويحب يستفزني ويجلس يضحك وسبحان الله من يوم هو صغير يرفض يحضني او انا احضنه يعني كنت احس بنفوره من وهو صغير ويوم جبت الصغير على طول احضنه وابوسه مرات الاحظه من بعيد يطالع ... ومرات يقول انت ماتسوين لي نفسه وانا صرت حتى لو حضنته سبحان الله ما احس باي مشاعر ناحيته ولا كانه ولدي نفس الصغير ... بسبب تصرفاته وعدوانه لي 😢😞

الله يسعدك زعلتني مشاعرك اتجاه بنتك، تراها قطعه من القلب وطفله مهما سوت احتويها..


الدنيا مفتوحه وان ماكان حضنك هو الأمان راح تلاقي الف حضن برا ممكن يخطفها منك وبعدها ماينفع الندم..


باين انها فاقده حنانك لدرجه كبيره، وحاسه بمشاعرك اتجاهها وصارت هي مرايه لنفس المشاعر اللي تشوفها منك..


احضنيها الله يسعدك وحبيها وقوليلها احبك انتي بنتي الغاليه الكبيره انتي اميرتي الحلوه بنتي اللي افتخر فيها، شبعيها كلام حلو وحب..


ولاتمدحي اختها الا وتمدحيها معاها، امدحيها باتفه الأشياء، لاتخلي الأخوات عدوات بسبب تعاملك، حتى لو الصغيره افضل منها ابحثي عن ايجابيات الكبيره وامدحيها..


انا مستحيل امدح واحد من أطفالي وماامدح الثاني بشي فيه فعلا علشان مايعيشون جو المنافسه والحقد لا أبغاهم يحبون بعض وكل واحد يعرف انه له مميزات مثل اخوه ..


لاني لاحظت لما امدح ََواحد الثاني يستعرض قدامي علشان اقوله كلمه حلوه فصرت امدح الاثنين سوا واشجعهم سوا..


لازم تساوين بينهم في الاحضان والبوس والكلام الحلو وكل شي علشان يكون الجو صحي وتصير علاقتهم ممتازه ومايكونو عدوات في المستقبل لاسمح الله..


اول شي اشوف لازم تعدلي علاقتك بالبنت الين ماتتحسن ويصير فيه حب بينكم بعدين تبدأي تحطين ثواب وعقاب اما الان لو بديتي والبنت بهذي المشاعر البيت بينقلب عندك والبنت ماهي متقبله شي وحاسه انها غير محبوبه فصعب تتجاوب معاك..


الأطفال في هالسن متعبين والله، بس انا اشوف اهم شي اهم من انه يكون طفلي مثالي ويسمع الكلام، اهم حاجه علاقتي مع طفلي وحبنا لبعض،


تناقشي معاها وقوليلها انا احبك يابنتي وابغاك تكوني افضل بنت في الدنيا وسامحيني لو زعلتك وقليلي اش اللي يزعلك وانا قررت اغير علاقتي معاك للأفضل وخليها تتكلم وتفضفض وتعبر..


وتغيري فعليا معاها، وادعيلها بالهدايه ترا احنا من غير الدعاء ولا شي..


الله يرزقني وإياكم بر أولادنا وصلاحهم ََوهدايتهم يارب ❤️❤️

انا بقولك البنت تقلب كذا على امها ب اسباب وشوفي اللي عندك فيه من ضمن الاسباب وعالجي السبب
التفضيل بين الخوات يعني تشوف ان اختها معاملتكم افضل وكثرت المدح لاختها اكثر او انه اقل جمال من خواتها وتحس بنقص وتحقد بنفسها على اسباب كثيره وتحط حرتها بامها
او من كثر الدلع وطلباتها اوامر وفجاءه يختفي الدلع وتبدا طلبات سوي حطي او كذا
او من كثر ماتطلبين منها ب اسلوب مايعجبها يعني برفع الصوت او اسلوبك فيه شي تنفجر وترفع صوتها عليك وتبي ان هي اللي تسوي هالشي بنفسها بدون امر من احد( هذي تعالي لها ب اسلوب ويمشي حالها)
او بسبب انها تقلد احد بشخصيتها يعني ممكن تشوف حولها يرفع الصوت عليك مثلا ابوها يعني اشخاص يعصبون عليك قدامها فهمتي وتقلدهم..
او انها شافت شخصيتك طيبه بزياده ومن تقول لا تسكتين عنها ف تتعامل معك على هالاسلوب لانه يمشي معك وتسكتين عنها .. وهالشي غلططططططططططططط بيكبر معها وبتعرف نقطة ضعفك رفع الصوت عليك..
الحل..
انك تتقربين منها كثيييييير تحببينها فيك اكثر وتشوفين وش تحب سويه لها وعبري لها عن حبك لها استشيريها ب اي شي مثلا بلون ملابسها قولي تحبين هاللون او هاللون امدحيها لو لبست شي او تروشت او سوت اي شي يرضيك حسسيها انها مهمه عندك اكثر حتى لو صغيره شوفي وش تحب من هدايا وجيبها لها وبكذا لو تقربتي منها بتصير تسمع كلامك وتنفذه بحذافيره وماترد لك طلب .. لو استمريتي تنفرين منها بتكبر على هالشي وماراح تتغير لو كبرت على علاقتك فيها بهالشكل رفع صوت ووماتنفذ كلامك .. بنتك تحتاج تتقربين منها مثل ماقلت لك الحين صغيره وسهلللللل تغيرينها .

عادي انا أولادي كذا إذا ضربت الصغير الكبير يفرح ويضحك وطول اليوم أفك المضاربات

بس يأختي احسك مدققه على حركات الكبيرة حرام عليك هي طفله تبى حنان كيف بالله تقولين اعطيها الدواء أي كلام كانك تفرحين بتعبها


انا ولدي عمره سبع سنوات من بدت المدرسة وهو صاير معاه جنان وكلام قلة أدب بس اصبر عليه واداريه وامدحة حرام طفل إش فهمه

أحسه يقلد حركات الأولاد في المدرسة بالعكس إذا خاصمته وقسيت عليه يزيد يتعبني

بس صرت أكلمه بالطيب لو كان غلطان لان لو ماعاملته بهالعمر بالطيب والحنان خلاص بيتمرد علي ويضيع مني


أنا بصراحة ماعندي ذيك الخبرة بس ان شاء يفيدونا الأمهات

والله يصلح اولادنا يارب

لسى طفله لاتخذي عليها وتقولين اكرهها حرام