أنا أماني :

والله يا اختي احترنا مع زوجات الاخوان... وعن نفسي اتعجب صراحه من هالحريم "بعض ومش كل" من تتزوج خلاص تعتبر اهل زوجها واخواته وامه اعداءها وكل شغلها الشاغل كيف تدخل الحرب وتكسبها معاهم بس ما اقول الا الله يصبرنا ويصبركم على مثل هالنوعية من الحريم

والله يا اختي احترنا مع زوجات الاخوان... وعن نفسي اتعجب صراحه من هالحريم "بعض ومش كل" من تتزوج...

غلاالروح :

الوحده ما تصير رسمية مع اهل زوجها الا لما تشوف منهم العيب وتشوف منهم الشر .. انا والله اني دخلت على بيت عمي واشيل وياهم واسوي بس هم كانوا يبغون اكثر يبغون اخدمهم وانا ما تعودت على هالشئ تعودت على الدلع والراحه في بيت اهلي ..وكل شئ يحطون بالهم عليه وش اخذت وش اشتريت .. والاكثر من جذي يكوكون زوجي علي .. ويتدخلون في حياتنا .. وفوق هذا زوجات اخوانه داااااااااااااااااااااااهيه الله لا يبلاكم مثلهم .. ما يحبون الخير لي ويموتون غيرة مني وسم ضروسهم يشوفوني مرتاحه وسعيدة مع زوجي .. حتى كانت ام زوجي واخته يتسمعونا لما نكون نتكلم مع بعض او نتناقش او زعلانين من بعض ويفرحون بعد .. انا ما احب اتدخل بأمورهم وباعدت نفسي عنهم عشان اكفي شرهم .. بس لما تزوجت وطلعنا بروحنا قلت بخلي علاقتي رسمية معهم .. صدقوني اني ارتحت وارتاحت نفسيتي لان المشاكل اللي صارت أثرت على علاقتي ويا زوجي بس لما طلعنا بروحنا بأجار ارتاحت نفسيتي قمت ازورهم مرة بالاسبوع .. ولما اطبخ يعلقون على اللي اجيبه من وراي .. وما يقعدون ويايي يروحون على غرفهم .. وخالتي تروح تشغل روحها بشغل البيت اروح اساعدها وما اخليها .. لكن في المقابل صح تستانس لكن ما يبين في عيونهم .. صرت ما اروح لهم ابدا الا في الاعياد بعد ما زادت علاقتهم سوء .. ولما توظفت يتدخلون وليش ما تساعد زوجها وليش ما تعتمد على نفسها انا هني خلاااااااااااص قلت لازم اوقفهم عند حدهم خليت ولدهم يكلمهم ومن يومها ما عاد يتدخلون بس ما صرت اروح لهم الا في الاعياد وبس .. بس اللحين من كم اسبوع وديت هدية لأم زوجي بعد ما هدأت النفوس وحسيت اني ما ابغي اكون ظالمه واكون مظلومه .. لكن شنو الجزات من هذا خطب ولدهم حتى ما علموني بموعد\ ومكان حفلتهم ... ويوم عاتبتهم قالوا ما تجين لنا وتزورينا ؟؟؟؟؟؟؟؟؟؟؟؟؟؟؟؟؟؟؟؟؟؟ بعد كل عمايلهم وياي وبعد يبغوني اجي ازورهم ؟؟؟ استغفر الله العظيم ................. قلت خلاص اللحين قررت اني ارد مثل الاول اروح ازورهم مرة بالاسبوع عشان بعد ما اصير غلطانه .. بس بعد بخلي علاقتي وياهم أكثر من رسمية مجرد سوالف عادية ومزاح وضحك .. وبببببببببببببببببببببببببببس .. وتدرين صاحبه الموضوع ذكرتيني بمرت خالي مثل مرت اخوك بالضبط سبحان الله ما سوينا لها شئ ونموت بعيالها وبزوجها ما شفناها الا مقاطعتنا من شهر ونص والسبب ......................لا اعلم .. وسامحونا طولنا عليكم بس عجبني الموضوع وقرأته كلللللللللللله .. وشكرا لصاحبه الموضوع ..

الوحده ما تصير رسمية مع اهل زوجها الا لما تشوف منهم العيب وتشوف منهم الشر .. انا والله اني...