بنتي جننتني مع الاملاء والتنوين باول ابتدائي

السلام عليكم ورحمة الله انا عندي بنت باول ابتدائي بيني وبينكم معرف ادرس الفصول الدنيا لانها مرحله مهمه يبيلها ناس تفهم بهالمجال وتأسسهم صح....وانا معرف ابد كيف ادرس هالمرحله اعرف من ثالث وفوق انا العام خلصت الثانوية العامه يعني تعليمي ما تعدى الثانويه العامة ياليت تساعدوني كيف اعلمها الاملاء والتفريق بين التنوين وحرف النون

بحكي لكم بعض معاناتي

مثل خالد تونين بالضم
هي تكتب خالدن

علمتها اشكال الحروف باكلمه مثل حرف السين

اول الكلام ســــ
وسط الكلام ــســ
واخر الكلام ــس
واذا لحالها س

بعد معلمتهامشت بها ...بس هالتنوين بهدلني


بخبركم كيف اعمل لجيت ادرسها لتقييم الاملاء المؤشر عليه في اليوم التالي
اخليها تكتب اللي مؤشر عليه ثلاث مرات
ثم اخليها تكتبه عن غيب ويكون ممتاز
وفعلا تجيب علامه كامله
لكن نهاية الاسبوع يصير تقييم شامل
ولا اعرف شنو ادرسها وشنو اعمل كتبت للمدرسه بسجل الواجب وطنشت الاجابه علي اخليها تكتب القطعه لكن الاها جايبه لها كل شي بالدرس من اول صفحه لاخره
تعقدت وربي بالنسبه لبنت باول
ابتدائي كثير هالكتابه عليها وش تستوعب لتستوعب وانتم شفتو كيف طريقتي بتدريس الاملاء يعني بنقعد النهار كله نكتب وتنسى ونعيد وشغلانه
وجابت بنتي 3 من 7 انقهرت مدري الخطا مني والا منهم


والقهر
يوم تسوي املاء من غير ما يكون عندي خبر والصراحه يحز بخاطري يوم اشوف علاماتها بالاملاء لصار معندي خبر ولا درستها لانهم ما ذكرولي بالخطه ان فيه تقويم او املاء
زي اليوم اخذت املاء ولا عندي خبر ولا مذكور بالخطه ولا مؤشر
عليه اذا هي قايله للطالبات يأشرون .....كلهم 24 طالبه مظن بيتعبها لو تمر وتشيك على كتبهم اشرو والا لا

والصراحه المدرسه جننتني بملاحظاتها على بنتي بمادة الاملاء وجننتني على حسني خطك تعرفون الاول اابتدائي بالبدايه مو لهناك بعدين يتحسن الصراحه رفعت ظغطي عيالي والشاهد الله من دخلو المدرسه الى الان من المتفوقين ولا اخذون الا من العشر الاوائل لان المدرس اللي اسسهم بالابتدائي جزاه الله خير واحد والحمد ما تعبوني مثل هالبنت يجوني من المدرسه فاهمين وكل شي الا هالبنت اتعس ساعه يوم ادرسها افكر اوديها لخاص او اجيب لها مدرسه خاصه ابيها تاسسها لي صح انا عندي اشغال كثيره ......متابعة الاسهم والبيت ومتابعة العيال وتعبت وربي بنجن؟؟
تفرغت لابنتي هذا العام لانها مرحله تاسيس لكنني تعبت ياليت توجهوني ياللي عندكم خبره بتاسيس هالمرحله حتى متعب معها بعدين بالمرحلة الجايه
انا احب العلم واحب التفوق ودايما ولله الحمد متفوقه بدراستي حتى الثانوية العامه نجحت بتقدير قريب جدا من الممتاز لولا مادة الرياضيات التي كانت سبب بنزول مستواي الترم الاول جبت ممتاز 6 على فصلي نسبتي 93 مع اني ام ولي خمس اطفال ادرسهم وقسم علمي وشكرا