ردة فعل طبيعية فترة وتنسى

حبيبتي بنتك الأن مسيطر عليها الخوف
و لازم تنتبهين لهذي النقطه مثلا أنتبهو تجلسون تتهزون فيها أو بخوفها
هالشي له مردود عكسي وسلبي على نفسيتها وبيزيد التوتر عندها
ممكن أنتم مثلا تضحكون عليها من باب تصغير حجم الخوف عندها وهالشي غلط
و أحذرو يصدر منكم
و بنتك لازم تتكلمين معها وكأنها كبيره لا تقولين ما تستوعب لا الطفل ذكي و بيفهم عليك
و بأسلوبك الحكيم تقدرين تخلصينه من هالمشكله لذلك كلميها قولي ليش حبيبتي خايفه ؟
أسمعي لها و أيآ كان جوابها خوذيها ع الحمام نفسه و أشرحي لها إنه أختها كانت
تحاول تفتح الباب و خليها تجرب تقفله وتفتحه و صفقي لها و شجعيها و فرحيها
بكلمتين حلوين و خليها تطلع برى الحمام و أدخلي أنتي وقفلي الباب بعدها إفتحيه
و أطلعي و أنتي مبتسمه وعينك بعينها قولي شفتي ماما مافيه شي
بهالطريقه بتهدين روعتها و بتستوعب إنه الحمام مافيه مشكله
شي طبيعي يمرون الأطفال بمواقف تثير الرعب و الخوف عندهم مهما كانت صغيره
بنظرنا بس يكون لها تأثير عليهم و الله يحفظها لك :)

معليه هي خافت لانها طفلة لكن إن شاء الله هالخوف ما بيطول معها
حاولي وانتو قاعدين بروقان تسولفين عن ذاك ايوم وتفتحين الموضوع وانتي راااايقة وقولي تذكرون ذاك اليوم في بيت اختي فلانة واسالي الكبيرة انتي ما خفتي صح
وقولي للصغيرة شغتي ما يخوف ان اكيد بالاخير راح ينفتح الباب
وكرري على مسامعها ان بيت خالتها حلو ويونس وفيه العاب واحنا نروح نستانس وناكل كيك ومم هالكلام شوي شوي راح تنسى

شكرا بنات على ردودكم
مسكتها وكلمتها وقلت لها انتي كبيره والباب كان خربان وصلحوا
ودخلت معاها الله يعزكم حمام اختي نفس الشي
للحينها تخاف والمشكله صارت تخاف من اي باب يتسكر
حتى لو الباب في بيتي نفس الشي

مابي اخوفك لكن حصل لخواتي موقف ..


كانت امي مدرسه وطلعت الصباح للمدرسه وتركت الشغاله مع خواتي الثنتين .. وحده اعتقد كان عمرها 5 والثانية سنتين وزيادة شوي .


راحو هالثنتين يلعبو من اول الصبح وسكرو باب جناح غرفة النوم بالمفتاح بالدور الثاني على انفسهم .. ويبكون ويبكون ولاحياة لمن تنادي .. الشغاله تاركتهم وماشيكت عليهم وماتعرف شي عنهم لأنها كانت لسى جديدة .


اذا تعبو من البكاء لعبو شوي ونامو .. ويقومو من النوم ويبكون .. وعلى هالحال لين رجعت امي من الدوام .. تقريبا بعد 7 ساعات .


انجنت لما رجعت ودارت بالبيت ومالقتهم وهزأت الشغاله لأنها على الأقل سمعتهم يبكون ليش ما استغربت الوضع وتشوف وش سالفتهم ؟؟ فتحو عنهم وتطمنت عليهم .. ومشت الأيام والسنين .


اللي تعقد من قفل الباب هي الصغيرة ام سنتين صار لها عقدة قويه ومانست الموضوع .. تخيلي الى اخر الابتدائي تترك اي باب مفتوح وماتغلقه ابد .. حتى باب الحمام وغرفتها او اي غرفه بالبيت ماتغلقها تخليه الى اخر حد قبل مايغلق تمام !!! حنا نسميه مسايف او مسيف الباب .. يعني فيه مجال ان احد يمر ويلاقيه مفتوح يعتقد ان الغرفه فاظية ويدخل بالغلط . :D


الحين هي بآخر المرحله المتوسطة وصارت تسكر الباب بعد نصايح كثيييييييييييييييييييييير جدا جدا بالطيب او التهزيء او التذكير .. لاحظي تسكر الباب مو تقفله بالمفتاح .:11retcher


والى الآن وحنا معها في معاناه رافضه تستوعب شي اسمه قفل الباب .. والله اعلم متى تنتهي هالحاله .




اللي تكلم معنا بهالموضوع هي الكبيرة ام خمس سنين وماتعقدت كثير .. الصغيرة مدري هل هي رفضت تتكلم او هي متناسيه السالفه لكن فيه شي بقلبها عن المفاتيح .. انتظري لين تكبر بنتك زيادة شوي وناقشيها عن هالسالفه وخليها تتكلم عن اللي بخاطرها وأحداث ذاك اليوم حتى ترتاح ان فيه من يحس بمعاناتها وتقدر تثق بالمفتاح والباب مرة ثانيه .

السموحه طولت عليك وكثرت الكلام لكن هذي تجربه لنا مع المفتاح والى الآن ما انتهت .. للأسف .