حليب مفيوح
ودي اروح عند اهلي وليته بيدي انا ياوخيتي متغربه جعل ربي مايغربكم عن دياركم ..

لو كالوريز
ياختي بصبري عليها لمتى والله حومت كبدي وش كبرها وبفمها هالمصاصه

اصبري شوي قطعت اصعب مرحلة ترا لو استسلمتي بترجعين لنفس المسلسل بس بقوة اكبر خليها اذا قالت ابيها لهيها اي شئ لعبه سولفي معها نطي استهبلي بس لا تضربينها وتجمعين عليها مصيبتين فراق المصاصة وضربك
وممكن تسوين نفسك متفهمة تقولين وين المصاصه يامصاصة تعالي فلانه تبيك وين رحتي انا مدري ليش المصاصة صارت كخه انتي يا ما ما زعلانه منها انا زعلانه ومن هالسوالف علشان ما تحس انك مجرمة تحس المصاصه هي الى فيها البلاء وبشرينا بالي يصير عليك
صح بتاخذ وقت ولدي جلس اسبوع ناسيها يوم اتذكرها الله لايوريك جنني وهو متعود يمصها طول اليوم يعني فعلا جنني

شوفي اختي انا عندي بنتين عطيتهم كلهم المصاصه وتصدقين ولله الحمد ماتعبت في قطعها عنهم
مع انهم كانو متعلقين فيها بشكل فضيع للدرجة إني حاطه 4مصاصات بميداليه ولاجاء وقت النوم تعالي شوفي المنظر تمص وإذا غفت عينها تبدل وتمص الثانيه ألاماتدوخ وتنام
ويوم قررت اقطع المصاصه عنهم كان اهم شي الأأصرار والعزم لانك غلطتي يوم ترضخين للصياحها
وش سويت( نقعت مره )وخليتها ثقيله وكل ماقالت تبي مصاصه غطستها( بالمره )
تقوم تقولي غسليها اقوم اغسلها( بالمره )وكذا شوي شوي مره اقولها نروح نشتري بعدين وحده نضيفه
هذه وسخه
والبنت الثانيه قطعت عنها بطريقه ثانيه لان( المره )ماجابت نتيجه وغيرت جبت( خل )وخففته ونفس الشي كل مابغتها غطستها بالخل

أنا فطمت بنتي عن اللهاية من شهرين تقريبا - بأن تركتها تنام بدونها صحيح كانت تبكي كثيرا تريدها ولكني لم أعطها اللهاية وهكذا بعد 3 أيام تقريبا صارت تنام بدونها وللآن ونسيتها تماما

استحميلي بكائها وخللي قلبك قوي

آنا ولدي بعد متعلق فيها وااااايد وعمره الحين الله يخليه سنة و7 شهور واجازتي انشالله بشهر 7 لي آخر 8 ومصره ومقرره إني اقطعها بهالفترة واتخلص منها من الحين قبل لايجيني البيبي الثاني

الفطام عن شي معين يبي له طولة بال وإصرار وقلب قوي لأن الطفل راح يكسر قلبك بالبجي وانتي لازم ما تستسلمين له فلازم تصيرين أقوى من طفلك وما تخلينه يتغل عليك