بنت اخوي واول دوره شهريه محتاجتكم شوي

الله يكون بعونكم
صغيرررة مرة

امها تصيح !!!!!!!!!!
والله يا بعض الحريم الله يهديهم مرا يبالغون بردات الفعل
تلقين بنتها عادي ويوم شافت امها تصيح خافت ههههههههه
ابد بالعكس شعور جميل اشوف بنتي تبلغ وحتى لو ارتبكت ما اصيح قدامها كنها سوت جريمه

المهم لا تعطونها شي تحوسون لها هرموناتها تراها صغيره
عادي تتحمم وتعيش حياتها عادي ولا تكبرون الموضوع
اذا جتها غازات اعطوها يانسون وبس غير كذا ترا تتلخبط هرموناتها من الاعشاب وهي توها صغيره

فهموها انها تلعب وتنبسط مثل ما تبي بس الحين هي صارت كبيره
وعلموها على النظافه والاعتناء بنفسها بوقت الدوره وتغيير الفوط الصحيه
ووروها انكم فرحااانين فيها ولاااا تفظحونها وتعلمون الناس قدامها ترا البنت تتعقد
ربي يسعدها وتشوفونها عروووسه

الله يحفظها
الام لازم تكون طبيعيه لاتخوف البنت كنها مسويه مصيبه

الامور بسيطه ان شاء الله اهم شي اكلها يكون دافي حليب مع العسل تفطر على التمر
والمساء تاكل كم حبه
حلو يكون اكلها مرقوق شوربات
فايدتها تريح الرحم وماتسبب مغص

اليانسون مناسب لها ولاتعطونها اعشاب وخرابيط
لازم تعلمها النظافه وازالة الشعر ولاتبالغ في غسل المنطقه بالصابون بعض البنات تخاف من الدم وتقعد تفرك بالصابون
وحسسوها ان هذا الشي حلو ومعناه انها كبرت وراح تصير بنوته حلوه هالشي يرفع معنوياتها

يا قلبي عليها اعطوها اشياء دافيه

الله يعافيكم ياغاليات والله ما قصرتو انا اخذت البنت انا وامها وحضناها وقلنا كويس صرتي كبيره ولك شخصيتك وماقصرنا علمناها ايش تسوي وانها تكون طبيعيه وشي عادي يصير لكل البنات والحمد لله هذا هي جنبي كويسه بس والدتها مسكينه خافت عليها حساساه شوي ...