بنت زوجي وتفكيرها تعبت منها

السلام عليكم ورحمه الله وبركاته
اتمنى تساعدوني في مشكلتي مع بنت زوجي تعبت مو عارفه وش تبي وشلون اتصرف معاها مع اني اعاملها بطيب واعتبرها مثل بنتي وتنازلت عن اشياء من حقي عشانها وعشان اخوانها اخوانها تقبلوني وحبوني الا هي احسها ضره لي مو بنت زوجي تفكيرها وخططها اكبر من عمرها تغار مني وماتبي اقرب من ابوها
حتى ابوها مضايق من تصرفها ومنصدم انا بنته تفكيرها كذا اتجاهي
هالفتره يبيني احمل وخايف من بنته انها تسوي شي او تتصرف تصرف غلط يقول لي اذا تغار منك انتي الكبيره الي في مقام امها وشلون لو تجيبين طفل وبتشوفني ادلعه والاعبه
دايم تكرر انت ماتحبنا وماتبينا لي اربع شهور متزوجه سمعتها يمكن مليوووون مره منها
بذكر بعض مواقفها وعطوني حلووول ... الله يجريكم خير
بعد ماملكت خلاني زوجي اطلع معاهم كم مره عشان يتعودون علي وجلست مع البنت وكلمها وسولفت معاها وقلت لها خل نكون اصدقاء واكون مثل اختك الكبيره ونريح بابا عشان يكون سعيد ومرتاح ويريحينا ولي نبيه يجيبه لنا .. ماقلت لها اكون مثل امك لاني عارفه انا الام مستحيييل تتعوض

في رمضان اتعب واطبخ وانوع في الاطباق نجلس كلنا نفطر الا هي يوم تفطر وعشره لا حاول ابوها معاها تقول ماحب الاكل الي تسويه تقربت منها وكلمتها انها تفكر معاي وش نسوي فطور وش الاكلات الي تحبها وتساعدني قالت لي مابي ولا ابي افكر في الاكل طبعا من قلة الاكل تعبت ومرضت وحطو الوم علي اهل امها وسببو لي مشكله واني معذبتها ومجوعتها
سافرنا في العيد طلعت قبلي وركبت قدام قالت بابا ابي اركب قدام خلاها ابوها وانا ركبت مع العيال ورا من ركبت وهي نايمه ابوها تعب يبي يأكل يبي يشرب شاي وصعبه يمد يده ويأخذ مني وهو يسرق وجاله النوووم نزلنا محطه نصلي وقال لها بنتي ركبي ورا وخلي خالتك جمبي ابي تعطيني اكل ابي اشرب شاي عصبت وركبت ورا وصفعت بالباب طول الطريق ماتكلمت ولا كلمه ولا كلت شي جاب لها الاكلات الي تحبها قالت مابي عصب ابوها وقال لها الاكل جمبك متى ماجعتي اكلي وصلنا وحجز فندق غرفتين لنا غرفه ولها واخوانها غرفه نمنا من التعب وما يجلس ابوها الا يشوفها نايمه في الصاله استغرب وجلسها ليش نايمه هنا قالت لاني ماحب انام مع اولاد قال لها يبنتي ذيلي اخوانك وصغار وانتي اختهم الكبيره المفروض تهتمين فيهم قالت ادري بس ماحب الاولاد قالت له الليله انام انا وخالتي في غرفه وانت مع الاولاد في غرفه وصار الي تبيه اذا جى الليل انام معاها وهو مع اولاده وغير اذا رجعنا من تمشيه يدخل الغرفه يريح يقول يتعب من السواقه تناديه بابا اجلس معانا يقول لها برتاح تقول له طيب خل خالتي تطلع معانا وانت ارتاح لحالك
نتسوق ماتبي تشتري اي شي وانا معاهم حتى مشتريات العيد قالت تبي خالتها وخلاها ابوها على راحتها ومن حقها هالشي بس مرا كنا نتمشى في مجمع وشاف محلات فيها تخفيضات قالي خل نتفرج واذا شي عجبنا نأخذ للعيال على طول نطت وقالت انا مابي ملابس قال لها لاخوانك نشتري دخلنا محل وشرينا للعيال وخلصنا ورحنا جهه الملابس النسائيه قالت يوووه بابا ابي اشتري ملابس غيرت رايي قالت لها صبري تخلص خالتك ونروح قالت لها لا الحين ابي خللها لحالها تشتري معليك منها انا ارتفع ضغطي من ردها قلت لها انا تعبت بطلع وبجلس برا اذا خلصت دق علي وعرف اني زعلانه
انسرق جوالي وشرا لي جوال جديد كسرت جوالها متعمده بس عشان يشتري لها يومها عصب وهزأها ترد عليه بكل برود هذا شريت لزوجتك قال لها انسرق قالت متعمده تخليه ينسرق عشان تشتري لها قال لها دامك تبين جوال جديد ليش كسرتي هالجوال وتوني شاريه لك كان خليته وشريت لك غيره بيصلحه مارضت تبي جديد قاال لها اذا صار عندي فلوس شريت لك زعلت ومابقى احد ماعلمته انا ابوها حارمها من الجوال طبعا بتحريض زوجته الي هي انا
مستحيل تشوفني جالسه جمب ابوها ماتجي تجلس وسطنا عذرها تبي تجلس جمب باباتها مراكان يمزح معاي وياليته مزح عدل يضربني واذا قلت يوجعني يزيد ضرب ويلف يدي بعد مع عياله بعد ضرب بالمخدات كانت في غرفتها وطلعت شافتنا انقهرت وقالت لاخوانها قومو خل ياخذون راحتهم لا تخربون عليهم
كل يوم ما انام الا الشقه نظيفه وما اجلس الا وسخه والصاله معفوسه لانهم يسهرون كلمها ابوها مانفع معاها تقولي ليش ماتسهرين معانا ولا كلا لصقه في ابوي
يومين تروح المدرسه ماتفطر ولا تأكل شي وابوها خايف عليها
زوجي ويدري اني بسجل في الموقع وبكتب فيه وكل الحلول بقوله له قالي دوري وبحثي عن حلول لبنته الي تعبتنا
انتظرررركم