بنت خالتي سرقت خطيبي ليته يشوفها على حقيقتها 😭💔

سلام صبايا
باخش بالموضوع ع طول وبدون تهجم الموضوع مثل ماهو واضح باختصار فيه ناس بيخطبوني وقالوا نبي نشوف البنت يقصدون شوفه شرعيه بس اخوي رفض قال مانرضى قال الرجال خلاص بنخلي امي وخواتي يشوفونها قلنا تمام وجت مناسبه عندنا بالاجازه وحضروا وامس كلموا خالتي قالوا نبي بنتك واسحبوا علي وراحوا خطبوا بنت خالتي المطلقه وقالوا لخالتي بنتك ماشالله حلوووه مررره وتهبل اخلاقها ودخلت قلوبنا وهم نصابين ماقعدوا الا ربع ساعه معنا لانا كنا بطاوله وحده انا مقهوره محتره والله يابنات بنت خالتي جدا عاديه ودي يشوفونها بدون مكياج مرررراا عاديه حتى بشرتها سمراء يعني حنطيه ماهي سمرا سمرا انا بنت خالتي ذي ناشبه لي دايما من ايام الدراسه وهم يخقون معها البنات اعجاب وكذا مدري وش لاقين فيها حتى اذ حبت معلمه عطتها وجه ولها شعبيه كبيره فيه اللي احلى منها كثييير وفيه اللي احسن منها اسلوب قسم باللي رفع السموات اني انا اقعد معها دايما مافيها شي مميز ودي اشوف اللي يشوفونه فيها وودي يشوفونها بدون مكياج اقل من عاديه صح اعترف اذ حطت روج وفونديشن خفيف تغيرت 180 درجه بس ليبيش تخدع الناس ليه يرفعون فيها يقولون لها انتي شكلك جذاب حتى بالاعياد اذ جو بنات خالي البعيدين يصيرون زي هالفيس اذ شافوها 😳 يقولون الله وش هالزين انا زهقت منها خربت علي بكل شي ودي اقطع علاقتي فيها عشان ماحقد عليها هي اللي وصلتني لهالشي
وش رايكم انتم وش اسوي مع هالادميه جعلكم ماتحسون باللي احسه