بنتي غلطت والله ستر اعلم ابوها ولالا ؟؟

السلام عليكم خواتي
اكتب لكم وانا متضايقه ومرتبكه وفيني هم مايعلمه الا سبحانه بنتي عمرها 15 سنه ،،
. سافرت احد الدول الخليجي قبل يومين ولما كنا بالفندق بنتي واعدت واحد من هالدوله بالتلفون كانت تعرفه من زمان ،،، وجاها للفندق وركبت معه السياره انا صحيت على صوت الباب طلعت دورتها ماشفتها واستجنييت ،، نزلت ادورها وقال لي الي بالاستقبال بنتك لسه توها طلعت من دقيقتين ،، اتصلت في ابوي ونزل لي تحت وجلسنا ندورها بالشارع والله اعلم شلون كانت حالتي واستغفر وادعي، طلعنا بالسياره ندورها ،، صارت عشر دقايق واتصل علينا الفندق يقول بنتكم رجعت ،،، ورجعنا الفندق ودخلت الغرفه وشفتها خايفه مني لاني دريت ،،، وضربتهاااا ضرب وابوي برضووو ماقصر فيها ،، لحد ماوجهها صار فيه رضات وجروح ،، وهي تبكي تقول ماعيدها ،، وخليتها تفصخ هافها عزكم الله عشان اتاكد من شرفها والحمدلله ،،، وتحلف هي تقول ماسوينا شي والله بس سولفنا ،،، انا انهرت بعد ماضربتها وخواتي هدوني وامي ،، وزوجي ماسافر معانا واليوم رجعنا ديرتنا وسالها زوجي وش ذا الي بوجهك قالت متهاوشه مع بنت خالتي ، انا طبعا سكت ، بس محتاره اقوله ولالا ،، والمصييييبه انها مسويه كذا من قبل وانا توني ادري ،، ياخواتي والله اني مدلعتها وابوها مدلعها بحكم انها بنتي الوحيده ،،،، وقبل سنتين شفنا عندها محادثات مع شباب وشلنا منها الجوال ،،، لكن الان خذت ايباد اخوها من ورانا وكلمت 😔