بنت خالتي سببت لي رهاب اجتماعي ... والسبب ؟

السلام عليكم ورحم الله وبركاتة

بنات انا قصتي قصة احس اني اكثر بنت استغفر الله تأذت بحياتها وخاصة مع العقارب بالرغم انيي طيبة
واساعد بنات خالتي وخالي بس ماشفت الانقل الكلام والقذف بالعرض وكلام ماينقال
انا يابنات مشكلتي اذا رحمت وساعدت يمكن اعطيها كل راتبي وانا اقعد بدون شي
القصة قبل تقريبا سنتين بنت خالتي عايشة بقرية ويجون عندنا بالرياض كل فترة يغيرواجو
قبل سنتين تقريبا سافروا بنات خالتي لامريكا عشان ياخذون لغة لمدة ستة شهور
اختهم الصغيرة عمرها 20 ماراحت بس الثنتين سافروا لانهم كانوا خايفين عليها
المهم سافروا خواتها وجت خالتي وبنتها وابوهم وجلسوا بشقة انا من طيبة قلبي
خليتها تجي عندي بدل ماتجلس بلحالها رحمتها جيت دقيت عليها وقلت لها اجلسي عندي
طوال الاجازة الصيفية انا ماراح اسافر وهي فرحت واستانست لاني نومتها بسريري وكنت اصرف عليها
واذا طلعنا سوق انا ادفع لها واشتري لها لان اهلها مايعطونها ريال واحد كل يوم امشيها بسواقي
واصرف عليها واي مكان تبيه كنت اوديها لي كافيهات اسواق مطاعم ممشى وثقت فيها للاسف
وعلمتها كل اسراري جتني بعد فترة تقولي اهلي يتكلمون فيك يقلون انك بنت وسخة يعني قصدها راعية رجال
بالرغم اني اشوفك والله حرام الي يقلونه عنك تدرون مين كان يسبني ويقذفني بعرضي عند اهلها
هي بنت خالتي للاسف !! وديتها مره ممشى الحت علي اوديها الممشى قلت ليه قالت ابي اغازل
ان صديقاتي يقلون هناك شباب قلت ويش تبين فيهم قالت تكفين بس تسلية!! وبرمضان كان تخيلوا
المهم رحنا انا وياها الممشى وعادي ماصار شي جلسنا بثيل وقمنا على اساس بنروح مطعم
قدامنا شاب يحاول يرقم ماعطيته وجه جت قالتله ابيك تعطيني رقمك رفض يوم شاف وجهها
لانها للاسف كاشفة وحاطة مكياج وموحلوة بعد قالها اذتبين صديقي عادي وهي على طول وافقت واخذت رقم
صديقه وقالتي تكفين ابي منك سلف مية قلت ليش انا على نياتي قالت بشتري شريحة
من التميمي اول كانوا يبعون هناك ماحطيت بالي انها تبي ترقم فيها !!
المهم شرت الشريحة انا كنت انام بدري 1 وحدة وانا نايمة اقوم الفجر القاها تسولف مع شباب بالجوال
وطبعي مااحب اتدخل بس كنت انصحها انهم ماراح ينفعونك ويبون منك غرض معين ماسمعت كلامي
وضافت الولد الي صديق الي بالممشى بالبي بي بجهازها البلاك بيري وقامت ترسل صورها له
المهم الولد اتفق معها انه يطلع معها بالممشى بس ممشى مظلم واعدها عشان محد يشك
جت قالتلي تكفين ابي غرناطة قلت ليه قالت بشتري هدية لصديقتي انا صدقتها
ورحنا انا وياها وكانت مجمعة هي 500 ريال وراحت وشرت اغراض جسم شامبو وكريم وصابونة وغلفتهم
واخذت كرت بس ماكتبت شي عليه يوم خلصت قالت ابي اروح ممشى كذا قلت ليه قالت يمدحونه البنات
تقصد الممشى المظلم قلت طيب وكانت ليلة 27 من رمضان الي ماتخاف من ربها
المهم رحنا انا وهي واخذت الهدية وخمس دقايق يدق جوالها الثاني الولد مواعدها بالممشى
قلت وين بتروحين وكانت متمكيجة وكعب وكحل وعباية معطرة استغفر الله قالت بروح معه
قلت لا اسفة انتي امانة عندي وليش الهدية قالت بعطيه والله انه يحبني ويموت علي قلت لويحبك كان خطبك من اهلك
المهم ماسمعت كلامي وركضت وراحت ركبت سيارته وقعدت ادعي ربي وابكي خفت عليها
وبعد ربع ساعة جتني مبسوطة قالت عطيته الهدية وهو فرح اكيد فرح ياغبية
المهم طلعنا اناوياها للبيت وقالت اوعديني ماتعلمين اهلي قلت شوفي انا ماحب اتكللم بااحد ولاحب اتدخل بااحد
