السلام عليكم ..
انا ماعندي اطفال بس لما قريت موضوعك مرة ضااق صدري.. ياليت تقرين عليها عند شيخ ...انتي بالقصيم ترى فية مشاايخة كثير كويسين القراءة احسن لها ولك يمكن بنتك فيهاا شي (( عين او نفس )) بسم الله عليهااا وعلشان تروح ضيقه الصدر حقتهااا واقرائي سورة البقرة كل يوم لمدة 40 ليلة وان شاء الله ربي يشفيهاااا ..
الله واعلم اني ابي الاجر من ورى كتابتي لك وردي عليك و احس كلامي ثقيل وماله دااعي .. ساامحيني

مطووووووره
روحي حبيبتي عند بنتك وضميها وامسحي على راسها وقولي لها انتي بكري وانتي اول فرحتي حسسيها بحنانك
اول شيء تسويه ترقين بنتك او تجيبين احد يرقيها واذا ما فيه الا العافيه وان شاء الله ما فيها شيء
غيري معاملتك معها تماما!!
اشلون تبين تكونين قريبه منها وانتي كل ما قربت منك متر بعدتي عنها كيلو!!
بنتك في سن حرجه مره ولازم تكوني قريبه منها وتنصحيها وتضغطي على نفسك وتسمعي كل الي تقوله حتى لو ما عجبك خليها تشوفك ملجائها بعد الله لو حصل لها اي مشكله لا سمح الله!! اذا جا وقت الصلاه قولي لها يا الله توضي وتعالي نصلي ...واذا خلصت اسالي ايش دعيتي ادخلي في اعماق بنتك با التحبب اعرفي ايش مشكلتها با الضبط ...
اذا جا وقت النوم خليك جنبها لحد ما تنام واذا نامت حطي عندها اباجوره وخلي الباب شبه مغلق يعني خليه مفتوح شيء بسيط وحطي عندها مسجل وخليه على اذا عه القران او سوره البقره واذا استمر خوفها خليك معها حتى لو اضطريتي تنامي عندها حتى تحس با الامان ويوم عن يوم صدقيني بتقفل غرفتها بروحها بس صبرك عليها لا تستعجلين الامور
حبيبتي بنتك احسها فيها صراع داخلي انك تحبيها اولا فهي تتقرب منك دايم عشان تتاكد من شعورك
وتخاف تبعدين عنها..اذا جت عندك المطبخ قولي لها تساعدك مثلا في تقطيع السلطه او قولي لها ايش رايك اليوم تسوين كيك وانا اساعدك...
صدقيني لو حسستيها بحنانك بتروح عنك ها الهواجس وبتكونين قريبه منها
روحي افتحي البوم الصور وشوفي يوم هي صغيره وتذكري اول ما ولدتيها وفرحتي فيه وتذكري وش كثر فرحتي في اول خطواتها حنني قلبك عليها تذكري انك مسئوله عنها امام الله
اطلعي لوحدك انتي واياها مثل صديقتين مو ام وبنت روحوا السوق اختاروا مع بعض وخليها تبدي رايها بدون ما تقاطعيها
اذا رحتوا لناس لا تغصبيها تروح معاك خليها هي الي تقرر .. واذا راحت تشاوروا في البس الي بتلبسه
في اكسسوارته لا تخلينها لو حدها او تفرضين عليها..خلي مبداء النقاش بينكم.. اذا رجعتوا قولي ايش سولفتي مع البنات اذا قالت لك ما تكلمت اساليها عن السبب يمكن سبب تافه!!! وانتي مو منتبه له
الحين الصيف قرب حاولي تدخلينها نوادي صيفيه عشان تختلط مع الناس .. وتغير جو
وعلى فكره اسالي عنها في المدرسه كيف سلوكها هل هي انطوئيه ولا بس في البيت عن صديقتها كوني فكره كامله عن سلوكها في المدرسه..
ممكن تتجمعوا بعد ما يخلصوا مذاكرتهم اولادك وتلعبوا مع بعض وتخلينها هي القائده او المرشده لاخوانها ..او تدردشوا في مواضيع على قدهم وتخلينها هي الي تبداء في الحديث اعطيها الثقه حتى لو كان الي تقوله خطاء قولي لها الي تقوليه صح بس مو لو كذا احسن..
من ناحيه التبول اليل لااااااااااااااااا تخلين بنتك انا مستغربه الى الان ما وديتيها طبيب هل هو اهمال !!!!!راجعي فيها وان شاء الله تتشافى
قبل ما تهاوشيها عدي من 25 الى 1 وانتي مبتسمه وقرري اذا غلطها يستاهل انك تهاوشيها او لا
انا كنت اهلك عيالي با لضرب وصدقيني نفعت معي ها الطريقه واغلب الوقت الموضوع ما يستاهل ضربهم ابدا !!!!
وصدقيني راح تتغير... بنتك با ختصار محتاجه لصديقه وام في نفس الوقت كوني ها الثنتين تداركي الوضع قبل ما يكبر ولا تقدرين تلحقين عليه لان بنتك داخله سن المراهقه وبا اشد الحاجه لك
والله يحفظها لك يارب ولا يحرمك من شوفت ضحكتها قولي امين
وعذرا على الاطاله

