ضوء حلم :

مابي اخوفك لكن حصل لخواتي موقف .. كانت امي مدرسه وطلعت الصباح للمدرسه وتركت الشغاله مع خواتي الثنتين .. وحده اعتقد كان عمرها 5 والثانية سنتين وزيادة شوي . راحو هالثنتين يلعبو من اول الصبح وسكرو باب جناح غرفة النوم بالمفتاح بالدور الثاني على انفسهم .. ويبكون ويبكون ولاحياة لمن تنادي .. الشغاله تاركتهم وماشيكت عليهم وماتعرف شي عنهم لأنها كانت لسى جديدة . اذا تعبو من البكاء لعبو شوي ونامو .. ويقومو من النوم ويبكون .. وعلى هالحال لين رجعت امي من الدوام .. تقريبا بعد 7 ساعات . انجنت لما رجعت ودارت بالبيت ومالقتهم وهزأت الشغاله لأنها على الأقل سمعتهم يبكون ليش ما استغربت الوضع وتشوف وش سالفتهم ؟؟ فتحو عنهم وتطمنت عليهم .. ومشت الأيام والسنين . اللي تعقد من قفل الباب هي الصغيرة ام سنتين صار لها عقدة قويه ومانست الموضوع .. تخيلي الى اخر الابتدائي تترك اي باب مفتوح وماتغلقه ابد .. حتى باب الحمام وغرفتها او اي غرفه بالبيت ماتغلقها تخليه الى اخر حد قبل مايغلق تمام !!! حنا نسميه مسايف او مسيف الباب .. يعني فيه مجال ان احد يمر ويلاقيه مفتوح يعتقد ان الغرفه فاظية ويدخل بالغلط . :D الحين هي بآخر المرحله المتوسطة وصارت تسكر الباب بعد نصايح كثيييييييييييييييييييييير جدا جدا بالطيب او التهزيء او التذكير .. لاحظي تسكر الباب مو تقفله بالمفتاح .:11retcher والى الآن وحنا معها في معاناه رافضه تستوعب شي اسمه قفل الباب .. والله اعلم متى تنتهي هالحاله . اللي تكلم معنا بهالموضوع هي الكبيرة ام خمس سنين وماتعقدت كثير .. الصغيرة مدري هل هي رفضت تتكلم او هي متناسيه السالفه لكن فيه شي بقلبها عن المفاتيح .. انتظري لين تكبر بنتك زيادة شوي وناقشيها عن هالسالفه وخليها تتكلم عن اللي بخاطرها وأحداث ذاك اليوم حتى ترتاح ان فيه من يحس بمعاناتها وتقدر تثق بالمفتاح والباب مرة ثانيه . السموحه طولت عليك وكثرت الكلام لكن هذي تجربه لنا مع المفتاح والى الآن ما انتهت .. للأسف .

مابي اخوفك لكن حصل لخواتي موقف .. كانت امي مدرسه وطلعت الصباح للمدرسه وتركت الشغاله مع خواتي...