حتى لوكانت تمشي عريانة ماحب اتدخل بااحد .. عكسها كانت تتكلم فيني وتسبني وانا ماسويت شي
مادري حسد مادري غيرة المهم يابنات جاني كلام انها تقذفني بشرفي وانها تقول اني اتكلم بنات خالي واسبهم
واني راعية رجال انا من قهري ارسلت لااختها رسالة وقلت شوفي خلي اختك تبعد عني لااقطع لسانها
ردت اختها علي ويش تقولين انتي يامتخلفة يامريضة ياامادري ايش المهم تخانقنا انا وهي بالرسايل مع اختها
هذا الكلام بعد مارجعوا خواتها من برا المهم قالت لي اختها انا بربيك ومادري ايش انتي محد رباك
انا طنشت وغيرت رقمي
العام شهر ثمانية هجري جت هي وخواتها بيتنا لانها محرضتهم علي وقالت عني كلام ماينقال
المهم انا ساكتة ماقلت شي جت اختها الكبيرة تطنز بطولي لاني طويلة ولله الحمد وهي لا
وتطنز بياضي لاني بيضاء وهي لا وتنطز بوظيفتي لاني متوظفة وهن لا المهم قعدت تطنز علي ويرمن كلام واناساكتة احترام لبيتنا وربي الله انه حتى خالتي معهن ترمي كلام علي وعلى فكرة ترى بنتهم كانت ماتصلى طوال 2 شهرين الي جلست معي ولاتصوم زي الناس تقوم الساعة 10 بالليل !!! وكانت نمامة وتغتاب وتتكلم بالجميع وتسب ...المهم جن ويتتطنزن على جوالي الجديد ويرمن كلام ويدفني وياخذن القهوةة وانا ساكتة اخرشي انفجرت وقلت لها اطلعي برا للكبيرة مادريت الا امهم الي خالتي للاسف تقول علي يامجنونة تبي تضربني وتسمغني اسوء كلام يالمجنونة يالمريضة النفسية يالوسخة يالعانس لان عمري 32 انتي محد يبيك....
وتجي هي الحقيرة الي لبستها وزينتها وديتها مشاغل واسواق ولبستها عبايات جديدة
تقولي مسكينة العانس العجوز محد يبيها !! مريضة نفسيا تبين احجزلك عندطريق الحبيب يداويك على حسابي
وانا الي كنت اصرف عليها الخبيثة وقالت كلام سم هي وامها وخواتها مايقوله وو لا اليهودي!!!
تتخيلوا امهم اطردتني من بيتنا وامي ساكتة وخواتي ساكتات يقولن لا خالتي هاذي مانبيها تزعل
قاموا ضدي وقامت بنتها الغيورة وضربتني على ظهري والثانية جرت شعري والثالثة كسرت اسوارتي
كلها هذا عشاني احسن منهن بكل شي تخيلوا 2 ساعتين ونص وقدام الحريم يسبني ويسبن ابوي
ايش دخل ابوي بالسالفة الحمدلله والشكر الحقد والحسد بين فيهن واصلا من اول وهن يكرهني
انا وخواتي وكان يتطنزن فينا وقامت تطنز بطولي وبنحفي وبياضي وبشعري ويش دخل شكلي بالسالفة
وبعدين سبت ابوي وقالت هذا بيت خالتي نجي بالوقت الي نبيه شوفوا يابنات لي سنة وزيادة مانسيت السالفة مقهورة مرة وهذا درس لي صرت مااثق ببااحد ولااكلم احد ولااعطي رقمي احد واخاف من الناس
جاني رهاب اجتماعي بسببهن حتى زميلاتي بالعمل مااكلمهن ولاادخل معهن فطور بسبب الي جاني
والمشكلة ماتادبن جوا يوم العيد لبيتنا ولاكان شي صار كانوا يتطنزن بصبغة شعري الشقراء
لقبتهن صابغات الثلاث نفس صبغتي عشت برعب وخوف بسببهن صرت مااطلع لااحد ولااقابل احد كرهت العقارب
وهاذي قصتي احكيها وانا ابكي دم واتحسب عليهن حتى خالتي كرهتها صرت مااكلمها ولاافابلها
واذا شفت خالتي فجأة سلام عادي واقوم كرهت العقارب وحسدهم وحقدهم يابنات وربي الله كل يوم احلم فيهن من قهري وادعي عليهن من قلب تعبت وجتني اكتئاب ابي حل الله يوفقكم وانا جالسة اكتب من الجوال
اسفة على الاخطاء الاملائية .. بس قصتي هاذي كتبتها للعظة والعبرةورجاء لاتجيني وحدة
وتقولي انتي مغرورة تمدحين نفسك بس انا اقول الحقيقة الي فيني و محد كامل الاوجه ربي ...