سبحان الله نفس مشكلتي مع ولدي الكبير

الظاهر لازم الولد أو البنت البكر يكووون غير مرغوب فيه!!أو مدرري وش القصه كذا وحده سمعت منها نفس مشكلتنا....

ونفس ولدي يلالالالالالالالاحقني!!

لدرجة صررت أخليه يلعب في الشارع كوره عشان افتك منه!!!
والحنان فعلا مايجي الا في الليل ودائم ابوووه يحسسني بغلطي ويقوووول ترااه ولدك
مثله مثل اخوااانه

تقطع قلبي من كلامك وكلام طووق الياسمين
احس مهما قلت مهما قلنااا

ماراح تسمعون لنا انتو مقتنعين بشي وخلاص ماراح تغيرونه

ماقول غير انتبهوا لا ينحرفون اطفالكم يدورون الحب والحنان المفقود بحياتهم
ترا هذا السبب الرئيسي لانحراف البنات والشباب بسن المراهقه

ولا حول ولا قوة الا بالله

آآآآه وش هاالقسوووة..

تمنيت اني احضنهااااا واخفف عنها ..

والله اكتب لك وانا ماعاد اشوف الشاشه من كثر ماابكي على الحال اللي وصلت له بنتك للاسف

وش اللي يمنعك ماتحنين عليها.... وش اللي خلاك تحرمينها من ابسط حقوقها وهي حنانك واحساس الام تجاه اولادها!!

البنت تدمرت نفسيتها والسبب تجاهلك لها ومتعتك في اذلالها وتحطيمها بالشكل ذا!!

حسيت بمعاناتها يمكن لاني انحرمت من امي في سن صغيره وتالمت كثير لغيابها ولاني انحرمت من اشياء كثير.. اولها حضنها.. واحساسها بمعاناتي !!

الله يخليها لي ويسامحهاااا



صدقيني بكره راح يحاسبك ربي على اللي سويتيه معاهاا لو ماتداركتِ الامر وتقربتي منها حتى تسامحك..

البنت صارت ضعيفه شخصيه ومتخوفه كثير وتخااف تعاشر الكل وتنصدم فيه مثل ماانصدمت من مواقفك القاسيه معاها..

واللي أحزنني اكثر انك سبب التعاسه اللي تعيشها .. ومع هذا تحسسك انها محتاجه لك وربي مافيه اقسى من هالشعووور..

يعني البنت مو سلبيه معاك او تمردت عليك او تدور الشر لك وانتقمت منك.. بالعكس تحاول تودد لك

وتقرب منك اكثر رغم انها ماشافت معاك الا القهر والويل الله المستعان,,

وللاسف انه تصاب بكل هالعقد والالم وهي في هذا السن الصغير!!

تحنين على اولادك وتمسحين دمعتهم.. وهي لا...

