لابد لها من ان تعلم احد اخوتها او امها وياتي يتحدث مع المشرفة وتطلب منها تستر عليها لانه فضيحة للعائلة كلها و اكيد هذا بكون درس لها و ما بتعيدها و كل بني ادم خطاء و خير الخطائين التوابين
الله يستر عليها و على بنات المسلمين

خلاص الموضوع وصل للعميده
يعنى اكيد بعلمون اهلها ....
لو ايش ماصار مستحيل لازم تعلم ...
لانها بذمتها ... مستحيل تسكت عن اللى صار ...
وانا من رأيي تبلغ امها وتروح معها للعميده
يمكن ... لعل وعسى ...
ياربيييييييييييه
والله جلدى مكوش ... الله يستر علينا وعليها
خليها تدعي ربها وتتضرعله ...
وتطلب منه الستر ...
والله يستر لو صديقاتها بالجامعه عندهم علم انها بتطلع معاه...
يالله سترك ...
طيب هو ايش صار عليه ؟؟؟؟

مع الأسف الشديد هذا الشيء منتشر كثير بين البنات والمشكلة ياليت البنت تسكت لكن تعلم صديقاتها ويدرون انها بتطلع وتنفضح بالجامعة وهي تحسبهم خوات لها ما تدري انهم أعداءها لأنهم لو يحبونها كان نصحوها ..
عموما الموضوع خرج من يد الكل واكيد العائلة بيدرون لأنهم بيستدعون الأم تجي وأحسن للبنت تتأكد مين هي الي بتكلم اهلها واذا عرفتها تروح تتفاهم معاها على اني ادري انها مستحيل تتعاون معها لأن هذا امانة والساكت عن الحق شيطان اخرس والاهل لازم يدرون ومهما سووا فيها تستحمل لأن المصلحة لها هي والله يكون بعون الأهل هم الي بينصدمون انا بس راحمتهم مساكين لأنهم مو دريانين عن شيء ومعطين البنت حريتها .. ومع الأسف هي ما كانت قد هالحرية ,, ادري هالشيء مو وقته لكن البنت ضروري تكلم امها تخبرها قبل يصير لها شيء ويغمى عليها لو درت في الجامعة فالأفضل تعرف في البيت وتتفاهم مع امها ,, والله يعينهم على هالمصيبة الكبيرة الله يسترنا في الدنيا والأخرة ويستر بناتنا وخواتنا وجميع المسلمين والمسلمات انا لله وانا إليه راجعون ..

وأولاً وآخرا عليها بالدعاء والتضرع إلى الله

تصلي صلاة حاجه وتطلب من الله يستر عليها وينجيها من اللي اهي فيه وانتي سويتي اللي عليج مالج الا تدعين لها وتسترين عليها مثل ماانتي تسوي مافي حل ثاني وتروح تقول القصه وتقول خلاص انا تبت وانشالله ربي يسهلها وماتوصل للفصل او الشرطه

يالله يابنات الله لايحرمني منكم ومن طيبتكم ووقفتكم معايا يارب

اتأسف اني مارديت عليكم امس لأني كنت عندها انا وصلت عندها وكانت حالتها جدا سيئه بجد يحقلها والموقف والله مو هين ,, في البدايه جلسنا نفكر انا وهيا ايش نسوي لأن صراحه الموضوع كبير ولازم أحد أكبر منا يعرف يتصرف ،، فهيا علمت 2 من خالاتي وطبعا امي عرفت ،، لأجل انه مايكون فيه صدمه لما الموضوع يظهر للكل ( الله يستر عليها يارب ) وطبعا خالاتي مو عارفين اصل الموضوع هي خبرتهم انه طلعت مع صحباتها لكن هم مو مرتاحين ،، المهم ،، جلست افكر معاها انها ماتكذب ابدا لأنه مدام هم منزلينها من سيارتها فأكيد هم ملاحظينها وهي نازله من السياره مع الأخ فأكيد ماخذين رقم السياره واوصافه فنصحتها انها تعترف بكل صدق ايش صار بدون اي تهرب من أي سؤال لانهم عارفين وتظهر لهم انها ندمانه حيييل وقد ماتقدر تقنعهم انها ماراح ترجع لهالطريق ,, انا ساعة ماجالسه اتكلم معاها فكرت في داعيه مشهوره عندنا بالجامعه الله يحفظها ويجزيها خير الجزاء على اساس تروح لها وتكلمها وتقولها الموضوع من ...الى .. حسيت البنت ارتاحت لفكرة الداعيه ,, اليوم الصبح راحت بت خالتي الجامعه وراحت سيدا على الموظفه الي مسكت جوالها وشنطتها فحاولت انها تكلمها وتشرح لها وتتفهمها مارضت تسمعها نهائيا قالت ان هالموضوع امانه عندي وانا مسؤوله عنه فما اقدر اني اتصرف بشي ,, بعدها راحت بنت خالتي للداعية وكلمتها وشرحتلها وارتاحت بعدها ,, فقالت الدايعة اني راح احاول اتدخل بالموضوع وان شاء الله ربي يسهل كل شي بس اهم شي ( التوبه) ,, الإداره بلغوها على اساس تيجي السبت ويبدأ التحقيق والمحضر بالجامعه :( :( ( يارب استر عليها )


×بالنسبه للأخ الي كان معاها ماصار عليه ايييي شي طلع منها زي الشعره من العجين مسكوها هي وهو راح ..

× البنات الي قالوا خليه يتزوجها هو متزوج حسبي الله عليه وعنده بنت وما اعتقد ابدا ابدا ان هالفكره راح تمشي يعني انا غاسله يدي منها ( سألتها امس اذا صار شي بينهم حلفتلي انه ماصار اي شي بينهم )

× خالتي وخالي كبااااااار في السن عواجيز ففكرة انه تاخذ خالتي للاداره صعبه ,, وبعدين اليوم الصبح امها عرفت بالموضوع وانهارت ,, بنات وربي ضايق صدري

× بنات انا مابي احد يدخل ويتشمت تستاهل وماتستاهل دعوه صادقه من القلب لها تجزيك خير الجزاء وش فايدة اني اطرح موضوع ابي مواساتكم وافكاركم واسمع من هالكلام هي غلطت صح وغلطتها قاتله ووصمة عار في صفحة اي بنت واي انسان ممكن يخطي الإنسان مايضمن عمره باي وقت كلنا لنا اخوات اقارب وبنت خالتي نموذج من ملايين الغافلات الي مو حريصين على انفسهم .. بس بعد الدعوه والكلمه الطيبه تفيد ..

× اختي زينة الطبايع انا والله العظيم فكرت من ناحية ان ممكن احد يفسر اني طريقي مثل طريقها والله الشاهد هو خلق وفرق وانا خايفه ان سمعتي تتأثر بسبة الشي هذا لأنها متعلقه فيني بس ماتسمع كلامي دايما تمشي الي بمزاجها متهوره
ايـــش اســـوي أنا والله بين نارين خايفه على نفسي وبعد خايفه عليها :(


×من ناحية صديقاتها ممافيه اي وحده منهم كانت تعرف عن الشي هذا .. انا فكرت انه اذا صار فصل انها تخبرهم انها نقلت لمنطقه ثانيه وانتهى الموضوع ..بنات الله يجزاكم الفردوس الأعلى على هالوقفه ,, ولايحرمني منكم ياكريم