أنا أخواني أثنين متزوجين وكلهم أكبر مني..
بس وش أقول عن حريمهم؟؟
مـــــــــــــاشـــــــــــــاءالله تبارك الله.. الله يسخّر لهن رجالهن ويسخر رجالهن لهن..
أهلي مو بالرياض,, وأخوي الكبير ساكن معهم بنفس المنطقة,بس ببيت لحاله, وزوجته محددة لها يوم بالأسبوع الله يكبّـر قدرها, تجي ومعها حاجة خفيفة, حلى قهوة, أو فطاير, أو خلية نحل,,يعني اللي تجود به نفسها..وتتقهوى مع الوالدين وتتعشى معهم, وأمي كل ما سألتها وش أخبار أم فلان قامت تدعي لها وتدعي من قلب بعد..بصراحة أخلاق عالية ونعم التربية ولله الحمد..
مرة أخوي الثانية هنا بالرياض, وأول ما تزوجت أحس إنها كانت هايبتنا..لأننا يوم نروح نخطب ويوم الشبكة كنا ناخذ معنا الشوكلاته من أفخم المحلات, وشبكتها غالية وحلوة, ومقدمينها بصناديق فخمة ووسايد مخمل وشموع..لأنها هي بعد بنت عز وماشاءالله أهلها سنعين..
المهم, كانت في بداية زواجها قليل اختلاطها فينا, وأنا أحس إنها تجي رسمية, وتجيب جهدها باللبس والشنطة والجزمة,, وما ألومها,لأننا حمولتها مو أهلها,, فـ وش سوينا عشان تاخذ علينا؟؟
إحنا -أنا وخواتي-ماشاءالله أربع, قررنا نسوي لنا يوم بالأسبوع نجتمع وكل وحدة تجيب عشاها وكل أسبوع ببيت وحدة, وصرنا ننادي مرة أخوي ونحلف عليها ماتجيب شي,,يعني بس ضيفة..وفعلا كانت تجي, فصرنا نشوفها كل أسبوع, وبدت السوالف الحلوة تطلع, وبدت تمزح وتمون وتسألنا عن أي شي كانت تستحي منه..والحين والله إني أحسها زي أختي,,حبوبة وطيوبة وعسل,,ماشاءالله عليهم بس..
يعني أختي صاحبة الموضوع,,مافيها شي لو تسولفين معها أو أي وحدة من خواتك, تكلمي معها هي,, لاتروحين لأخوك -عشان محد يظن إنك تدخلين بينه وبين مرته-,,قولي لها وش رايك نحط لنا دورية بالأسبوع,,أو بالشهر..عشان عيالنا يتعارفون ويقربون..يعني من هالحكي الحلو..وتقرّبي لها بالهدايا الحلوة وصدقيني بتكسبينها أخت وبيرجع أخوك زي أول..
صدقيني زوجات الأخ وش حليلهم ,,وأقرب من خوات الزوج بالنسبة لي,, ومهما كان هي أكيد ودها إنها ترضي زوجها عن طريق مد جسور المحبة مع أهله..دوري مفتاحها,بتلاقينه وبتصير معك زي العسل..:22: :22:

غريبه والله زوجه اخوك بس ممكن هي ماتبي تمونون عليها عشان تريح بالها وعشان برضوه المشاكل ومخليه العلاقه رسميه من البدايه ومثل ماقالت بنات الريح كثير يقولون للي مقبله على الزواج خلي علاقتك فيهم رسميه لاتعطينهم وجه
وبعدين العتب مو عليها على اخوك مفروض انه يفهمها ان احترامها وتقديرها لامه وخواته يكبرها بعينها وواجب عليها مو يطاوعها باللي هي تسويه
الله يصلح الحال

شوفي اختي حلوة السجايا :

انا عايشه بعيده عن اهله ومع كذا ما يخلونن حايسين مريري انا ورجلي وعيالي ..
كن ما اعرس الا هو !!
وخواته عاز ينهن رجاجيلهن وياويل الرجال لو غلط عليهن تطلع امهن وتحوسه

بس لانهن ذايقات العز ما يحسن باللي يسوون لي
بس والله اني اسفههن وما ارد وهذا اللي قاهرهن السفهان يقطع المصران وانا ما سويت لهن شي
ما يبونن اسافر لحالي مع رجلي ويتحكمن في اجازاته وياويلي لو عزمت حتى صديقاتي وهن ما عزمتهن
وهن يوم كنت في بيتهن في بيت الحموله كانن يعزمن صديقاتهن وانا جالسه وما يقولن لي ادخلي وياويلي لو طبيت عليهن !!

يا اختي كلن يعمل بأصله وكلن فيه الرداء

فيه بنات حمايل ماشاء الله
وفيه اخوات رجل قشران
ويدينك ماهي زي بعض

مشكورات خواتي على الردود الحلوه بعلق على كلام بسمه براءه والله ماقصرت والله أني عمه حليله أهدي بنت أخوي لبس وهداااااااااااااايا من ألى تصدقين ولا مره أشكرتني أمها ولا مره جبره خاطري ولبست بنتها البس اللي أشريه لها والله العظيم أني أشريلها ماركاااااات قلت يمكن هي بنت الهاااااي هاااااااااي ماتلبس بنتها اي لبس بنتي الي هي بنتي ماشريتلها ماركه مع ذالك والله ماشفته ليومك أمي وخواتي يهدون الأم وبنته والله ماتلبس الي منا كارهتنا كره مو طبيعي الله يسامحها ماخلتني أتهنى بكوني عمه ولي بنت أخو بس على قولت أمي الدنيا دوااااااااااااااااااااااااااااااااره.....

تلفون خربااااااااااااان الله يعينك بس سوي اللي بينك وبين ربك واللي يرضاه ربك وما عليك منهم وبعدين صلحي تلفونك ياحلوه ترا أعلم عماتكم يجن يصلحنه لك ...........هاااااااااااااااااهههههههه تراي امزح معك ودمتي ..