تجاهلينها وتحسسينها بالدونيه وانها ماتستحق كل هالعاطفه منك ولاتبينها تموووت حسره!

البنت مو محتاجه لدكتور نفسي كثر ماهي محتاجه لك انتِ ...

صلحي علاقتك معاها قبل لاتخسرينها وترمي نفسها بحضن غيرك..

اكثر مشاكل المراهقات وانحرافهن هو الفراغ العاطفي اللي دمرهن.. مب لاقيات لاحب .. ولااهتمام ولا اذن تسمع لهم وتحل مشاكلهم...

على طوول تصدق كلام الذئاب وتحطه هو الاب والاخ وكل الناس وماتدري انها كذا ضاعت !!

يعني حطي هالشيئ في بالك... ولاتخلينها تتعذب اكثر من اللي حصل لها...

بنتك داخله على مرحلة خطيرة محتاجه فيها لك اكثر من اول...لاتخسرينها تكفين وتخلينها تفقد ثقتها واملها انك تتغيرين للافضل...

دلعيها... حاولي تحضنينها.. كلامها لك وصراحتها معاك بجد شيئ حلووو يعني هي في قمة الحكمه

حبت تقول لك عن اللي ضايقها تبيك تحسين فيها وتحنين عليها... بس للاسف مالقت غير التطنيش

حتى تطورت المشكله وصارت تتبول في سريرها ...!!

احمدي ربك على النعمه اللي انتِ فيها لاياخذها ربي بعدين تحسين انك فقدتي شيئ غالي كان من صغره معاك بس مالقى ذرة اهتماااام!!

ولحظتها وش بينفعك فيه الندم؟

ناس تتمنى من ربها يرزقها بالطفل حتى لو معاق وانتِ تقسين!! وليته طبع فيك نقول يمكن نقدر نلقى لها حل..

لكن المشكله اعظم لما تصبين كل زعلك وتتصيدين الاخطاء على بنتك.. وتعاملينها كذا دون عن اخوانها!!

حسسيها بالاستقرار النفسي.. واعطفي عليها.. وعشان تكسبين ودها وتصير مب بنتك وبس الا اقرب بكثير...

عوضيها تكفين عن الالم النفسي اللي عاشته من سنين! وان شاءالله يكون في هذا خير لك ويغفر الله لك ..

وعبري لها عن ندمك بالكلام يعني تأسفي لها وبيني انك غلطانه بحقها وانها تستاهل حبك واهتمامك..

لانها بنت ممتازه.. وتحاول تكسبك.. صدقيني مثل هالكلام يحسسها بالثقه ويفرحها ويحسسها بقيمه نفسها
لاتتهاونين واعتبري كل كلمة تنقال لها منك فيها حناااان .. ايه حنااان.. ولاتقولين مااقدر

انتِ تقدرين بس حاطه مليون حاجز بينك وبينها على ايش مدري!!

دلعيها .. جيبي لها هدايا وعامليها مثل ماتعاملين اخونها...

وللاسف الاب وينه ؟ يعني يشوفك تعاملينها بهالقسوه وساكت!!

ودي ادري وش ذنبها هالطفله تتعرض لكل هالمعاناة ومن اقرب الناس!!

الله يسامحكم بس ويجعلها تقدر تنسى ولايكون اللي شافته منك سبب قوي يقتل الفرحه من قلبها للابد..

حتى لو مرت سنين...

خليها تحكي لك عن كل شيئ ... ولا تقاطعينها وتقولين روحي لفلانه ولا علانه.. هي محتاجتك انتِ

فلا تخيبين ظنها اكثر فيك!!

ياليت اول تصرف منك تجيبين لها هدية كعربون صداقه وفتح صفحة جديدة معاها خليها تعيش معاك بسلام وحب دوووم..

الله يهديك امين.. ويحنن قلبك عليها اكثر...

انا ماادري وش ردوا عليك البنات ويمكن قسيت عليك كثير بس صدقيني خوفا على بنتك وحرصا على تنظيم هالعلاقه بشكل افضل

وطمنينا تكفين عن حالتها والله قلبي معاكم...