كوبونات الراقية تسجيل الدخول

ضياء القمر

بنت العليا......... قصة خيالية

الترفيه والتسلية •



في البدايه نبدا بالنوع الاول من انوااع الترقيم وهو الترقيم الي زااد استخدامه في الوقت الحالي الاو هو الترقيم على ارض الواقع (( في الشارع يعني )).....

الحين افرض انك انت توك طاالع من بيتكم وطبعا انت انواااع البرااءه يعني بس بترووح تتمشى في العليا شووي وتاخذ لك لفتين في التخصصي وطبعا يستحسن انه يكون يوم الخميس المهم انك انت طالع ونيتك طاهرره ابد بتتمشى وتررجع لبيتكم (( ايه هين طاهره )) المهم وانت واقف بسيارتك عند ذيك العماره الطويله الي يسمونها الفيصليه (( آآه وش ذبحنا غير ذا الفيصليه )) المهم وانت تناظر قداام ومنتب لم احد شوي الا لمحت على يدك اليسار (( يعني من جهة شارع الثلاثين ))

وحده تناظررر طبعا الوحده هذي ياليتنها تناظر الفيصليه ولا تناظر العالم الي مجتمعين تحت عند البااب ولا تناظر موترك هو نظيف ولا لا (( وين طلعت شريطيه ذي )) لالالالالالا المشكله اكبرر واعظم البنت طلعت تناظررك انت ايييه انت يالي جالس تقرا في هذه الحااله وحسب نظرية افلاطون (( وش دخل افلاطون )) الي تقول ان البنت اذا ناظرت شاب معناها انها معجبه طبعا انت صعبه انك تصد ولاتناظرها يعني حتى يزعل عليك عبدالحليم حافظ (( للمره الثانيه اقول وش دخل عبدالحليم في السالفه )) طبعا انت جيت بتنزل القزازه وتكلمها (( طبعا بافتراض انك مسكر القزازه على بالك مشغل مكيف )) لكن انت في داخلك خاايف يعني مثلا خايف ان البنت ماتبيك او انها ماتقصد تناظرك او شي ثااني (( عاد في ذا اللحظه تجي للواحد افكارر غبيه نوعا ماا )) المهم ان الاشاره فتحت (( وشو عقبه )) والسياره الي فيها البنت راحت يسار يعني رايحين للثلاثين (( شكلها بنت نعمه )) طبعا انت لازم تلحقها عشان توريها وجهك مع الجهه الثانيه (( هذا بافتراض ان وجهك فيه حبة خال مع الجهه الثانيه عشان تعلمها انك وسييم لكن الزمن ماعطااك وجه )) المهم انكم وقفتوا عند الاشاره الثانيه الي على الثلاثين (( الي عند لوك اب )) ومن حسن حظك ان البنت مازاالت تناظر في هذه الحااله انا ما انصحك انك تطلع معرووضك الي فيه رقمك لان ذا الحركه ومن وجهة نظرري الشخصانيه والنفسانيه فااشله وشكلك بيطلع كنك طراار مايعرف يتكلم عربي المهم خلونا في الموقف الي حاصل الحين الي هو ان البنت مازات تناظر طبعا انت لازم تعطيها ابتسامه سياسيه (( وهي انك ماتفق خششتك وتتقطع من كثر الابتسامات عشان ماتقول البنت وش ذا الي ماقد شاف خير لكن تبتسم ابتسامة سامي الجابر اذا شات بلنتي وطقت الكوره في العارضه بعدين جا نواف التمياط وسجل الهدف )) طبعا اذا ابتسمت للبنت وصدت او صكتك بواحد من قواطي الميرندا الي معها في ذا الحاله انت دق اشاره ولف يمين على بالك بتروح لماما نوره (( لكن هذا موب موضووعنا )) خلونا نتفائل بالخير (( تفائلوا بالخير تجدوه )) ونقول ان البنت ابتسمت لك طبعا انت عرفت كذا من عيونها (( احلى ياقاريء العيون )) طبعا في هذه الحاله لازم تلقط جوالك وتتصل على اهلك وتقوول تراي اليوم منيب جاييب خبز خلوا اخووي يجيب لكم (( لانك انت وراك شغل طوويل مع ذا البنيه )) المهم احنا الحين مازلنا عند الاشاره (( متى بتفتح ذا الاشاره )) وطبعا فتحت الاشاره وديور السواق (( الحمدلله ان السواق ماشافك وانت تديور وراهم لانه بكستاني و البكستانيه علل تقول كن الي معه بناته))

