بنت اختي وضربه لولدي ساعدوون

السالفه يابنات ان اختي عنده بنت عمره 4 وشوي وبنته شقيه مرره تضرب ضرب مهوب صاحي
بالاول اقول بزر وماقوله شي لكن السالفه طالت ومصخت واختي ماعنده اي استعداد تعدل بنته ولاتبي احد يقول لبنته شي اول كنت لاشفته تضرب عيالي اقول صغيره واسكتهم وااقول العبو وانتم اخوان بس لاحظت عيالي صارو جبنا وخوافين وبنته مستمره هي ماتنهاه والبنت طولتها تخيلو تعض عياالي وتمخش وتضرب ضرب يوجع وانا قلبي يتقطع والام ساكته ولا تخم بنتها تقول لاموب بنتي بنتي شاطره :09:
والبنت قدامه ومن وراه تضرب صرت اشجع ولدي الكبير اقول انت بطل ماتسكت له لاطقتك طقه ؛< الي مايستحي منك لاتستحي منه تعبت صراحه ماودي ولدي يصير عدواني لكن هم ماستحو ولاجاملو عالاقل قدامي احس انه مارضت عن حركات بنته واقوله قدامه وازعل واجيبه بمزح ولااااحركت ساكن ماتغير شي
وصار ولدي الكبير لاضربتوه يضربه وياخذ حقه منه
لكن المشكله بالصغير عمره 3 سنين وهادي يحياتي ولايحب المضارب ابد مسالم وبنته مستلمته تكفخه وتركب على ضهره تدبجه دبج موب صاحي واخر مره عضته معلمه العضه بيده ويحياتي يوم جيت لينه خايف متخبي عنه بالمطبخ وعيونه حمر من الصياح قسم بالله ارتفع ضغطي وانقهره :mad:
يم قلت له ليه تطقينه راحت تخبت عند امه وخمته وقالت موب بنتي هذي الشغاله طقته :09:
انا ماودي اكره البنيه وعيالي يكرهونه بس بعد زي ماتحب بنته انا احب عيالي واخاف على مشاعرهم وزياده على كذا جت بالصاله تقول ياويل احد يقول لبنتي شي انا بضررربه :mad: يعني لاتهاوشونه ولاتقولون ليه طقيتيه ولاشي خلوه تطق على كيفه وعيالك بالطقاق :)
شين وقواة عين ولدي الصغير تعقد وكره بيت اهلي بسبته
ومره اانا تاركتهم عند اهلي ورايحه لزواج تقولي اختي شفتي بنتي صافه عيالك وتضربهم وتضحك مستملحه بنته تقوله لي بعد
بنات انا ماودي ارد عقلي لبزران ولا ودي اشيل بقلبي عليا ولا على بنته يعلم الله اني كنت اموت على بنته واحبه وادافع عنه لكن هي كرهتني فبنته وكرهت عيالي به

انصحووني وش اسوي اقاطع اهلي علشان بزران ولا وش اسوي