بنتي والمواقع الإباحيه .. أبي رايكم

مراحب بنات عالم حواء ...

حدي مصدووومه ما أتصور ابدا هاللي صار وتصرفت وأبي رايكم باللي سويته
بنتي عمرها 12 ونص حافظه لبعض أجزاء القرآن محجبه ولا تسمع أغاني وتستحي حتى من كلمة ستيان تنطقها .
لمن تحجبت اهداها أبوها لابتوب ... وتشتغل فيه كل يوم على مواقع باربي وتلوين وأغلب مواقعها أطفال ..
فتحت اليوم الهستوري أشوف شنو أخر المواقع اللي دخلت لها مع إني كل فتره أجيك على الوضع
لقيتها داخله مواقع ومشغله بلوتوثات رقص ومره كاتبه بالسيرج حب / هيفاء وهبي مفصخه / بكيني / رقص وصخ / وغيره وبعضهم كان حركاااات مش ولا بد أبدااااااااااااااا:(

اجتمعت معاها بروحنا وقلت لها لو عطيتي أحد فستان وما حافظ عليه هل بتعطينها فستان ثاني مره ؟؟
ولو عطيتك سكين شلون استخدمها الإستخدام الصحيح ؟؟ فجاوبت
طيب شلون استخدمه بطريقة غلط ؟؟ فقالت أقتل
وصلت للموضوع وقلت لها إني فتحت المواقع اللي دخلتي فيهم طبعا وجهها صار أصصصصصصفر وقالت مو أنا !!
قلت لها منو استخدم الكمبيوتر اليوم .... المهم وصلت إنها إهي اللي كانت تدخل لأن عندي جهازي وأبوها عنده جهازه يعني محد يستخدم الجهاز غيرها ولاحظتها أمس سهرانه عليه واليوم الصبح حاطه سماعه

خذيت منها الجهاز وقلت لها إنتي مو قد الأمانه وخنتيها ولا راح تشوفين الجهاز والسالفه بيني وبينك لأني لو وصلتها لأبوك كان ضربك وحرم عليك أشياء كثيره وأنا مصدووومه فيك وبكت وقالت أحب رجولك بس قلت لها وخري عني حاولي تكفرين عن اللي سويتيه وأنا غضبانه عليك

السؤال ::
هل تصرفي صحيح ؟؟( الكمبيوتر خلاص ماراح تشوفه لو على قص رقبتي )
هل أخبر أبوها مع إنه عسر بمثل جذيه أشياء وأمور ؟؟
أتم زعلانه منها ؟؟ لي متى ؟؟
شلون أخليها تكفر عن اللي سوته ؟؟ ( كانت تقولي الشيطان قص علي )
تقولي قوليلي أي شيء أسويه علشان يكفر عن الغلطه اللي سويتها !!


وأنا عن نفسي محتاره الله يرضالي عليكم خبروني:(