انا كنت كذا مع ولدي الكبير وهو عمره الحين تسع سنين بس لانه كان اكثر شي عند الوالده الله يحفظها وانا ادرس ولما تركت الدراسه وتفرغت له صار مايبيني ولا يهتم فيني واذا يبي شي يروح لامي يقولها وانا موجوده مع انه كان ينام عندي حتى وانا ادرس ولا اتركه الا في فتره الاختبارات بس لما فكرت قلت لازم اكون قويه واتقرب منه احس بيني وبينه جفاء في البدايه تعبت لاني شوي جافه ماني حنونه احيانا اضمه مجرد فعل ليس حنانا بديت اعطيه اهتمام اسولف معه احسسه باهميته مع اني اول شديده مره عليه صدقيني العلاقه تغيرت الواحد يجبر نفسه في البدايه وكانت صعبه موسهله بعدين يتغير الوضع تدريجي وكون انك قلتي بنتك عدوانيه الى حد ما فبسبب هواشك عليها تطلعه للاخرين صدقيني الموضوع يبي له وقت فقط اجعليها اكبر اهتماماتك بادري لها بالفعل والكلام وفي نفس الوقت اقري قران عليك وعليها ولا تنسين الدعاء
موضوعك ذكرني بولدي وخنقتني العبره وانا اقراه الله يلين قلوبنا ويألف مابينا جميعا

اختي الحبيبه حاولي انك تعطينها قدر كبير من الحنان والعطف وصدقيني راح تتعدل لانه الحب والحنان سبب لبعد الاطفال عن الاظطرابات النفسيه والقلق وكل الاطفال الي انحرفو وطلعت اخلاقهم غير سويه لقيو ان القسوة وحرمانهم من الحنان سبب لانحرافهم فنتبهي
وحاولي تحتوينها وتعدلي بينها وبين اخوانها في المعامله فانتي مسؤله عنها امام
الله

هلا بكم .. رجعت وقلت خليني افتح النت قبل ما انام يمكن القى رد او حل يريحني شوي
الله يجزاكم خير
ام جود ...ياليت يكون السبب مرورها بهالمرحله العمريه الحساسه ..بس هالحاله من 5 او6 سنوات من يوم هي طفله .. بس يمكن عمرها الحالي زادها حساسيه . وعصبيه ولا المشكله موجوده من زمان وضيقة الصدر اللي تجيها لها كم سنه بس باذن الله اني ابحاول احسن معاملتها ويارب يعافيها
ومشكوره والله يطمنك على كل غالي
ماروكو
مشكوره ياقلبي واللله اني احاول قد ما اقدر ..بس على فكره عندي بنت غيرها مو كلهم اولاد ...الله يسمع منك وافرح بها ..يااااااااارب
ام الجوهره الثمينه ..شكرا لك... بس المشكله وحالتها النفسيه مو توها تظهر من سنوات وهي كذا تزين وترجع تجيها العصبيه وضيقة الصدر .. بس باذن الله اني ابغير معاملتي لها
وياليت ولا عليك امر ترسلين ارقام الدكاتره ..على الاقل اكلمهم واسالهم لو ماوديتها
ومشكورين كلكم والله لا يشوفكم مكروه بانفسكم ولا بمن يعز عليكم

لهلوبه ... هلا فيك .. انا بنتي بالعكس مثل ماقلت لكم تترك كل اللي بالبيت وتجيني انا وتلاحقني من مكان لمكان مع قسوتي عليها ... وهي مو بس عنيده ..ياليت ... هي يجيها حزن وضيقة صدر وخوف انا خايفه يصير عندها اكتئاب وانا مادريت وانا السبب
مشكوره والله يخلي لك ولدك ويفرحك بشوفته يرفع الراس ... ويحنن قلوبنا على عيالنا
ام الهيف هلا بك .. وفعلا هذا اللي انا ودي اسويه وقاعده ادعي ربي ليل ونهار انه يعيني ويحنن قلبي عليها
والله يستر
ومشكووووره والله يجزاك كل خير على نصحك

هي حاسه انك ماتبينها معك طول الوقت علشان كذا تلاحقك

انا كنت كذا دايم الحق امي وهي تهاوشني وتقول روحي العبي مع اخوانك

تخاف اصير انطوائيه .. بس انا كنت اعاند احس انها ماتحبني

ولما صارت تعطيني وجه وتخليني اساعدها بتغيير اختي الصغيرة وترضيعها

تغيرت حسيت ان مافيه شي مهم اقعد عشانة

امي كانت مثلك بس تغيرت مع الوقت تخليني اشاركها باشيائ كثيرة

اذا جت تطحن ولا تحمس ولا تسوي اي شي بالمطبخ تخليني اساعدها

وصرت غير اخواتي اتحمل مسؤلية واعرف كثيراشياء اخواتي مايعرفونها

انتي اشغليها وخليها معك

العبي انتي وياها بالورق

سوو رياضة مع بعض

خليها تحس انها مميزه عن اخوانها لأنها الكبيرة واعتمادك عليها

مو هي حاسة انها مكروهه :(

صدقيني هي بتشبع منك عشانك عطيتها من وقتك

مو تتهربين منها وتحقرينها ولا تتكلمين معها

ولله يعافي لك بنتك وتشوفيها احسن وحده بالدنيا :)