وانت تفاجات بالسياره الي فيها البنت تلفي يمين يعني رايحين للسفويه وانت طبعا لفييت ورااهم وانت ماتشووف الطرريق المهم لبق اخونا في الله الي هو السواق البكستاني وانت من سؤ حظك مالقيت موقف جنبهم ولبقت بعيد شووي وطبعا عااد اهم شي الي بيصير داخل المركز طبعا البنت نزلت وانت وراها وطبعا انت تمشي مشيه ولا مشية يوسف الثنينان وهو مصااب (( يعني مضييع من جد مع مشية البنت )) المهم انكم دخلتوا للمركز (( مابغيتوا تدخلون )) طبعا البنت بتسووي فيها روومنسيه عندك وانها فرري وعاادي عشان كذا راحت لقسم بيع الكسيتاات (( لاوغربي بعد))

وانت وراها طبعا اول مادخلت هي قاامت تسال عن كم اغنيه اجنبيه (( وانت فاقن خشتك ماتعرف الا اغنية راشد الماجد سرا الليل )) المهم انت حاول انك تقرب من البنت شووي وقلها بصووت خفييف ورومنسي ذوقك مره حلو في اختيار الاغاني

بس انتبه وانت تكلمها لاتناااظرها ابد عشان لو قلبت عليك وصكتك بشريط كاظم الساهر في جبهتك يمديك تصررفها وتقوول ماكلمتك (( المشكله مافيه الا انت وياها في المحل يعني من تكلم ؟؟ )) المهم خلونا من الفال الشين وخلونا نقول ان البنت سكتت وماردت وابعدت شووي طبعا انت على نياتك بتقوول اكييد انها ماتبيني لكن لالالالا البنت تبييك بس هذا يسموونه نعفقه (( يعني دلع بناات )) وبعدين لو انها ماتبيك كان صكتك بالعين الحمرا (( والعين الحمرا هي نفس نظرات ابو سليمان يوم انه يناظر سعد ولد جيرانهم يوم ينسم كفرات المازدا حقته )) ولو انها ماتبيك كان اقل شي بتسوويه انها بتطلع من المحل الي انتم فيييه لكن البنت تبييك (( آه منك ياخااطف قلووب العذارى)) المهم انت لاتستسلم وعاود الكره مرتن اخرى وشن عليها الهجووم الثاني (( وين هجوم الحرب العالميه الثانيه هي ))

طبعا في المره الثانيه لازم تكون اقوى من المره الاولى لسببين الاول ان خير وسيله للدفاع هي الهجوم على ماقال بلاتشي (( ولايهون ابو صالح مدرب فريق الحماده)) والسبب الثاني هو انك تاكدت شووي ان البنت تبيك عشان كذا اقرب منها (( بس موب مرره عااد )) وقلها بصراحه عيونك تجنن (( بس مشكله اذا كانت عيونها كنها عيون سيرلانكي صارله يومين مواصل )) طبعا هي اكييد ذا المره بترد عليك وبتقول كلمة البناات المشهووره وهي(( انت تجامل اصلا انتم كلكم يالشباب كذا )) طبعا انت من جد منتب تجامل يعني صدق مضيع مع البنت في ذا الحاله انت قلها الحقيقه بس لاتبين لها انك رايحن وطي معها عشان ماتثقل علييك وتروح انت تقطع طماط في بيتكم يعني بين لها انك تبيها بس باسلوب اسكتلندي (( بعدين باعلمك وش معنى الاسلوب الاسكتلندي )) وقلها انا بصراحه ماعمري شفت وحده مثلك وانا احس انك انتي البنت الي ادور عليها طبعا هي بتخق معك والله لو انها اكبرر ملكعه الا اذا كان فيه واحد قد جاها قبلك وقالها نفس الكلام ولعب عليها في الاخير ترا هذا شي ثااني المهم عاد ماودنا نعقد الامور وخلونا نكمل ونقول ان البنت طاحت عندك (( موب طاحت يعني محطت على وجهها لا يعني ضيعت معك )) طبعا في ذا الحاله انت لازم تنتهز الفرصه وتقوولها اوكي وشرايك نتمشى مع بعض شووي (( طبعا داخل المركز لاتصير بجيح ومن اولها تقول ندور في العليا ))

