بنتي عمرها عشر سنوات !!!!!!! نفسيتها تعبانه

السلام عليكم ورحمة الله وبركاته

اللهم صل وسلم على سيدنا محمد وعلى آله وصحبه وسلم ...


بنات بدخل في المشكله على طول يمكن تضحكون عليها لكن مأرقتني لأنها مأرقه بنتي الحبيبه ...

بنتي عمرها عشر سنوات لكن طولها طول بنت في عمر سبع سنوات !!!! يعني إللي يشوفها يحسبها صف ثاني

ابتدائي وهي الحين في الصف الرابع !!

المشكله إنه القصر وراثه مني ومن أبوها تخيلو عمري 28 وطولي 150 بسسسسسسس :D

بس أنا مبصوطه وماعمرها كانت مشكله بالنسبه لي لأنه زوجي كمان بالنسبه لي طويل بس بالنسبه للرجال برا قصير

خخخخخخخخخخخخخ فماله وجه يفتح فمه ...

أيام زمان كانت الناس محترمه محد قال لي إنتي قصيره في المدرسه !!! ماانتبهت إني قصيره إلا في الثانوي << صح النوم

وبنتي من الحين يعايرونها في الصف بقصرها وهي تجيني زعلانه

وأقولها شوفيني أنا وبابا محنا طوال عشان كذا إنتي مثلنا والطول ماهو كل شي

هذولا بنات عمي أصغر مني بس أطول مني وعادي مافيها شي ...أهم شي الأخلاق << لا بالله اقنعتيها خخخخخخخ

تسكت يومين وبعدين ترجع لي بنفس الشريط :icon33: ماما ليش أنا أقصر وحده بالصف ؟!!!

لا تقولون يمكن تطول لأنها بعد علم الله بتكون مثلنا أنا وأبوها قصيره ...

دلوني كيف اتعامل معاها واقنعها بنصيبها ؟!!!

وديتها مستشفى وقالها في وجهي بكل وقاحه كيف تبينها تطول وأنتي أصلا قصيره ؟؟؟ <<

بس ثقتي بالله كبيره وإن الله على كل شيء قدير ....

إذا عندكم طريقه للتطويل قبل ماتبلغ الله يسعدكم لا تبخلو علي ...يعني رياضه معينه أكل معين يعني أشياء طبيعيه

وإذا في دوا مضمون دلوني عليه ....

عسى ربي يسعد كل وحده دخلت ردت والا ماردت ...

ترى بناتي حبوبات يستاهلون دعوه من قلوبكم الطيبه ...وانا معاهم :30: