بنتي عقدتني

السلام عليكم
بنات والله بنتي كرهتني بعيشتي عنيده لابعد حد
وهي عمرها ١٤ وكم شهر
اقول يمين الدرب تقول يسار
ما ادري واش اسوي فيها
واللي تبيه لازم يتنفذ بدون تاجيل من كم يوم قالت ابي اقص شعري مع ان شعرها حلو ومطولته وناعم واش زينه
قلت لها يابنتي والله شعرك رهيب حرام خليه بس سوي فيه حركات من قدام وخليه ع طوله وقالت لا ابي اقصه قصير قلت لها طيب بس هاليومين ماني فاضيه اوديك للمشغل خليها للخميس او الجمعه اتفضى قالت لا اليوم يعني اليوم قلت لها يا حبيبتي والله مو فاضيه وانتي شايفه بعينك ماعندي شغاله وانا بلشانه بكل شي ولازم اخلص العشا بدري عشان تنامون
قالت والله غير توديني اليوم قلت لها عاد اليوم ما اروح ولو تموتين خلاص قلت لك الخميس او الجمعه
المهم قامت تصارخ وتلجلج وتعلي صوتها علي
عاد انا سفهتها ومعد اكلمها وهي بعد صاده عني
تجي تاكل وتروح لغرفتها ولا كنها تشوفني يعني انا صاده وهي صاده طيب لي متى
مدري اشلون اتعامل معها فعلا احترت
انا من خلقت ع الدنيا بحياتي ما صديت عن امي
واذا شفت امي زعلانه ما ارتحت لازم اجيها واطيح ع راسها وهذا المفروض واللي تعلمته واخواني كلهم كذا واعيالي بعد كذا الا هالبنت ياليت اللي عندها بنت بعمرها تقولي اشلون اتعامل معها وعندكم بنت مثل بنتي كذا عنيده
واسفه ع الاطاله