طبعااذا قالت لك لا موممكن (( اتعب انا مع الموو )) انت لاتصير كنك تكاسرلك هندي راعي مساويك تقولها تكفين.... لالا خلك طبيعي وقلها اووكي براحتك انا ماشي الحيين طبعا هي بتناديك بتقولك شفيك لايكون زعلت لكن المشكله الحين لو مانادتك انت في ذا الحاله وش بتسوي ولايهمك سهله مره الي تسويه انك اول ماتروح من عندها وتبعد شوي التفت عليها وانت تناظرها نظرات واحد مايدري وش السالفه وقلهاا انتي مناديتني ؟؟؟ طبعا هي اكييد ذا المره بتضحك شوي يعني افهمها وارجع تراي ابيك (( اما لو تقول لك لا والله ماناديتك من جد احس اني بانفرش انا وارشاداتي )) المهم انت رجعت وطبعا سهل الله ومشيتوا مع بعض عاد وانتم تتمشون هذي هي الي يسمونها اللحظات الحاسمه…… (( يعني زي الوقت بدل الضايع الي جاب فييه يوسف الثنيان هدف في النصرر…. بس ولو رهييب ماجد عبدالله .. يعني عشان مايزعلون النصراويه))……….
وخصوصا اذا كانت يدك في يدها (( والله مالقاها الا انت )) طبعا انت تبدا تعطيها من الكلام الرومنسي (( بس ياليت يكون من قلبك ترا انا من جد منيب اواطن الي ينصصب في ذا الموواقف )) وتقوولها انا ماقدر اصبر عنك ولا دقيقه صحييح ان المده الي عرفنا فيها بعض قصيره لكنها كانت كافييه ان قلبي يتعلق فيك وانا لايمكن اكمل حيااتي بدونك لانك انتي حياتي وانا مابي من ذا الدنيا الا اني اكون جنبك واني اسمع صووتك وعيني تمتلي بشووفت عيونك وعطها من ذا الكلالالام ابد لاتخلي كلمه من كلام الافلام المصريه لاتقولها لها ويستحسن ان تكون الكلمات من الافلام المصريه القدييمه حقت عماد حمدي وفاتن حمامه وطقتهم (( بسس هاااه للمره الثانيه اقوولك لاتكذب ترا منيب اواطن الكذب ))

طبعا البنت بترووح معك تسعه وتسعين ونصين في الميه (( ياخي انا ضيعت مع الكلام عااد وشلون هي )) بس طبعا هي ماتقدر تطوول معك في المركز لانها على كذا بتتاخر على اهلها وطبعا انت لاتوقف عندها كنك راعي تمييس ماتدري وش السالفه اكتب لها الرقم وعطها الرقم في يدهاويستحسن انك تحط الرقم بين اصابعها ((يووه انا كذا ماعاد اقدر اكممل)) ولاتقوولها خذي الرقم يعني بالعربي لاتخليها هي الي تمد يدها وتاخذه انت الي حطه في يدها لان بعضهم يستحون يمدون يديهم (( الا ان كانك طحت لك في وحده بجيحه عاد هذا شي ثاني ))

وطبعا هي بتاخذ الرقم وتحطه في شنطتها (( اصير شنطه )) وامش انت وياها عاادي واطلعوا من المركز بسس انتبه لايشووفك الباكستاني ((ولا ترا والله ان يرفع بك ركب اليين تدووخ وبعدين يعلقك في شارع الثلاثين عاد تشووف الناس جايين يصورون جنبك يحسبونك معلم حضااري)) وطبعا عطها ذاك الودااع الحاار الي يسمونه الودااع المنتهي بالتكليم ((ولا يهون المنتهي بالتاجير)) وخلاص رح انت اركب سياارتك وانتظر منها مكاالمه (( وتعاال قابلني اذا ما اتصلت )) طبعا فيه شي نسييت لااقووله وهو انك بعد ماتودعها اتصصل على اهلك لان اخوك الظاهر انه صار طالع للبر مع اخويااه وماجاب لهم خبز عااد الله يعينك انت الي بتجييب لهم……..

المهم ما اطوول عليكم وصراحه انا عندي كلام كثير ودي اقوله لكن من جد اصابعي طلعت كنها اصابع افغاني (( يعني ورمت من كثر الكتابه ))..............

طبعا فيه طرق كثييرره للترقيييم لكن مانقدر نقوولها الحيين لان الموضووع شكله بيدخل على منتدى الشعرر والادب من طووله لكن احاول اكمل في مواضيييع ثانييه (( الله يسترر بسس )) ..........

طبعا انا زي ماقلت قبل ما احب الي يكذب على البنت ويعطيها من ذا الصوواريخ الجو اررض يعني اذا البنت عاجبتك رح لها اما انك تروح تكلم اي بنت كنك رااعي محل ابو ريالين جالس يطاارد الزبااين بصراحه ذا الطرريقه منيب اواطنها

وبعدين لاتكوون بجيح اذا البنت كانت ماتبييك لاتصير انت وجه ابن فهرره تنشب لها كنك الطراريين الي في مكه لا اذا حسيت انها ماتبيك ضففف وجهك ورح لبيتكم العب الدوري الياباني مع اخوانك اصرف لك ................
0
729

هذا الموضوع مغلق.

خليك أول من تشارك برأيها   💁🏻‍♀️