بنتي كانت بتموت انتبهو لاطفالكم

السلام عليكم انا مره حريصه على اطفالي ومنتبهه عليهم لدرجة الوسوسه
اليوم اخواتي قالوا تعالي معانا السوق ورحنا معاهم
شوي ورجعنا ماطولنا مره زحمه عشان رمضان والتخفيضات
لما نزلوني نزلت معاي وحده من اخواتي قالت بنتي عمرها 4 ابغى انزل من باب خالتي
باب السياره اقصد
قلتلها طيب وحرصت عليها تمسكها لحد باب البيت خلاص انا اطمنت ماعاد سئلت عنها لما وصلت للباب بدخل البيت الا بنتي تصرخ من ورى السياره اتاريها اتعلقت بالسياره من ورى
واخوي كان مستعجل بينزلني ويمشي والرجعه لازم على ورى عشان المدخل ضيق يعني حيمشي بسياره لورى عشان يطلع على الخط
وكان مستعجل مره اصحابه كل شويه يدقو المهم انا وصلت للباب بدخل الابنتي تصرخ مادري اش بتقول
وانفجعت صوت بنتي وينها
الااشوفها معلقه وارمي كل شي واجري اضرب في السياره من قدام عشان لايمشي
كل هذا صار بثانيتين يمكن
شوفو رحمة ربي كيف صرخت في الوقت المناسب والاكانت صارت مع الاسفلت :(
اخوي انفجع اشبي فجأه هجت وجريت ومامشى ولقيت بنتي سليمه وحملتها تعرفو اش كانت تقول لما صرخت ؟
تقول اشبو الباب ماينفتح تكلم نفسها لانها كانت تحاول تفك باب شنطة السياره ياحياتي ربي اراد انها تتكلم عشان اسمعها